مەلا بەختیار

چەپكە گوڵ و قسەیەكیش
بۆ رۆژی جیهانی كەمئەندامان..!

  2018-12-03 13:49      151 جار بینراوە        کۆمێنت

ئەمڕۆ؛ (3-12) رۆژی كەمئەندامانی جیهانە، رۆژی ئەو مرۆڤانەی بەهەر فاكتەركێك بووبێ‌، بەشێكی جەستەیان لەدەستداوەو كەمئەندام بوون.. وەلێ‌ توێژێكی زیندوو، گرنگ و دانەبڕاوی كۆمەڵن و ژمارەیەكی بەرچاویشیان، لەكایە جیاوازەكانی ژیاندا، داهێنەرو خوڵقێنەری جوانی‌و خزمەتكردنن بە بەهاكانی مرۆڤایەتی.. 
كۆمەڵەی گشتیی رێكخراوی نەتەوە یەكگرتوەكان، لەساڵی (1992)ەوە، رۆژی (3)ی دیسێمبەری هەموو ساڵێكی وەكو "رۆژی كەمئەندامانی جیهان" ناساندوەو پەرلەمانی كوردستانیش، لە(31)ی كانونی یەكەمی (2011) یاسای ماف و ئیمتیازاتی كەمئەندامان و خاوەن پێداویستییە تایبەتەكانی پەسەند كردووە..!
لەدنیادا، زیاتر لە یەك ملیار كەس و لە كوردستانیش زیاتر لە(100) هەزار كەمئەندام بونیان هەیە، بەڵام مایەی نیگەرانییە، كە هێشتا بەهۆی جێبەجێ نەكردنی تەواوی یاساكەو بەهۆی قەیران و گرفتە یەك لەدوای یەكەكانەوە، هەروەك بەهۆی نزمی ئاستی هۆشیاری بەرامبەر بەم توێژە، ژیانی كەمئەندامان لەكوردستان، توشی نەهاتی‌و ئاستەنگ بۆتەوە..
بەندە، لەم رۆژەدا وێڕای ئەوەی چەپكە گوڵی رێز و خۆشەویستی خۆمیان پێشكەشدەكەم‌و سڵاویان بۆ دەنێرم.. دەشڵێم:
ناكرێ‌ چیتر لەبەرامبەر ئەم توێژە هەستیارەی كۆمەڵدا، بێخەمبین! چونكە هەموو ئەوانەی خۆیان بەمرۆڤی كامڵ دەزانن و رێز لە كەمئەندامان ناگرن، بێگومان دیارە ئەوانە هەست و عەقڵیان لاسەنگ‌و لاوازە..! لەكاتێكدا لوتكەی مرۆڤایەتی لەوەدایە كە، رێز لەكەمئەندامان بگیرێت‌و ژیانێكی شایستەیان بەیاساو بەموچەو بە رێزی كۆمەڵایەتی، لەئاستی پێویست‌و لەنێو كۆمەڵیشدا، بۆ فەراهەم بكرێت..
سڵاوتان لێبێت كەمئەندامانی كوردستان؛ وەك هەمیشە پشتیوانتانم..

وتاری زیاتر

ناكۆكیەكانی سەرۆك ترامپ‬ مەلا بەختیار
2019-10-13 21:53      151 جار بینراوە








روسیای لینین و روسیای پوتین‬ مەلا بەختیار
2019-09-11 18:42      81 جار بینراوە


31ی ئاب؛ یادێكی شوم‬ مەلا بەختیار
2019-08-31 13:33      99 جار بینراوە












یەکی ئایارو عائیدون!‬ مەلا بەختیار
2019-05-01 17:48      86 جار بینراوە




رۆژی شانۆ پیرۆزبێ‌‬ مەلا بەختیار
2019-03-27 14:47      92 جار بینراوە

(11)ی ئازار و پەندەكانی مێژوو!‬ مەلا بەختیار
2019-03-11 17:17      150 جار بینراوە



نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو