د.ئەرسەلان بایز

كەچە ئاسنۆكە

  2019-12-14 13:15      134 جار بینراوە        کۆمێنت

كاتێ‌ مەبدە‌و و دادپەروەری لەو شاخ و كێوانەدا سەروەر بوو، كاتێ هێشتا ژێر دەستە بووین و جڵەوی دەسەڵاتمان نەگرتبووە دەست، كاتێ‌ عەشق و خۆشەویستی نیشتمان، چەكی ئیرادەو بیرو باوەڕ كورسی فیرعەونە دەسەڵاتدارەكەی بەغدایان خستبووە زەلزەلە، ئاستەنگ و بەربەستەكان یەك لەدوای یەكتر تێك دەشكێنران. كاتێ‌ رێبازی سیاسی (ی.ن.ك) چرای رێگا رۆشنكەرەوەی نەتەوەیەك بوو، كاتێ‌ بیرو بازو بەوتەو كردار دروشم بوو. لاوان بێ‌ باكانە ڕێگای هاتوو نەهاتیان دەگرتە بەرو بەعەشقەوە دەچوون بەبەرەو پیری مەرگەوە. كاتێ‌ بەرگی خاكی و كلێتە لەسەرەكان لەشەوانی نوتەك و ئەنگوستە چاودا تولەرێ‌ باریكە سەختەكانیان دەبڕی و گیانبازییان لەگەڵ مەرگدا دەكرد بۆ سەركەوتنی شۆڕش و (ی.ن.ك)، كلاشنكۆفەكەی دەستیان لەدایك و باوك و هاوسەرو جگەرگۆشەكانیان خۆشەویستر بوو، ئەوسا نەتەوەكەمان لەچاوەڕوانی دەركەوتنی ڕۆژێكی نوێ‌ و ئایندەیەكی گەش و كوردستانێكی ئازادو ئارام و پڕ لەخزمەتگوزاری و یەكسانی و دادپەروەری بوو. ئەوسا سەركەوتنی شۆڕش و هاتنەوەی پێشمەرگە بۆ شارەكان هیوای گەورەو ئومێدبەخشی جەماوەر بوو.
گەنجێكی كۆیی تەمەن بیست ساڵەی پەروەردەی بنەماڵەیەكی رووناكبیرو نیشتمانپەروەر، گۆشكراو بەسروودی (ئەی رەقیب)ی دڵدار، بەهۆشیاری و كرانەوەی شیعرەكانی مەلای گەورە، خۆشەویستی نیشتمان باڵە فڕەی پێكردو لەسەر قوتەی مامەندەو دوندی قەندیل ئۆقرەی گرت ئیتر پەنا تاوێرو ئەشكەوتەكان بوو بە مەنزڵگای. لەوێ‌ بەلەبەركردنی جلی خاكی و كڵاشنكۆفێك لەشان خەونی چەندین ڕۆژو مانگی هاتەدی و بەهیواو مرازی خۆی شاد بوو.
ساڵی (1983) كاتێ‌ ئەو هەڵۆیە لەیەكێ‌ لەشەڕەكاندا پێكرا. فیشەكێك بەر ڕانی كەوت و فیشەكێكی تریش بەر كلاشنكۆفەكەی. ئەو بەر لەوەی خەمی برینی خۆی و ژیانی بێت، زیاتر لەخەمی كلاشنكۆفەكەی بوو. بەحەسرەتەوە چەكەكەی ئەم دیوو ئەو دیوو دەكردو لەبەر خۆیەوە دەیلاواندەوە.
ئێستاشی لەگەڵدا بێت (ئەو) نەیزانی دایكی چۆن هەواڵی بریندار بوونەكەی زانیوە، هەر هێندەی بینی ڕۆژێك دایكی لەپڕو بەهەڵەداوان و بەگریانەوە خۆی بەژووری نەخۆشخانەكەدا كرد. ماوەیەكی باش باوەشی پیاكردو بۆنی كرد. دواتر هەردووكیان بەیەكەوە لەسەر لا تەختەكە دانیشتن. هەر لەو كاتەدا دوو پێشمەرگە بۆ هەواڵ پرسینی (ئەو) هاتن. لەنێو باس و خواس و چۆنیەتی بریندار بوونەكەی، (ڕەهبەری سەید برایمی) پێشمەرگە وتی:
– بڕواییتان بێ‌ هێندەی خەمی ئەو گولەیەم كە بەكلاشنكۆفەكەم كەوتووە. هێندە خەمی خۆم نییە. خۆزگە ئەو گولەیە بەسكم بكەوتایەو بەر چەكەكەم نەكەوتایە.
لەو سەرەوە دایكی قسەی پێ بڕین و بەتوڕە بوونەوە هەڵیدایە.
– چی …چی..؟ ئای ئای ڕۆڵە ئەوە تۆ دەڵێی چی…؟ شوكر بۆخوا سەلامەتی، ئەو كەچە ئاسنۆكە چیە… تاكو هێندە خەمی بۆ بخۆیت.
ـــــــــــــــــــــــــــــــــــــــــــــــــــــ
+ كەچە: بەشتێكی كۆنی بێ كەڵكی فڕێدراو دەوترێت.
++ ئاسنۆكە: ئاسن+ۆكە. لێرە پاشگری (ۆكە) بۆ سوككردن و بێ كەڵكی شتەكە بەكارهاتووە، بەڵام لەهەندێ‌ شوێنی تر(ۆكە) بۆ خۆشەویستی دەچێتە سەر هەندێ‌ ناو بۆ نموونە: ڤانیا: ڤانۆكە، هانا: هانۆكە، ئارا: ئارۆكە.

وتاری زیاتر

ئۆخەی مەفتەن‬ د.ئەرسەلان بایز
2020-05-22 13:18      80 جار بینراوە

مێژوو و ئایندە‬ د.ئەرسەلان بایز
2020-05-17 21:10      60 جار بینراوە

بەوتەی سۆفییەكان‬ د.ئەرسەلان بایز
2020-05-16 20:34      101 جار بینراوە

میزی بەچاودا دەكردم‬ د.ئەرسەلان بایز
2020-05-09 16:46      225 جار بینراوە

ماچ قەدەغەیە‬ د.ئەرسەلان بایز
2020-05-05 00:22      122 جار بینراوە

مام جەلال و زمانی عەرەبی‬ د.ئەرسەلان بایز
2020-03-14 14:33      77 جار بینراوە

چیك-سلۆڤاكیا‬ د.ئەرسەلان بایز
2020-03-08 14:31      112 جار بینراوە


د.مەجدی ناچێتە بەهەشت‬ د.ئەرسەلان بایز
2020-03-01 14:55      121 جار بینراوە

شەهیدەكان دەگەڕێنەوە!!‬ د.ئەرسەلان بایز
2020-02-28 11:09      124 جار بینراوە

سوڵتان قابوس‬ د.ئەرسەلان بایز
2020-02-23 14:54      96 جار بینراوە


هەنگاوی كردەیی‬ د.ئەرسەلان بایز
2020-02-16 14:27      118 جار بینراوە

چاكسازی‬ د.ئەرسەلان بایز
2020-02-15 14:12      121 جار بینراوە

خەڵات، یان سزا؟!‬ د.ئەرسەلان بایز
2020-02-09 15:26      51 جار بینراوە

كەریم پیلاتۆس‬ د.ئەرسەلان بایز
2020-02-08 15:50      107 جار بینراوە

باڵندەكان ناخوێنن‬ د.ئەرسەلان بایز
2020-02-02 15:02      104 جار بینراوە

عیراق‬ د.ئەرسەلان بایز
2020-01-31 10:15      91 جار بینراوە

سەروەری یاسا…زانست +‬ د.ئەرسەلان بایز
2020-01-26 13:59      182 جار بینراوە

كاتێ‌ گەنج بووین‬ د.ئەرسەلان بایز
2020-01-25 13:40      121 جار بینراوە

خۆشەویستی (مام)‬ د.ئەرسەلان بایز
2020-01-19 13:35      213 جار بینراوە



چەند دیاردەیەك‬ د.ئەرسەلان بایز
2019-12-08 13:58      181 جار بینراوە

هەیهو… هەیهو‬ د.ئەرسەلان بایز
2019-12-06 10:59      161 جار بینراوە

كۆنگرەیەكی سەركەوتوو‬ د.ئەرسەلان بایز
2019-12-01 15:20      133 جار بینراوە

مینەكان دەتەقنەوە‬ د.ئەرسەلان بایز
2019-11-27 18:16      179 جار بینراوە

ئەگنیتا‬ د.ئەرسەلان بایز
2019-11-24 14:36      201 جار بینراوە

رامـوسـان‬ د.ئەرسەلان بایز
2019-11-23 13:18      143 جار بینراوە

مەیدەنە بەردەم رەشەبا‬ د.ئەرسەلان بایز
2019-11-17 13:49      231 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو