ستران عەبدوڵڵا

فیقهی ئەولەویاتەكان

  2019-01-31 13:40      106 جار بینراوە        کۆمێنت

لەدۆسێی كەركوكدا كە ئەمرۆ بیرۆكەی زۆر دێت و دەڕوا گرنگە نوقتەیەك هەبێت كە دەست پێبكرێت. دەنا وەكتری هیواو ئاواتی كوردستانیی زۆرن، بەڵام فیقهی ئەولەویاتەكان دەبێ لەم پرسەدا بكرێتەكار.
كێشەی كەركوك كێشەیەكی مێژووییەو لەباشترین حاڵدا كە كورد كارای سیاسی بوو لەبەغداو قسەكانی نە دەبووە دوو، ئەوكاتە مادەی 140 لەدەستووری عیراق وەك نەخشە رێگای سیاسی و دەستووریی دیاریكراو تا ئێستاش ئەو نەخشەیە زێرینترینە بۆ چارەسەری كێشەكان، بەڵام دوای ریفراندۆم و بە دواهاتووەكانی شانزەی ئوكتۆبەر، پاشەكشەیەك لەسەنگی كورد روویداو وا وردە وردە قۆناغی شۆكی دوای پاشەكشێ تێپەر دەبێت. فیقهی ئەولەویاتەكان لێرەوە سەرهەڵدەدات.
تا كەركوك بچێتەوە قۆناغی خۆی لەڕۆڵگێرانی سەنگین لەكوردستان و عیراق گەرەكە ئەم دۆسێیانە بجوڵێنرێت:
دۆسێی: ئەمنی و سەربازی.
دۆسێی: ئیدارەو جووتكردنی لەگەڵ ئیرادە.
دۆسێی: گفتوگۆو پەیوەندیی دیموكراسی لەسەر هەموو ئاستەكان. لەنێوان هەموو گروپەكان لەكەركوك.
ئەم سێ دۆسێیە دەمانباتەوە سەر شارێی چارەسەری دەستووری.
دۆسێی ئەمنی ‌و سەربازی وا خەریكە بەدەستپێشخەریی ئەمریكاییەكان ‌و رازیبوونی ناچاریی حكومەتی عیراق رێوشوێن بۆ جووڵاندنی ئەو دۆسییە دەستی پێكردووە، لەكورتی دەیبڕمەوە كە ئەم دۆسێیە لەهەر جێیەك بگیرسێتەوە، قازانجی ئاساییكردنەوەی سیاسیی ‌و ئیداریی شارەكەی لێ دەكەوێتەوە‌و لاپەڕەی چڵكنی حەشدی شەعبی دەپێچێتەوە.
دۆسێی جووتكردنی ئیدارە‌و ئیرادە بەمانای ئەوەی پرسی پارێزگاری كوردی كەركوكی ‌و یەكێتی بۆ شارەكە چارەسەر بكرێت بۆ ئەم چارسەرییەش قەرینە هەیە.
لەدوا هەڵبژاردنی ئەنجومەنی پارێزگای كەركوك لە ساڵی 2005 راستە لیستی برایەتی ‌و كورد پێكەوە بوون، بەڵام مەعلومە عەرابی ئەو لیستە یەكێتییە‌و پارێزگاریش هەر لەوەوە دیاری كرا. دوا هەڵبژاردنی پەرلەمانی عیراقیش كە لە هەلومەرجێكی تەواوی عیراقیدا لەكەركوك كرا، یەكێتی بەتەنها خۆی شەش كورسی بەدەست هێنا. ئەم ئیرادە دیموكراتییە لەچەند وێستگەیەكی هەڵبژاندا خۆی نواند‌و كاتێتی هەلومەرجی ئاورتەی بەڕێوەبردنی بەوەكالەت كۆتایی پێ بێت. دۆسێی دیالۆگی نێوان گروپەكانی كەركوك. كە لەمەدا هەم كۆمەڵی مەدەنی ‌و هەم حزبە سیاسییەكانیش دەوریان لەسەرە.
كۆمەڵی مەدەنی ‌و رێكخراوە رۆشنبیرییەكانی نێوان نەتەوەكان وەزیفەیانە مەیدانەكە بۆ سیاسەتی رەق ‌و تەق چۆڵ نەكەن ‌و بۆ ئەمەش پێشنیازی خوێندنەوەی وتارێكی پێشووتر دەكەم ((فابیزم لە كەركوك)) پێچەوانەی دیمەنی ئەمڕۆی ناو نێوەندی سیاسیی. من وای دەبینم حزبەكان، وەك بەرهەمهێنەری ئەندێشەی نوێ لەجیاتی تەگەرە، دەتوانن رێ بۆ لێكگەیشتن ‌و گەڵاڵەی چارەسەری تریش بكەنەوە. بەمەرجێك حزبەكان لە بونیادی خۆیان ‌و ئەقڵیەتی خۆیان گۆڕانكاریی پێویست بكەن بۆئەوەی دەرەقەتی گفتوگۆ لەگەڵ ئەویتردا بێن، ئەویتری جیاواز لنەتەوە‌و گروپ ‌و حزبی تر.

وتاری زیاتر

ده‌ستوور یان نه‌ریت؟‬ ستران عەبدوڵڵا
2019-11-16 16:32      42 جار بینراوە

نۆتی ناكام‬ ستران عەبدوڵڵا
2019-11-11 17:20      100 جار بینراوە

بۆ یه‌كتری ده‌ستێننه‌وه‌‬ ستران عەبدوڵڵا
2019-11-09 14:25      55 جار بینراوە


نەبینە بابەتی دەمەقاڵێ!‬ ستران عەبدوڵڵا
2019-09-30 16:12      62 جار بینراوە


فەزای داعش لەعیراق‬ ستران عەبدوڵڵا
2019-08-25 20:54      84 جار بینراوە


فەرموو دەست پێبكە‬ ستران عەبدوڵڵا
2019-06-21 20:56      107 جار بینراوە

رێوییەکانی کرملین‬ ستران عەبدوڵڵا
2019-05-30 12:13      85 جار بینراوە

‌مەیلی راماڵین‬ ستران عەبدوڵڵا
2019-05-24 11:44      90 جار بینراوە

كوشتن لەسەر ناسنامە‬ ستران عەبدوڵڵا
2019-05-18 11:55      94 جار بینراوە

هەرێمی .... كوردستان‬ ستران عەبدوڵڵا
2019-05-13 13:20      102 جار بینراوە


لەو سەحرای سەماوەیەدا‬ ستران عەبدوڵڵا
2019-04-15 11:32      90 جار بینراوە


لەبارەی (شار)ەوە‬ ستران عەبدوڵڵا
2019-03-14 10:15      96 جار بینراوە


مت شتێك بنوێنە‬ ستران عەبدوڵڵا
2018-11-26 15:49      112 جار بینراوە

پارە پارە‬ ستران عەبدوڵڵا
2018-11-04 20:19      83 جار بینراوە


ناو لەقۆناغه‌كه‌ بنێین‬ ستران عەبدوڵڵا
2018-06-30 18:04      160 جار بینراوە

كوردستانێتی و عیراقێتی‬ ستران عەبدوڵڵا
2018-05-11 12:23      202 جار بینراوە

كەركوك قۆناغی شۆك بەسەربچێت‬ ستران عەبدوڵڵا
2018-01-31 18:54      301 جار بینراوە



ساڵی تەحەدداکان‬ ستران عەبدوڵڵا
2018-01-06 20:26      274 جار بینراوە


نانەوێ‬ ستران عەبدوڵڵا
2017-12-19 11:22      511 جار بینراوە

جینۆساید لە خورماتوو‬ ستران عەبدوڵڵا
2017-12-17 17:00      300 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو