د.لوئەی جاف

ئاینده‌لۆجی

  2020-01-20 14:18      94 جار بینراوە        کۆمێنت

ئایندەلۆجی گۆشەیەکی زانستی، فیكری، گشتدیە، تە‌رخانە بۆ شیکردنەوەی ئاینده‌ی كۆمه‌ڵگا به‌پشتبه‌ستن به‌داتاو كه‌ره‌سته‌ زانستییه‌كان. هەروەها بۆ کۆی ئە‌و فاکتە زانستیانه‌ی کە‌ له‌جیهان رووداو دروستدە‌کە‌ن.
ترانسهیومانیزم
ئێمە لەسەنتەری فەرەنسی کوردی پاریس  KESCC Paris، له‌سه‌ره‌تای دروستبوونییه‌وه‌ له‌ساڵی 2009، مەبەستمان بوو ناوباگی هەرێمی کوردستان لەقوربانیەوە بگوازینەوە بۆ ئەکتەری گوێلێكراو. هه‌موو تواناكانمان و تۆڕی په‌یوه‌ندیه‌كانمان له‌ڕووی دبلۆماسی سیاسی و دبلۆماسی كەلتووری كاراتر كرد بۆ زیاتر ناساندنی هه‌رێمی كوردستان وه‌ك هه‌رێمێك كه‌ باوه‌ڕی هه‌یه‌و هه‌نگاو ده‌نێت به‌ره‌و دیموكراسی و ئازاده‌ی، پێكه‌وه‌ ژیان، لێبورده‌یی، هه‌رێمێكی فره‌ نه‌ته‌وه‌، فره‌ ئاین و ژیانێكی سیاسی فره‌ حزبی. له‌ناوه‌وه‌ی كوردستانیش، پلانه‌كانمان به‌ئاڕاسته‌ی زیاتر هۆشیاركردنه‌وه‌ی كادره‌ باڵاكانی حكومه‌ت و په‌رله‌مان.
له‌سه‌ر دوو ئاڕاسته‌ی فیكری و مێتۆد‌ كارمان كردووه‌، ئاڕاسته‌ی خوێندنه‌وه‌ی زانسته‌ مرۆڤایه‌تییه‌كان (زانستی سیاسی، سۆسیۆلۆجیا كۆمه‌ڵناسی، ئابوری هتد ..) بۆ رووداو ناخۆیی و ده‌ره‌كییه‌كان. هه‌روه‌ها خوێنده‌نه‌وه‌ی زانستی سروشتی یان ته‌واو (فیزیك، ماتماتیك، ئه‌نفۆرماتیك، پزیشكی، زانستی مێشك هتد ..) بۆ ڕووداوه‌كان.
ئه‌و دوو ئاڕاسته‌یه‌ی سه‌ره‌وه‌‌، هاوته‌ریبن و ته‌واوكه‌ری یه‌كترن، به‌ڵام به‌ پێی قۆناغه‌ مێژووییه‌كان ده‌توانن پێش و پاش یه‌ك بكه‌ون. ‌ئه‌گه‌ر ئاوڕێك له‌مێژووی مرۆڤایه‌تی بده‌ینه‌وه‌، ده‌بینین كه‌وا سێ ڕێگامان له‌به‌رده‌مدایه‌ بۆ ته‌فسیركردنی فێنۆمێنه‌كان (ڕووداوی سروشتی) یان ڕووداوه‌كانی ژیانی مرۆڤ:
یه‌كه‌م: مێژوو
دوه‌م: ئایین
سێیه‌م: زانست
ئه‌وه‌ی له‌م گۆشه‌یه‌‌ به‌لامانه‌وه‌‌ گرنگه‌ شیبكه‌ینه‌وه‌، ڕێگه‌ی سێیه‌مه‌. واتا زانست.
رینیسانس (عصر التنویر)، تا ڕادەیەکی زۆر عەقڵی مرۆڤی ئازادکرد. لەو کاتەوە رۆژ بەڕۆژ، عەقڵی ئازادی بێ قەیدو شەرت، بەرهەمەکانی لەهەموو بوارەکان زیاترو بەرهەمدارتر دەبێت. هیومانیزم و بەهاکانی مرۆڤبوون پێش هەموو شتێکی تر، تا ڕادەیەکی زۆر لە سەر ئەرز جێگای جێگیر بووە.
شۆرشی پیشەسازی یەکەم و دوەم، لەساڵی 1765 وە تا بەشی یەکەمی سەدەی بیست، مرۆڤی لەحاڵێکەوە گەیاندۆتە حاڵێک کە تائێستا هیچ شارستانیەتێکی تر پێینەگەشتووە.
پرسیار لێرە ئەوەیە، زانست و شۆڕشی پیشەسازی و تەکنۆلۆجی سییەم چۆن ژیانمان دەگۆڕێ لە 30 ساڵی داهاتوو ؟
چۆن لە هیومانیزمەوە، وا خەریکە هێدی هێدی، دەپەڕێنەوە بۆ پۆستهیومانیزم و ترانسهیومانیزم ؟
چۆن و بە چ میکانیزمێک ترانسهیومانیزم دەتوانیت ژیانی مرۆڤ درێژ بکاتەوە ؟
ئایە چۆن زانستی سروشتی (ماتماتیک، انفورماتی، بگداتا، زانستی اعصاب، فیزیک، کیمیا هتد ) پێش زانستی مرۆڤایەتی (زانستی سیاسی، سۆسیۆلۆجیا، زانستی ئابوری هتد) کەوتووە. واتا گرنگی خوێندنەوەی زانستی سروشتی بۆ فێنۆمێنەکان پێش گرنگی خوێندنەوەی زانستی مرۆڤایەتی کەوتووە ؟
چۆن لەئابووری کەپیتالیزمەوە خەریکە دەچین بەرەو ئابووری هیپەر کەپیتالیزم بەهۆی تەکنۆلۆجیاوە ؟
لەم گۆشەیە، ئەمانەو چەندین پرسیارو گریمانەی تر باسدەکەین و شیدەکەینەوە بۆ زیاترو باشتر تێگەیشتن لەجیهانی ئەمڕۆ و سبەی، کە بێگومان جیهانێکی نوێیە کە مەعریفەو تەکنۆلۆجیا خاوەن دەسەڵات و بڕیار دەبن، نەک شتی تر.
خوێنەرمان بن.
*نوێنە‌ری یە‌كێتی لە‌فە‌رە‌نسا

وتاری زیاتر

توێژینەوە تەکنۆلۆجییەکان‬ د.لوئەی جاف
2020-03-14 17:36      51 جار بینراوە

بایۆتەکنۆلۆجی‬ د.لوئەی جاف
2020-03-02 17:44      75 جار بینراوە

ئاینده‌لۆجی‬ د.لوئەی جاف
2020-02-17 13:58      93 جار بینراوە



چی لە فەرەنسا ڕوودەدات؟‬ د.لوئەی جاف
2018-12-02 13:28      149 جار بینراوە

سەنتەری فەرەنسی كوردی پاریس‬ د.لوئەی جاف
2018-07-04 11:25      127 جار بینراوە


ده‌رباره‌ی چه‌مكی ترس‬ د.لوئەی جاف
2018-06-20 15:09      205 جار بینراوە

په‌رله‌مانی عیراق به‌ داتا‬ د.لوئەی جاف
2018-06-06 16:24      187 جار بینراوە

پۆستی سه‌رۆك كۆماری عیراق‬ د.لوئەی جاف
2018-05-30 12:11      212 جار بینراوە

گه‌ڕانه‌وه‌ی ئاڵای سه‌وز‬ د.لوئەی جاف
2018-05-16 12:02      208 جار بینراوە

یه‌كده‌نگی و سه‌ركه‌وتن‬ د.لوئەی جاف
2018-05-02 20:02      213 جار بینراوە

چه‌ند سه‌رنجێك پێش ده‌نگدان‬ د.لوئەی جاف
2018-04-26 10:55      170 جار بینراوە


جارێکی تر فەرەنسا هەژێنرا‬ د.لوئەی جاف
2018-03-28 16:14      201 جار بینراوە

دیالۆگ و سازان چاره‌سه‌ره‌‌‬ د.لوئەی جاف
2018-03-21 14:24      163 جار بینراوە

كوردستان و دیموكراسی‌‬ د.لوئەی جاف
2018-03-14 22:08      220 جار بینراوە

فه‌ره‌نسا بۆ بێده‌نگه‌؟‬ د.لوئەی جاف
2018-02-07 21:38      274 جار بینراوە

سیستمی سۆسیال لە فەرەنسا‬ د.لوئەی جاف
2018-01-22 19:21      255 جار بینراوە

حزبی حوكمڕانی‌ و حزبی ئۆپۆزسیۆن‬ د.لوئەی جاف
2018-01-03 10:07      293 جار بینراوە

فیکر و فەلسەفە.. یەکێتی و کۆنگرە‬ د.لوئەی جاف
2017-12-21 20:47      360 جار بینراوە

لووتكه‌ی سوچی ‌و كورد‬ د.لوئەی جاف
2017-11-28 10:26      338 جار بینراوە

ئاینده‌مان دوای ریفراندۆم ‌‬ د.لوئەی جاف
2017-10-01 15:54      390 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو