مەلا بەختیار

هەڵسەنگاندنی كتێبی (من العالم الثالث الی الاول)

  2020-02-11 15:06      51 جار بینراوە        کۆمێنت

بەشی سێهەم

دامەزراندنی سوپا، لەوڵاتانی تازە ئازادكراو، یان كۆلۆنیالیستیی، یاخود دواكەوتوو، پرۆسەیەكی زۆر زۆر قورس‌و ئاڵۆزە. بەتایبەتی لەوڵاتانی فرە پێكهاتەو چواردەورگیراو بە دوژمنی جۆراوجۆر. سەرەڕای ئەو راستییە، سەنگاپورە، وردە وردە متمانەی رای گشتی بۆ پێكەوەنانی سوپا، سازدراوە. دەرگاكانی پشتیوانیەكانیشی، بێ‌ سڵەمینەوە، كردۆتەوە. سوپاكەیان لەسەر مۆدێلی ئیسرائیل دامەزراندووەو تەنانەت ناوەكەشی.
سوپای ئیسرائیل ناوی (سوپای بەرگری ئیسرائیل)ە. هی سەنگاپورەش ناوی (هێزی بەرگری گەل). سوپای ئیسرائیل، كەمترین سەربازی رەسمی‌و زۆرترین هێزی یەدەكی مەشقپێكراویان هەیە، سەنگاپورەش وای كردووە. بەمەش، سوپایان لە بیروكراسی دوورخستووە. بودجەیەكی كەمیشیان بۆ تەرخان كردووە. واتا بە نەهاتون، دەیان هەزار سەرباز بە موچەو چەكی زۆرەوە بودجەیەكی زۆریشی تێ بچێ‌، پێكبهێنن.
لە لاپەڕە (55)دا سەرۆكی وڵاتەكە دەڵێ‌: بەریتانیا ئەوپەڕی بایەخ بە پاكی‌و خاوێنی‌و جل‌وبەرگی رێك‌وپێك‌و دیسپلینی سەربازی‌و ملكەچكردنی بۆ سەروی خۆیان دەدات. بەڵام ئیسرائیل كارامەیی سەربازی‌و هاندەری خۆبەخشی دەدەن. سوپای سەنگاپورە، بۆیە فێری ئیستعرازی عەسكەری نەبوون.
سەنگاپورەو سەرۆكەكەیان، پشتیان بە پسپۆڕەكانی ئیسرائیل بەستووە. بەقسەیان كردوون بۆ رێكخستنی سوپا. بەڵام لەبەرامبەردا، فشاری ئیسرائیلیان قبوڵ نەكردووە كە سەنگاپورە دان بە ئیسرائیل بنێ‌‌و سەفارەت لەوكاتەدا لەوڵاتەكەیان بكەنەوە.
ئەم سەرۆكە، لەگەرمەی بوژاندنەوەی وڵاتەكەی‌و گەلەكەی‌و ژێرخانی ئابورییان بووە، بەڵام لوتبەرز نەبووە. كەسوكاری خۆیان پێشنەخستووە. چاوی لە هیچ كەموكوڕییەك نەپۆشیووە. ماندوو نەبووە. تەنانەت قبوڵی نەكردووە، بە شان‌و باڵیدا هەڵبدەن. دژی ئەوەش بووە وێنەی هەڵبواسرێ‌‌و پەیكەری بۆ داتاشرێ‌. (بڕوانە لاپەڕە -81-)
كاتێك سوپای بەریتانیاش (1971) ئۆردوگا سەربازییەكانی جێهێشتووەو بایی سەدان ملیۆن دۆلار كەلوپەلی سەربازی‌و ئیداریی تیا بووە. شوێنەكانیشیان (15 هەزار) هێكهتار زەوی بووە. تێكڕا (11%)ی سەرزەمینی وڵاتەكەیان لەژێر دەستدا بووە. كەچی نەك رێگەی نەداوە تاڵان بكرێ‌، بەڵكو بە پرۆژەیەك كردویەتیە شوێنی بەرهەمهێنان‌و وەبەرهێنان. بەندە لەپەراوێزی لاپەڕە (85)دا لەسەر ئەم بڕیارە نوسیومە:
"ئەمەیە پەرۆشیی بۆ وڵات. شوێنەواری داگیركاری دەكەنە بنەماو سەرچاوەی ئابوری".
لەكوردستانیشدا، كوت‌ومت پێچەوانەكەی كراو لەدوای راپەڕین، نەك سەربازگەو كەلوپەلی سەربازی، بەڵكو ئامێرو كەرەسەو شۆڤڵ‌و بلدۆزەرو سەیارەو تەنانەت مەوادی خامی یەدەكیش، تاڵان كران‌و كەرەسەی سەدان ملیۆن دۆلار هەرزانفرۆش كران لەسەر دەستی قارەمانەكانی بەرەی كوردستانی!!

 

وتاری زیاتر











یادی كوردستانی نوێ‬ مەلا بەختیار
2020-01-12 17:34      65 جار بینراوە


بە چ پێوەرێك دەنگم دا؟!‬ مەلا بەختیار
2019-12-23 19:31      162 جار بینراوە




كۆنگرە لەنێوان پلەو پرۆگرامدا‬ مەلا بەختیار
2019-11-25 16:21      94 جار بینراوە



وتاری سواو كۆتایی هاتووە‬ مەلا بەختیار
2019-11-06 13:12      171 جار بینراوە



ناكۆكیەكانی سەرۆك ترامپ‬ مەلا بەختیار
2019-10-13 21:53      231 جار بینراوە








نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو