مەلا بەختیار

یه‌كهه‌ڵوێستی‌و سه‌ركه‌وتنی فراكسیۆنه‌كان‌و پاشه‌كشه‌ی موزایه‌ده‌خوازان

  2019-01-25 10:50      103 جار بینراوە        کۆمێنت

خۆشحاڵم، شەوی (23/1/2019) فراكسیۆنه‌ كوردستانییەكان، به‌ یه‌كهه‌ڵوێستی كوردایه‌تییان، داكۆكییان لەزیادكردنی بودجه‌ی كوردستان، له‌بواره‌كانی مووچه‌و فه‌رمانبه‌ران‌و پێشمه‌رگه‌ كردو سه‌ره‌نجام، توانییان، یه‌كێك لەكێشه‌ بنه‌ڕه‌تییه‌كانی نێوان هه‌رێم‌و به‌غداد، كه‌ ساڵه‌هایه‌، به‌ناكۆكی ماوه‌ته‌وه‌، چاره‌سه‌ربكه‌ن. ئه‌مه‌ش هاوكاتی هه‌نگاوه‌ سیاسییه‌كانی تری دوای هه‌ڵبژاردنی په‌رله‌مانی عیراق، ده‌ریانخست چاره‌سه‌ری ستراتیژی ئابووری، به‌غداده‌.
ئه‌م یه‌كهه‌ڵوێستییه‌، ره‌گ‌و ریشه‌ی ده‌گه‌ڕێته‌وه‌ بۆ ئه‌و سیاسه‌ته‌ ئابوورییه‌ی حكومه‌تی هه‌رێمیش، وه‌كو شایسته‌ داراییه‌كانی كوردستان، ساڵه‌هایه‌ داوای كردووه‌، به‌ڵام كاریگه‌ری تایفه‌گه‌ری له‌سه‌ر حوكمڕانی عێراق، وایان كردبوو، پێچه‌وانه‌ی ئه‌و شایسته‌ بژێوییه‌ بسه‌پێنێ‌. ئه‌مه‌ له‌كاتێكدا، پێشمه‌رگه‌ی كوردستان، له‌كاتی تێكشكانی سوپای عێراقدا، سه‌نگه‌ره‌كانی پێشه‌وه‌ی به‌ره‌نگاری گرتبوو. كه‌چی ده‌وڵه‌تمه‌دارانی عێراق زه‌ق زه‌ق خوێنی رژاوی پێشمه‌رگه‌و كه‌ژاوه‌ی به‌ڕێكراوی شه‌هیدانیان ده‌دی، به‌ڵام ئه‌قڵیه‌تی تایفه‌گه‌ری‌و پیلانگێڕی، رێی نه‌ده‌دان، ته‌نانه‌ت بژێوی ماڵ‌و مناڵی پێشمه‌رگه‌ش دابین بكه‌ن.
فه‌رمانبه‌رانی كوردستانیش، له‌كاتی داڕمانی نرخی نه‌وت‌و، قه‌یرانی ئابوری جیهانی‌و ناوچه‌ییداو به‌ناچاریی گرتنه‌به‌ری سیاسه‌تی پاشه‌كه‌وتی موچه‌دا، مه‌ینیه‌تیه‌كی بێڕاده‌یان ته‌حه‌مول كردو ئه‌و پشوودرێژیه‌شیان، وه‌كو شانازییه‌كی به‌ره‌نگاری سه‌ختییه‌كانی ژیان‌و گوزه‌ران ده‌ژمێردرێ‌. هه‌رچه‌نده‌ ده‌شویسترا، ئه‌م قۆناغه‌ سه‌خته‌، بەڕێگه‌ی ئاژاوه‌و سیاسه‌تی پۆپۆلیستی، حكومه‌تی هه‌رێم (سه‌ره‌ڕای هه‌ڵه‌كانیان) به‌ره‌و هه‌ڵدێر ببرێ‌‌و كوردستان چه‌شنی لیبیاو یه‌مه‌ن لێبكرێ‌، به‌ڵام زۆرینه‌ی گه‌له‌كه‌مان، به‌ دركی نه‌ته‌وایه‌تییان، پشوودرێژییان هه‌ڵبژارد، نه‌ك پشێویی سیاسی‌و هه‌ڵدێری ده‌سه‌ڵاتدارێتی.
هه‌شبوون، دۆخی داراییان به‌ هه‌ل ده‌زانی بالوره‌ی دوو ئیداره‌یی لێبده‌ن‌و دڕكی هه‌لپه‌رستییان لێره‌و له‌وێ‌ بچه‌قێنن؛ كه‌میش نه‌بوون ئه‌وانه‌ی خۆڵه‌مێشی موزایه‌ده‌یان به‌پاساوی به‌رگری له‌ یه‌كێتی ده‌پرژانده‌ چاوی به‌شێكی رای گشتی، تایبه‌تی نه‌وه‌ی دوای راپه‌ڕین.. به‌ڵام هه‌موو ئه‌و سیاسه‌ته‌ دوور له‌ ئه‌قڵانیه‌ته‌ی سیاسه‌ت، له‌به‌رده‌م سیاسه‌تی ریالیستی شكستی خوارد، ئه‌گه‌رچی هێشتا پاشماوه‌ی زیانبه‌خشی ئه‌و سیاسه‌ته‌ هه‌ڵبه‌زو دابه‌زه‌، له‌ناو هه‌موو لایه‌نه‌كاندا، بێ كاریگه‌ر نین. هه‌ربۆیه‌، حكومه‌تی نوێی كوردستان، دوای نزیكه‌ی چوار مانگه‌، پێكنایه‌ت!
له‌كاتێكدا، ده‌ستخۆشی لەفراكسیۆنه‌ كوردستانییه‌ په‌رۆشه‌كانی باشتركردنی گوزه‌رانی خه‌ڵك ده‌كه‌ین‌و ئومێد ده‌خوازین، له‌سه‌ر ئه‌ركه‌ دیموكراسی‌و نه‌ته‌وایه‌تی‌و ده‌ستوریه‌كانیان، هه‌روا به‌یه‌كهه‌ڵوێستی بمێننه‌وه‌و ناكۆكی له‌كوردستان جێبهێڵن‌و كۆكی له‌به‌غداد بپارێزن.
ئیدی.. پاساو له‌به‌رده‌م حكومه‌تی هه‌رێمیش نه‌ما، كه‌ ده‌ستبه‌جێ‌، دوای پێكهێنانی حكومه‌تی نوێ‌، بەكۆی سیسته‌می حوكمڕانی‌و دژایه‌تی گه‌نده‌ڵی‌و مشه‌خۆریدا بچێته‌وه‌و چاكسازی بنچینه‌یی له‌ حوكمڕانیدا بكات. دیاره‌ په‌رله‌مانی كوردستانیش، له‌ ئه‌ركه‌ سه‌ره‌كییه‌كانی دوای هه‌ڵبژاردنی سه‌رۆكایه‌تیه‌كه‌ی، كاراكردنه‌وه‌ی كارنامه‌ی ته‌واوكردنی ده‌ستووری كوردستانه‌.. هه‌روه‌ها، وردتر چاودێریكردنی پابه‌ندبوونی حكومه‌ته‌ لەجێبه‌جێكردنی پرۆژه‌و به‌رنامه‌ی راگه‌یه‌ندراویان له‌ناو ئه‌و لایه‌نانه‌ی حكومه‌ت پێكدێنن.
پێشمانوایه‌، دوای جێگیربوونی مووچه‌ی پێشمه‌رگه‌و فه‌رمانبه‌ران، زه‌مینه‌ی سه‌قامگیری سیاسی‌و حوكمڕانی باشتر ده‌ڕه‌خسێ‌، بۆئه‌وه‌ی سه‌رجه‌م كێشه‌كان چاره‌سه‌ر بكرێن. ته‌نها چاره‌سه‌ركردنی ته‌نگوچه‌ڵه‌مه‌ی خه‌ڵكیش، ده‌سته‌به‌ری قوڵكردنی پرۆسه‌ی دیموكراسییه‌.. نه‌ك بێباكیی سیاسی‌و حوكمڕانیی.. چونكه‌ هه‌موو بێباكییه‌ك، له‌ جومگه‌ سه‌ره‌كیه‌كانی سه‌روه‌ری یاساو ژیانی خه‌ڵك، مه‌ترسی گه‌وره‌ی هه‌یه‌ له‌سه‌ر چاره‌نووس، نه‌خوازه‌ڵڵا له‌م هه‌لومه‌رجه‌ هه‌ستیاره‌ی ناوچه‌كه‌دا!!

