مستەفا محەمەد

سەرکـەوتـنی یەکێتی قبوڵ بکەن

  2018-05-16 10:07      119 جار بینراوە        کۆمێنت

ئەمجارەش هاووڵاتیانی کوردستان متمانەیان بەخشییەوە بەڕێبازو فەلسەفەی یەکێتی ، دەنگدەرە یەکێتیەکان، یەکێتیە سەر ڕاست و ناڕازییەکانیش ، هاوتەریب لەگەڵ دۆستان و لایەنگرەکانی یەکێتی ڕەخنەو تێبینیەکانیان خستە لاوەو ئەو پەیامەیان دایەوە کەحزبەکەیان هەڵقوڵاوی هەناوی جەماوەرەو ڕیشەکەی لەناو ئەوان داکوتراوە، بەهۆشیارییەکی بەرزیانەوە دەنگدەری ئەمڕۆ بۆ ئەم قۆناغەش یەکێتیان بەهێزێکی گەورە، بەپارێزەری مافەکانیان ، بەداکۆکیکاری وەرگرتنەوەی بودجەو مووچەکانیان، بەتێپەڕێنەری سەرجەم قەیرانەکانیان ناوزەند کردەوەو بەهەمان گوڕو تینی جاران لەپڕۆسەیەکی دیموکرات و ئازادانەدا داستانێکی تریان خستە سەر مەڵۆی داستانەکانی تری یەکێتی و بووە لیستی تیمی بەرگریکاری مافە دەستوریەکانیان لەعیراقی فیدراڵدا.
کادرانی خۆبەخش و دڵسۆزو خەمخۆران بەوپەڕی حەزی خۆویستانەو بڕواوە ، لەسۆنگەی درکیان بەگرنگی رۆڵی بەرچاو و پڕ لەحزوری یەکێتی ، باوەڕبوونیان بەگەشەو نوێبوونەوەی یەکێتی ، بەهزری خزمەتی کۆمەڵانی خەڵک لەکانیاوو ڕێبازو فەلسەفەو ئایدیایی پڕ لەهیوای «مام» ، هەوڵیانداو وچانیان کرد، هێندەی کرا پەیامی یەکێتیانەی بێ خەوشیان گەیاند. بانگەشەیەکی ئارام و دوور لەقینیان بەڕێکرد ، کوچەو کۆڵان و شارو دێهاتەکانیان بۆ بەهێزکردنەوەی ئاییندەیان حزبەکەیان تەی کرد ، لێبڕاوانە گەنجان و لاوان، دۆستان و هاوسۆزان، دەستیان لەسەر دڵ و ویژدانیان داناو چانسێکی پڕ لەهیوایان بەخشییەوەو نماییندەکانیانی لیستی سەوز.
ئەرکی نوێنەرانەکانی یەکێتی دوای سەرۆک تاڵەبانی لەگۆڕەپانەکە قورس دەبێ ، چونکە مام  چەند بۆ یەکێتی، سەدان هێندە وەک چەتری پارێزەری بەرژەوەندی هاوسەنگی کورد لەعیراقی تازەدا گرنگتربوو ، زۆرێک لەوانەی کە لەحزوری مامدا لەبەغدا بوون بەلیستەکانی دەرەوەی یەکێتیشەوە ئەو گەواهیە دەدەن کە کاری ئەوان وەک پەرلەمانتار زۆر سانا بووە، لە«ئوسامە جەمیل»ەوە گوێم لێ بوو ئاماژەی بۆ ئەوە کرد کە مام جەلال کۆکەرەوەی هەمووان بوو، هەرکاتێک گفتوگۆکان دەگەیشتنە بنبەست، فریادڕەسێک هەبوو دەربازی دەکردین و لەئەرکە قورسەکاندا بۆی دەگەڕاینەوە، کەواتە ئەرکی ئێستای نوێنەرانی هەڵبژێردراو لەغیابی مامدا تەواو گران و پڕ لەکێشمەکێشم دەبێ و تەحەددیەکی گەورەی شەڕی دەستووریش لەپێشیانە.
ئەوەی گرنگە بۆ لایەنەکانی تر، یا ئەوانەی کە دانوویان بەسەرکەوتنی یەکێتی ناکوڵێ ، وەک پرەنسیپێکی بەرزی دیموکراسی ، بەچەشنی یەکێتی کە لەڕابردوودا لەساتی هەڵبەزو دابەزی دەنگەکانیدا کردی ، لەتۆمەت بەخشینەوەو تێکدانی ڕەوشی کۆمەڵایەتی و دەروونی هاووڵاتیان خۆ بەدوور بگرن، ئەنجامەکان قبوڵ بکەن و سەرکەوتنەکەی لیستی سەوز بەسەرکەوتنی خۆیان بزانن و تێبگەن پێدانی چانسێکی تر لەلایەن دەنگدەرانەوە بەرپرسیارێتیەکی گران و پڕ لەئاریشەیان خستۆتە گەردنی نماییندەو سەرکردەکانی یەکێتی دوای مام جەلال ، دەبێ ئەو پەیوەندیە بەهێزەی کە نەخشە ڕێگەکەی سەرۆک مام جەلال لەعیراقی نوێدا دایڕشت ، بەشوێن پێی ئەودا پەرەی پێ بدرێ و لەمەودوا هەموو دەنگەکان ، لیست و قەوارەو ڕەنگە جیاوازەکان، وەک پەنجەکانی دەست یەک مشتی بەهێز بن بۆ وەستانەوە لەدژی نەیارەکانی کورد، فراکسیۆنێکی پتەوبن لەپەرلەمانی عیراقدا لەبەرامبەر شیعەو سوننەکاندا بەیەک گوتارو بەیەک روئیاوە بێنەوە مەیدان و تاکە بڵندگۆی زوڵاڵی هاواری شەهیدەکانی نیشتمان و سەرخستنی ئیرادەی هەموو پێکهاتەی کوردستانیان بن.
بۆ یەکێتیش کەمێژووەکەی ئاشنایەو لەسەردەمی نائومێدیدا لە دایکبووە ، پێویستە لەئەمڕۆی بێ ئومێدیشدا کوردستان بە بەرنامەو پلانی تۆکمەوە بخاتەوە ڕێچکەی ژیان و خۆشگوزەرانی و خەندەو ئاوەدانی بۆ سەرکەوتن و بەدەستهێنانەوەو هەستانەوەی پێگەکەشی کۆنگرە بکاتە سەردێڕی بەخۆداچوونەوەو بەدیهێنانی بەڵێن و گەڕانەوەی شکۆی بەهێزو عەدالەتی تەواو لەناوخۆو دەرەوەی حزبەکەیدا.

وتاری زیاتر

کاتێ بانگەشە پـێچەوانەیە‬ مستەفا محەمەد
2018-05-02 14:08      57 جار بینراوە


نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو