مەلا بەختیار

ئازارەكان؛ یادی رووداوە نادیارەكانیشە!!

  2019-03-08 14:13      80 جار بینراوە        کۆمێنت
(5)ی ئازار یادی دەروازەی راپەڕینە، (7)ی ئازار یادی هەڵمەتی سلێمانییە. (8)ی ئازاریش، جەژنی جیهانی ژنانە. یادەكانی دیكەی ئازاریش بەڕێوەن.
كە دیقەتی رووداوەكانی مێژوو دەدرێ‌، ملیۆنەها روداوی خوێناوین. چاكەو خراپە. شانازی و شەرمەزاری. سەركەوتن‌و شكستی رووداوەكان. ستەمكارو ستەملێكراو هەر مرۆڤن. كەچی نەدیكتاتۆرەكان پەند لەمێژوو وەردەگرن‌و نە مرۆڤەكان لەناو حكومەت‌و سوپا‌و هێزە سیاسییەكاندا، بۆ پلەو پارە، دەستبەرداری كۆیلەتی‌و لادان‌و بادان دەبن.
لەسەرهەڵدانی سەرمایەدارییەوە، (250) ساڵە راپەڕینی هاوچەرخ سەریهەڵداوە. بەڵام لەجیهاندا، دیكتاتۆرو داگیركەران لەحوكمی مێژوو نەترساون‌و ناترسن.
مێژووی كۆیلەیەتی، لەپێش راپەڕینی سپارتاكۆسەوە، هەیە. ئەی كوا مرۆڤ هێشتا وشیارە دژی كۆیلەیەتی ‌وهەلپەرستی‌و تاوان؟
(8)ی مارس (110) ساڵەرویداوە، بەڵام پیاوی باوكسالار‌و نێرینەباز، ئەقڵی لەژێر كاریگەری ماسولكەی تاوان‌و شەرەفی ناوگەڵ، تێناپەڕێ‌!!
بەندە پێموانییە تەنها دەسەڵات‌و یاسا‌و زەبروزەنگ كۆیلەی هاوچەرخ لەدەووری ملهوڕەكاندا بهێڵێتەوە. نەخێر، نەریت‌و ئایین‌و مەزهەبی ئازاد نەكراو لەچەقبەستن، هزری بێ‌ پرسیار، رەدووكەوتنی رەوشە باوە رزیوەكان، هەمیشە وایانكردووە بەشێكی زۆری مرۆڤایەتی، یان بەكۆیلەیەتی قۆناغە جیاوازەكان رازی بن. یان بەرامبەر ستەمكاری بێدەنگ بن. هەتا رادەی تاوانی وەكو هەڵەبجەو ئەنفالەكانیش.
بەڵێ‌.. تراژیدیا تەنها لەرووداوە دیارەكاندا دەرناكەووت. بەڵكو سەرچاوەی تراژیدیا، لەپەروەردەو سایكۆلۆژییەتە نادیارەكانەوە سەرچاوە دەگرێ‌.
ئەوەتا، سوپای جەزائیری یەك ملیۆن شەهیدو سودانی هەمیشە ستەملێكراو، نۆرەیانە كۆیلە دابەستەكان، بەناوی پاراستنی یاساوە، بەربدەنە وێزەی ئازادیخوازان. ئەمەش بەڵگەو بەرجەستەی تراژیدیا دیارو نادیارەكانی كۆیلەیەتی جەستەو سایكۆلۆژیایە.
دەسەڵات، دەمێكە تەنها دەسەڵاتی لوتكەكان نییە. بەڵكو دەسەڵاتی دامێنەكانیشە. هەموو دەسەڵاتە گەورەو گچكەكان، تەواوكەری یەكدین. مرۆڤیش تەنها مرۆڤە ئازادیخوازە راستەقینەكان نییە، بەڵكو كۆیلە دابەستەكان زۆرترن.
بۆیە، رووداوەكان تەنها لەدەركەوتنیاندا نەخوێنینەوە، بەڵكو رووداوە ترسناكەكان، لەناخی مرۆڤە كۆیلەی سایكۆلۆژی ‌و تەنانەت ئایدۆلۆژیش، زاخاوی تاوان‌و تاڵان دەدەن.
ئەوەی لەهەمووی سەیرترە، مێدیای كۆیلەپارێزو زانای دێرینەخوازو  سیاسەتمەداری گەنەی سامانی وڵاتان، لەترسی كۆیلە چەكدارەكان‌و پارەی بەهەلپەرستی دابینكراو، پاساویان بۆ وتار و خوتبە‌و هێرشی سلفەو زەكات، بەردەوام ئامادەیە.. بەبێئەوەی بزانن، كۆیلەی سایكۆلۆژی لەدەوری ملهوڕە مل ئەستورەكانی تاوان، دەبەنگ دەكەن.
سڵاوی راستەقینە لەیادی (5)ی ئازارو (7)ی ئازارو (8)ی ئازار.. هەرچەندە ئازارەكان، دڵنیاین نابڕێنەوە.

عەممان- 8/3/2019

وتاری زیاتر











یەکی ئایارو عائیدون!‬ مەلا بەختیار
2019-05-01 17:48      69 جار بینراوە




رۆژی شانۆ پیرۆزبێ‌‬ مەلا بەختیار
2019-03-27 14:47      69 جار بینراوە

(11)ی ئازار و پەندەكانی مێژوو!‬ مەلا بەختیار
2019-03-11 17:17      127 جار بینراوە




پاساوی تاڵانكردن مەهۆننەوە!!‬ مەلا بەختیار
2019-01-15 13:52      111 جار بینراوە








كابینەی نوێ‌ و كێشە كۆنەكان‬ مەلا بەختیار
2018-12-11 09:36      104 جار بینراوە



نوێترین هەواڵەکان

بیروڕا

سۆشیال میدیا

گەلەری

نرخی دراوەکان

# دراو نرخ بە د.ع
1 $100 120,500
2 €100 133000
3 £100 145,000
4 100 لیرەی توركی 21,750
5 100,000 تمەن 10,000
6 به‌رمیلێك نه‌وتی‌ خاوی‌ برینت 61.22
7 به‌رمیلێك نه‌وتی‌ خاوی‌ خۆرئاوی‌ تیكساس 55.21

کەشو هەوا

زۆرترین سەردانکراو