ستران عەبدوڵڵا

لەو سەحرای سەماوەیەدا

  2019-04-15 11:32      90 جار بینراوە        کۆمێنت

لەتێ لەسەر و لەتێ لە خەونەكانمان وا لە سەماوە. كڵاوی سەری كوردە و كەوتۆتە سەحرای جنوبەوە، تێكەڵی خاك و خۆڵی ئەوێ بووە و لەوانەیە جامانەكەی لەشارەزوور بەر كیمیایی كەوتبـێ. 
لەو دەشتی شارەزوورەوە تا ئەو دەشتی كەربەلایە، تراژیدیای كوردقڕانە كە وامانزانی لەڕاپەڕینەوە لەپشتی خۆمان بەجێمان هێشتووە. كەچی لەشەنگال سەریهەڵدایەوە.
كڵاوی سەری كوردە لەجیاتی ئەوەی لەسەرما و سۆڵەی زستانی غەدر ‌و داگیركاری بمانپارێزێ، بۆتە شاهید كە هاوار و ناڵەمان تا ئەوێش غلۆر بۆتەوە. تا سەماوە چووە.
كڵاوی كوردە لەنێوان كڵاوسوور و كڵاوڕەشی ململانێكانی مێژوودا. لەنێوان شەپقەی غەرب ‌و سیدارەی ئەفەندی و تەربوشی خۆجەدا گیری خواردووە.
دەست بە كڵاوی خۆمانەوە دەگرین تا با نەیبا و سەرمان پان نەكەنەوە، دەجوڵێین تا جامانەمان لەسەر نەخلیسكێ، ئێژن كڵاویان لار كردۆتەوە و بەزمیان لەبن سەرایە.
سەرێكە و سەد سەودا، كوردستانێكە و سەد دەرد و خەم. جلخوارەكان دێن شتێك دەڵێن، جل قیتەكان بە قات و ریباتەوە شتێكی تر دەفەرموون. وایە كە بە بەشی خۆمان رازی دەبین، كەچی باقر و بارق، حەجاج و جەلاد، مغاویر ‌و جەیش شەعبـی، حەرەسی قەومی و حەشدی شەعبیمان لێ گاڵ دەدەن.
ئەڵێین با ئیتر بەس بێ ئازار و ئەنفال تا لەم خەمە بڕەخسێین و پەژارەی ئەنفال و شەنگال قەتیعە بێت و ببڕێتەوە. تومەز هێشتا لەو سەحرای سەماوەیە یادگارمان ماوە. سەر و خەون و ئەندێشەمان لە ژێر خۆڵ نێژراوە. كڵاومان لەبن خۆڵەكەدایە و هەقمان داوای تێهەڵچوونەوە دەكات.
بە دوای تایتڵی خەمدا دەگەڕێن؟ وا لە ژێر كڵاوی گەوزاوی سەماوەدایە. بە دوای كۆتایی كڵاوكڵاوێنی سیاسەتدا دەگەڕێن؟ وا لە بن سەری، حاجی قادری كۆیی وتەنی؛ گای بنەدایە.
كڵاوی كورد وا لەو سەحرای جنوبە. لەوێ كە نیشتمانی جەواهیری كڵاو لەسەری (یان كوردستان، یان نەمان)ە، لەوێ كە نیشتمانی جەواهیرییە، ئەوی بە عەرەبی دێڕە شیعرێكی هەیە كە هەموو تراژیدیای دونیای لە خۆیدا چڕكردۆتەوە:
(لم یبقی عندی ما یبتزه الالم)..
چم نەماوە تا ئازار سەودای پێوە بكات.

 

وتاری زیاتر

ده‌ستوور یان نه‌ریت؟‬ ستران عەبدوڵڵا
2019-11-16 16:32      42 جار بینراوە

نۆتی ناكام‬ ستران عەبدوڵڵا
2019-11-11 17:20      100 جار بینراوە

بۆ یه‌كتری ده‌ستێننه‌وه‌‬ ستران عەبدوڵڵا
2019-11-09 14:25      55 جار بینراوە


نەبینە بابەتی دەمەقاڵێ!‬ ستران عەبدوڵڵا
2019-09-30 16:12      62 جار بینراوە


فەزای داعش لەعیراق‬ ستران عەبدوڵڵا
2019-08-25 20:54      84 جار بینراوە


فەرموو دەست پێبكە‬ ستران عەبدوڵڵا
2019-06-21 20:56      107 جار بینراوە

رێوییەکانی کرملین‬ ستران عەبدوڵڵا
2019-05-30 12:13      85 جار بینراوە

‌مەیلی راماڵین‬ ستران عەبدوڵڵا
2019-05-24 11:44      90 جار بینراوە

كوشتن لەسەر ناسنامە‬ ستران عەبدوڵڵا
2019-05-18 11:55      94 جار بینراوە

هەرێمی .... كوردستان‬ ستران عەبدوڵڵا
2019-05-13 13:20      102 جار بینراوە



لەبارەی (شار)ەوە‬ ستران عەبدوڵڵا
2019-03-14 10:15      96 جار بینراوە


فیقهی ئەولەویاتەكان‬ ستران عەبدوڵڵا
2019-01-31 13:40      105 جار بینراوە

مت شتێك بنوێنە‬ ستران عەبدوڵڵا
2018-11-26 15:49      112 جار بینراوە

پارە پارە‬ ستران عەبدوڵڵا
2018-11-04 20:19      83 جار بینراوە


ناو لەقۆناغه‌كه‌ بنێین‬ ستران عەبدوڵڵا
2018-06-30 18:04      160 جار بینراوە

كوردستانێتی و عیراقێتی‬ ستران عەبدوڵڵا
2018-05-11 12:23      202 جار بینراوە

كەركوك قۆناغی شۆك بەسەربچێت‬ ستران عەبدوڵڵا
2018-01-31 18:54      301 جار بینراوە



ساڵی تەحەدداکان‬ ستران عەبدوڵڵا
2018-01-06 20:26      274 جار بینراوە


نانەوێ‬ ستران عەبدوڵڵا
2017-12-19 11:22      511 جار بینراوە

جینۆساید لە خورماتوو‬ ستران عەبدوڵڵا
2017-12-17 17:00      300 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو