د.ئەرسەلان بایز

ئەگنیتا

  2019-11-24 14:36      202 جار بینراوە        کۆمێنت

 (55)
ژنێكی باڵا بەرزی هەندێ ڕەقەڵە، دم و چاو سوورو سپی، قژێكی زەردی خورمایی درێژ بەسەر شان و ملیدا دەهاتە خوارەوە، قاتێ جلی خاكی لەبەر، شەوڕۆیەك لەپێ، جار جارە دەمانچەیەكی سمیسی لەكەمەر، كە نەیدەزانی بەكاری بێنێ و تەقەی پێ بكات. ڕێگای زیاتر لە دوو هەزار كیلۆ مەتری بڕی. هەندێ بەفڕۆكەو هەندێكیش بەئۆتۆمبێل. دواتر ماوەی سێ كاتژمێر بەپشتی وڵاخ و پیادە لەگەڵ هاوسەرەكەی گەیشتە گوندی (زەڵێ)ی سەر تخوبی نێوان كوردستانی باشوورو ڕۆژهەڵات. لەوێ لەتەنیشت ماڵی پورە (كەسكێ) و (مام ئەحمەد) بارو بارگەی خست.
*پورە (كەسكێ و مام ئەحمەد) دوو مرۆڤی دێهاتی نەخوێندەواری دڵپاك. لەخانوێكی قوڕ دەژیان لایەكی ژوورەكەیان بۆ خەوتن و لایەكەی تریش بۆ مانگاو مەڕەكانیان بوو. بۆنی ڕیخ و قشپل (عەتر)ی خوازراوی ماڵەكەیان بوو. سەر شۆرو ئاو دەستیان كەناری چەمەكەی سەرەوەی خۆیان بوو. هەموو ڕۆژێ پورە (كەسكێ) بە سەتڵ ئاوی بۆ ماڵەكەیان دابین دەكرد. لەبەر ئەوەی نەوت و ئامێری گەرم كردنەوەیان نەبوو. بۆیە هەفتانە دوو جار بۆ چێشت لێنان و خۆ گەرم كردنەوە. دەچووە كەناری چەمەكە بۆ كۆكردنەوەی (ئاو ماڵ)و، قەدپاڵی شاخەكان بۆ بڕین و هێنانی داری وشك و چیلكە. جل و بەرگە كوردییەكانی ئەو ژن و مێردە بەساڵاچووە كۆن و چڵكن بوو. جار جارە لە دوورەوە بەبۆنی ناخۆشیان كاس دەبووی.
*(ئەگنیتا) لەخێزانێكی ئورۆستۆكراتی خوێندەوارو شارستانی وڵاتی سوید بوو. یەكێ لەزانكۆكانی ئەوێی تەواو كردبوو. (كاك هۆمەر)ی هاوسەریشی لەخێزانێكی ناوداری نیشتیمانپەروەی كوردستانی ڕۆژئاوا بوو. بۆ خوێندن چوبووە وڵاتی سویدو بڕوانامەی ماستەری هەبوو. پێش هاتنیان بۆ (ناوزەنگ) لەخانوێكی خنجیلانەی گەڕەكێكی (ستۆكهۆڵم) دەژیان. هیچ كێشەیەكی ئاوو كارەباو ئاو دەست و سەرشۆریان نەبوو. هەردووكیان كارمەندی دەوڵەت و ژیانیان لەوپەڕی كامەرانیدا بوو. كاتێ ئەوان لەژوورێكی سێ بەچواری قوڕی تاریكی بنمیچ نزمی بەنایلۆنی شین و پەنجەرە بەنایلۆنی سپی داپۆشراو نیشتەجێ بوون، سەرەتای زستانێكی تۆف و سەخت بوو. بەفرو ڕەشەباو زریانی ئەو ساڵە وەكو موس دم و چاوی مرۆڤیان شەقار شەقار دەكرد.
*(پەخشان حەفید) گێڕایەوە: پێش نیوەڕۆیەكی مانگی هەشتی ساڵی (1980) چەند فڕۆكەیەكی جەنگی ڕژێمی بەعس پەلاماری بارەگاكانی (ی.ن.ك)یان لە زەڵێ و ناوزەنگ و توژەڵەدا. ئەوسا كاك (هۆمەر شێخ موس) كە ئەندامی مەكتەبی سیاسی (ی.ن.ك) بوو. (ئەگنیتا) خانی خێزانی لەگەڵ سێ خێزانی ترو ژمارەیەك لەبارەگای تری پێشمەرگە لەسەر كانیاوەكەی بناری شاخی توژەڵە بووین. لەكاتی بۆردومانەكەدا سەرجەم هەڤاڵان و پێشمەرگەو ژنەكان خۆمان خستبووە پەنا تاوێرە بەردو (كونە تەیارە)كان. (ئەگنیتا) خان ڕووداوەكەی بەلاوە سەیر بوو. بۆیە لەبەردەم چادرەكەی خۆیان بەپێوە وەستا بوو سەیری خەڵكەكەی دەكرد. كاك (هۆمەر)یش لە دوورەوە هاواری كرد.
-ئەگنیتا بڕۆ كونە تەیارەكان… خۆت بشارەوە. ئەویش خەمساردانە بەرەو كونە تەیارەكە بۆلای من و (ڕووناكی شێخ جەناب و فاتمەخانی خێزانی كاك شێخ عەلی) هات. كاك (هۆمەر) ئەمجارە بەتوندی و بەدەست هەڵشەقاندن هاواری لە(ئەگنیتا) خان كرد كە پەلە بكات.
ئەگنیتا لە كاك هۆمەر توڕە بوو:
-ئای (هۆمەر) لێم تووڕە دەبی..! هەڕەشەم لێدەكەیت…؟! باشە باشە.
فڕۆكەكەكان لەدوای خۆیان چەندین شەهیدو بریندارو ئاگر كەوتنەوەو وێرانییان جێ هێشت. ئیتر هەر چوارمان ژنەكان ڕەوانەی گوندی (كانی زەرد) كراین. ئێمە لەوێ ڕووداوەكەمان بۆ (ئەگنیتا)خان ڕوون كردەوەو هێمنمان كردەوە. دوای چەند ڕۆژێك كاك (هۆمەر)یش سەردانی (كانی زەرد)ی كردو لەگەڵ (ئەگنیتا)خان ئاشت بوونەوە.
*بیست ساڵ پێش ئەمڕۆ پورە (كەسكێ و مام ئەحمەد) مردن و لەگۆڕستانی زەڵێ شاردرانەوە. دوو ڕۆژیش بەر لەئەمڕۆ (ئەگنیتا)خان كۆچی دوایی كردو ئەو هەموو یادگاریی و سەروەرییەی بەجێهێشت. هەزار سڵاو لە گیانی پاكیان. سێبوریش بۆ دڵی كاك (هۆمەر شێخ موس).

وتاری زیاتر

ئۆخەی مەفتەن‬ د.ئەرسەلان بایز
2020-05-22 13:18      83 جار بینراوە

مێژوو و ئایندە‬ د.ئەرسەلان بایز
2020-05-17 21:10      60 جار بینراوە

بەوتەی سۆفییەكان‬ د.ئەرسەلان بایز
2020-05-16 20:34      101 جار بینراوە

میزی بەچاودا دەكردم‬ د.ئەرسەلان بایز
2020-05-09 16:46      226 جار بینراوە

ماچ قەدەغەیە‬ د.ئەرسەلان بایز
2020-05-05 00:22      122 جار بینراوە

مام جەلال و زمانی عەرەبی‬ د.ئەرسەلان بایز
2020-03-14 14:33      77 جار بینراوە

چیك-سلۆڤاكیا‬ د.ئەرسەلان بایز
2020-03-08 14:31      112 جار بینراوە


د.مەجدی ناچێتە بەهەشت‬ د.ئەرسەلان بایز
2020-03-01 14:55      122 جار بینراوە

شەهیدەكان دەگەڕێنەوە!!‬ د.ئەرسەلان بایز
2020-02-28 11:09      124 جار بینراوە

سوڵتان قابوس‬ د.ئەرسەلان بایز
2020-02-23 14:54      96 جار بینراوە


هەنگاوی كردەیی‬ د.ئەرسەلان بایز
2020-02-16 14:27      120 جار بینراوە

چاكسازی‬ د.ئەرسەلان بایز
2020-02-15 14:12      121 جار بینراوە

خەڵات، یان سزا؟!‬ د.ئەرسەلان بایز
2020-02-09 15:26      51 جار بینراوە

كەریم پیلاتۆس‬ د.ئەرسەلان بایز
2020-02-08 15:50      107 جار بینراوە

باڵندەكان ناخوێنن‬ د.ئەرسەلان بایز
2020-02-02 15:02      104 جار بینراوە

عیراق‬ د.ئەرسەلان بایز
2020-01-31 10:15      91 جار بینراوە

سەروەری یاسا…زانست +‬ د.ئەرسەلان بایز
2020-01-26 13:59      183 جار بینراوە

كاتێ‌ گەنج بووین‬ د.ئەرسەلان بایز
2020-01-25 13:40      121 جار بینراوە

خۆشەویستی (مام)‬ د.ئەرسەلان بایز
2020-01-19 13:35      213 جار بینراوە



كەچە ئاسنۆكە‬ د.ئەرسەلان بایز
2019-12-14 13:15      134 جار بینراوە

چەند دیاردەیەك‬ د.ئەرسەلان بایز
2019-12-08 13:58      181 جار بینراوە

هەیهو… هەیهو‬ د.ئەرسەلان بایز
2019-12-06 10:59      163 جار بینراوە

كۆنگرەیەكی سەركەوتوو‬ د.ئەرسەلان بایز
2019-12-01 15:20      133 جار بینراوە

مینەكان دەتەقنەوە‬ د.ئەرسەلان بایز
2019-11-27 18:16      179 جار بینراوە

رامـوسـان‬ د.ئەرسەلان بایز
2019-11-23 13:18      144 جار بینراوە

مەیدەنە بەردەم رەشەبا‬ د.ئەرسەلان بایز
2019-11-17 13:49      231 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو