ستران عەبدوڵڵا

سێبەری هەڵبژاردن لەكوردستان تا بەغدا

  2017-12-26 16:38      344 جار بینراوە        کۆمێنت

رۆژنامەی مەدا، راپۆرتێكی نووسیوە لەسەر ئەگەرو نەگەری دواخستنی هەڵبژاردنی داهاتووی عیراق.
راپۆرتەكە لەسەر ئەوەیە عەبادی؛ حەزی لێیە لەكاتی خۆیدا بكرێت، مالكی-ش بەمەرجی سازكردنی حكومەتێكی نوێ لەگەڵ دواخستنێتی.
(نوێ) لە روانگەی مالكی-یەوە، یانی دووبارەكردنەوەی خۆكاندیدكردنەوە بەو ئیعتبارەی دووجار لەسەریەكی پێشووی دەستنوێژی ناشكێ، چونكە چەند ساڵێكی حكومەتایەتی عەبادی تێكەوتووە. ئەمە لە كوردەواری خۆماندا شتێكی پێدەڵێن كە ناوهێنانی بۆ رۆژنامەی سیاسی دەست نادات.
بەودیو حەمرینیشدا، تای ململانێی هەڵبژاردنی عیراق، كوردستانیشی گرتۆتەوە، بەدوو مانا:
-كوردستان بەشداریی چۆن دەبێت لە هەڵبژاردنی عیراقدا؟، كە خۆی ئەم جارە جووت هەڵبژاردنە، هی ئەنجومەنی نوێنەران‌و هی ئەنجومەنی پارێزگاكانیش.
– هەڵبژاردنی داهاتووی كوردستان كەی دەكرێت؟ لەوادەی خۆیدا وەك سەرۆك وەزیران نێچیرڤان بارزانی نامەی بۆ پەرلەمان نووسیووە بەهاری داهاتوو بكرێت؟ یان بەهۆی گوشاری ئۆپۆزسیۆن، لەناو شەقامدا، تەنانەت رەنگە پێشیش بخرێت؟. یاخود بەهارو سەیران دڵی هەمووان نەرم دەكات‌و دیسانەوە وادەكەی دەكەوێتە پێنج قۆڵی سازانەوە؟ لەوانەشە سێبەری عیراقی مەركەزی لەم بێ پارەییەی كوردستان‌و لەم مەیلەی ئۆپۆزسیۆندا كە باوەڕی بە حكومەتی ئێستای هەرێم نییە، وا چڕبێتەوە كە بەغدا بڵێ دووەكەی بەغداو ئەوەی هەرێم بە یەك خەرجی ‌و بەناونیشانی یەك عیراقی دیموكراتەوە، یەك دەخەم؟
ئۆپۆزسیۆنی بێئومێد لە سیاسەتی دوو حزبی حوكمڕانی سەرەكی رەنگە ئەم بژاردەیەی پێ خۆش بێت. لەم حاڵەدا هەڵبژاردنی داهاتووی سەرتاسەری عیراق بە مانای یەكخستنەوەیەكی تری عیراق دێت.
ئەوەش كە ئێستا ناوی مالكی جارێكی تر كەوتۆتەوە ناوان ‌و تەسویقی میدیایی بۆ دەكرێت، نیشانەیەكی دیاری تای هەڵبژاردنەكانی عیراقە كە لە كوردستانیش لێكەوتەكانی دەركەوتوون. ئەكرادە تازەكانی مالكی رەنگە لە داخی عەبادی بچنە هاوپەیمانی لەگەڵ مالكی. ئەكرادە كۆنەكانیش، بە وەسفی میدیای برایانی پارتی، لەگەڵ عەبادی لە شەڕ و لە دەعوان، چونكە هیچ قسەیەكی لەگەڵ كورد نەبردۆتە سەر، نە لە بودجەو مووچەو نە لەسەر دۆخی كەركوك. لەبەر ئەوەشە رەنگە عەبادی قورسایی بخاتەسەر قوڵایی شیعە‌و پشتیوانیی ئەمریكاو رۆژئاوا. شەڕی داعش و شەڕی دژی كوردستانیش بكاتە دەسكەلا تا هەڵبژاردن بباتەوە. ئەم دوو كارتە بەدەست عەبادی-یەوە مەحكومە بە فاكتەری كاتەوە. تا هەڵبژاردن زووتر بكرێت تای سەركەوتنەكانی عەبادی گەرمترە بۆ بردنەوەی. تا دوابخرێت سەركەوتنەكانی كاڵ دەبێتەوەو كەموكوڕییەكان‌و پێشێلكارییەكانی لە دژی سوننەو خورماتوو لێی دەبێتە مڵۆزم ‌و سەری بردنەوەی دەخوات. ركابەرەكانی هەر لە مالكی تا حەشدی شەعبیـی‌و عەلاوی ‌و سەركردەكانی سوننە دۆسێی پڕتری بۆ ئامادە دەكەن.
لە هەموو حاڵێكدا دۆسێی ناو ماڵی شیعەو راڕەوەكانی سیاسەت لە بەغدا یەكلاكەرەوە دەبن لە ململانێی هەڵبژاردندا. بەداخەوە فاكتەری كوردی تا خوا (مام جەلال)ێك، یان پەیڕەوێكی مام، بە كورد دەداتەوە لە هەڵبژاردنەكاندا كاریگەر نییە. بەپێچەوانەوە هی سیاسەتی بەغدا كاریگەری دەبێت لەسەر كوردستان، تەنانەت لە دۆسێی هەڵبژاردنی هەرێمیشدا.
وتلك الایام تداولها بین الناس

وتاری زیاتر


فەزای داعش لەعیراق‬ ستران عەبدوڵڵا
2019-08-25 20:54      65 جار بینراوە


فەرموو دەست پێبكە‬ ستران عەبدوڵڵا
2019-06-21 20:56      93 جار بینراوە

رێوییەکانی کرملین‬ ستران عەبدوڵڵا
2019-05-30 12:13      67 جار بینراوە

‌مەیلی راماڵین‬ ستران عەبدوڵڵا
2019-05-24 11:44      70 جار بینراوە

كوشتن لەسەر ناسنامە‬ ستران عەبدوڵڵا
2019-05-18 11:55      80 جار بینراوە

هەرێمی .... كوردستان‬ ستران عەبدوڵڵا
2019-05-13 13:20      79 جار بینراوە


لەو سەحرای سەماوەیەدا‬ ستران عەبدوڵڵا
2019-04-15 11:32      73 جار بینراوە


لەبارەی (شار)ەوە‬ ستران عەبدوڵڵا
2019-03-14 10:15      79 جار بینراوە


فیقهی ئەولەویاتەكان‬ ستران عەبدوڵڵا
2019-01-31 13:40      89 جار بینراوە

مت شتێك بنوێنە‬ ستران عەبدوڵڵا
2018-11-26 15:49      95 جار بینراوە

پارە پارە‬ ستران عەبدوڵڵا
2018-11-04 20:19      70 جار بینراوە


ناو لەقۆناغه‌كه‌ بنێین‬ ستران عەبدوڵڵا
2018-06-30 18:04      136 جار بینراوە

كوردستانێتی و عیراقێتی‬ ستران عەبدوڵڵا
2018-05-11 12:23      180 جار بینراوە

كەركوك قۆناغی شۆك بەسەربچێت‬ ستران عەبدوڵڵا
2018-01-31 18:54      279 جار بینراوە



ساڵی تەحەدداکان‬ ستران عەبدوڵڵا
2018-01-06 20:26      256 جار بینراوە

نانەوێ‬ ستران عەبدوڵڵا
2017-12-19 11:22      483 جار بینراوە

جینۆساید لە خورماتوو‬ ستران عەبدوڵڵا
2017-12-17 17:00      280 جار بینراوە



نوێترین هەواڵەکان

بیروڕا

سۆشیال میدیا

گەلەری

نرخی دراوەکان

# دراو نرخ بە د.ع
1 $100 120,500
2 €100 133000
3 £100 145,000
4 100 لیرەی توركی 21,750
5 100,000 تمەن 10,000
6 به‌رمیلێك نه‌وتی‌ خاوی‌ برینت 61.22
7 به‌رمیلێك نه‌وتی‌ خاوی‌ خۆرئاوی‌ تیكساس 55.21

کەشو هەوا

زۆرترین سەردانکراو