وتاری زیاتر











یەکی ئایارو عائیدون!‬ مەلا بەختیار
2019-05-01 17:48      69 جار بینراوە




رۆژی شانۆ پیرۆزبێ‌‬ مەلا بەختیار
2019-03-27 14:47      69 جار بینراوە

(11)ی ئازار و پەندەكانی مێژوو!‬ مەلا بەختیار
2019-03-11 17:17      127 جار بینراوە




پاساوی تاڵانكردن مەهۆننەوە!!‬ مەلا بەختیار
2019-01-15 13:52      111 جار بینراوە








كابینەی نوێ‌ و كێشە كۆنەكان‬ مەلا بەختیار
2018-12-11 09:36      104 جار بینراوە



نوێترین هەواڵەکان

بیروڕا

سۆشیال میدیا

گەلەری

نرخی دراوەکان

# دراو نرخ بە د.ع
1 $100 120,500
2 €100 133000
3 £100 145,000
4 100 لیرەی توركی 21,750
5 100,000 تمەن 10,000
6 به‌رمیلێك نه‌وتی‌ خاوی‌ برینت 61.22
7 به‌رمیلێك نه‌وتی‌ خاوی‌ خۆرئاوی‌ تیكساس 55.21

کەشو هەوا

زۆرترین سەردانکراو