د.ئەرسەلان بایز

د.مەجدی ناچێتە بەهەشت

  2020-03-01 14:55      76 جار بینراوە        کۆمێنت

 (81)
(دكتۆر مەجدی یەعقوب)، پرۆفیسۆری بەناوبانگی وڵاتی میسر، لەو چەند ڕۆژانەی ڕابردوودا لە وڵاتی بەحرین خەڵاتی (عیسا)ی پێ بەخشرا كە تایبەتە بە كاری خزمەتگوزاری مرۆڤ. ئەو دكتۆرە لە وڵاتی بەریتانیا پێیدەڵێن (مەلیكی دڵ) چونكە زیاتر لە بیست هەزار عەمەلیاتی دڵی بۆ مرۆڤە هەمە نەتەوەو ڕەنگ و هەمە جۆری دنیا كردووە.
ئەو دكتۆرە كڵاڤەیەكە لەكاری خزمەتگوزاری مرۆڤایەتی. بە تایبەتی لە ڕێگای دامەزراوەی (مەجدی یەعقوب) بۆ لێكۆڵینەوە لە بواری نەخۆشی دڵ، یان لە ڕێگای (ناوەندی جیهانیی دڵ لە شاری ئەسوان). ئەو دامەزاروو ناوەندە چارەسەری خۆڕاییان بۆ هەزاران هەژاری تووش بووی نەخۆشی دڵ كردووە لە میسر. جیا لەو دامەزراوە خێرخوازییانەی لە بەریتانیا دایمەزراندووە. ئینجا ئەو دەسكەوت و داهێنانە زانستیە گەورانەی لە بواری چارەسەركردنی نەخۆشی دڵ دایهێناون. بەتایبەتی بۆ چارەسەركردنی زمانەی دڵ لە ڕێگای بەكارهێنانی (الخلایا الجزعیە).
دیارە ئەو هەموو داهێنان و خزمەتگوزارییە دادی ئەو دكتۆرەی نەداوە، تاكو ببێتە پیاوێكی لەخوا نزیك، بۆیە (عەبدوڵڵا ڕوشدی) وەك گەنجێكی بەناو زانای ئیسلامی لە میسر دەڵێ‌: (بەهەشت تەنیا بۆ موسڵمانانە) كەواتە (د.مەجدی یەعقوب) ئەگەر لەسەر ئاینی كریستیان بەردەوام بێت و نەبێتە موسڵمان ناچێتە بەهەشت بەڵكو دەچێتە ناو ئاگر. لەڕاستیدا هیچ مرۆڤێك نازانێ‌ كێ‌ لەخوا نزیكەو دەچێتە بەهەشت. یان كێ دەچێتە ناو ئاگر. چونكە خوا (أرحم الراحمین)ە هەر خۆی دەزانێ‌ كێ‌ شایستە بە بەهەشت و كێش دەچێتە ناو ئاگر. نابێ‌ ئەو ڕاستیەش لەیاد بكەین ئەو مرۆڤانەی وەكو (دكتۆر مەجدی یەعقوب) كە هەموو ژیانی خۆیان بۆ بواری زانست و خزمەتگوزاری مرۆڤایەتی تەرخان كردووە نزیكترین كەسن بۆ ئامانجی ئیمانداری، ئەی (محەمەد) پێغەمبەرو خۆشەویستی خوا (س.خ) نەیفەرمووە (خیر الناس انفعهم للناس) واتە: باشترین كەس ئەوانەن كە سوود بە خەڵك دەگەیەنن و خزمەتی كەسەكان دەكەن. ئەی نازانم ئەو گەنجە بەناو زانای موسڵمانە چۆن ئەو هەقەی بەخۆیدا لە جیاتی خوای مەزن خەڵك ڕەوانەی بەهەشت یان ناو ئاگر بكات..؟!! ئایا دەكرێ‌ هەركەسەو چوار كتێبی ئایینی خوێندەوەو تەنكە ڕیشێكی هێشتەوەو چووە سەر (منبر) هەروا لەخۆیەوە فتوا بدات..؟! ئەم بخاتە بەهەشت و ئەویتر ڕەوانەی دۆزەخ بكات..؟!
(میرزا الخویلدی) لە ڕۆژنامەی شرق الاوسط وای نووسیبوو.
(لێرەوەش بەندە جارێكی تر دەگەڕێمەوە سەر كتێبەكەی زانای گەورەی ئاینی ئیسلام و زانست «عەبدولكەریم سروش» كە دەڵێ‌: چەند ڕێگایەكی ڕاست هەیە بۆ لەخوا نزیك بوون و چوونە بەهەشت نەك هەر تەنیا یەك ڕێگا).
*لەو چەند ڕۆژەی ڕابردوودا یەكێ‌ لە مامۆستا ئاینیەكان لە بارەی (كۆڕونا)وە قسەی دەكردو دەیوت: (پێم سەیرە خەڵك لە كۆڕونا دەترسێ‌. چونكە ئەگەر ڕۆژی مردنت هات. هەرگیز دوا ناكەوێت).
لەلایەكەوە قسەی ئەو مامۆستایە ڕاستە كە ئەجەل هات ناگەڕێتەوە. بەڵام ئەمە مانای ئەوە نیە مرۆڤی موسڵمان خۆی نەپارێزێ‌ چونكە موسڵمانەو ڤایرۆسەكە زەفەری پێ نابات. ئەی نەوتراوە (خۆ پاراستن لە چارەسەر باشترە) ئەو ڤایرۆسە موسڵمان و كریستیان و، جولەكەو بوزی ناناسێت. لەهەر شوینێك زەمینەی بۆ بسازێ‌ بەمرۆڤەوە دەنوسێ‌. هیچ ئاینێك وەكو ئاین ڕێگر نیە لە تووش بوون یان تووش نەبوون بەو نەخۆشیە.

وتاری زیاتر

مام جەلال و زمانی عەرەبی‬ د.ئەرسەلان بایز
2020-03-14 14:33      50 جار بینراوە

چیك-سلۆڤاكیا‬ د.ئەرسەلان بایز
2020-03-08 14:31      67 جار بینراوە


شەهیدەكان دەگەڕێنەوە!!‬ د.ئەرسەلان بایز
2020-02-28 11:09      96 جار بینراوە

سوڵتان قابوس‬ د.ئەرسەلان بایز
2020-02-23 14:54      65 جار بینراوە


هەنگاوی كردەیی‬ د.ئەرسەلان بایز
2020-02-16 14:27      90 جار بینراوە

چاكسازی‬ د.ئەرسەلان بایز
2020-02-15 14:12      83 جار بینراوە

خەڵات، یان سزا؟!‬ د.ئەرسەلان بایز
2020-02-09 15:26      26 جار بینراوە

كەریم پیلاتۆس‬ د.ئەرسەلان بایز
2020-02-08 15:50      77 جار بینراوە

باڵندەكان ناخوێنن‬ د.ئەرسەلان بایز
2020-02-02 15:02      76 جار بینراوە

عیراق‬ د.ئەرسەلان بایز
2020-01-31 10:15      64 جار بینراوە

سەروەری یاسا…زانست +‬ د.ئەرسەلان بایز
2020-01-26 13:59      120 جار بینراوە

كاتێ‌ گەنج بووین‬ د.ئەرسەلان بایز
2020-01-25 13:40      92 جار بینراوە

خۆشەویستی (مام)‬ د.ئەرسەلان بایز
2020-01-19 13:35      185 جار بینراوە



كەچە ئاسنۆكە‬ د.ئەرسەلان بایز
2019-12-14 13:15      107 جار بینراوە

چەند دیاردەیەك‬ د.ئەرسەلان بایز
2019-12-08 13:58      142 جار بینراوە

هەیهو… هەیهو‬ د.ئەرسەلان بایز
2019-12-06 10:59      141 جار بینراوە

كۆنگرەیەكی سەركەوتوو‬ د.ئەرسەلان بایز
2019-12-01 15:20      114 جار بینراوە

مینەكان دەتەقنەوە‬ د.ئەرسەلان بایز
2019-11-27 18:16      147 جار بینراوە

ئەگنیتا‬ د.ئەرسەلان بایز
2019-11-24 14:36      148 جار بینراوە

رامـوسـان‬ د.ئەرسەلان بایز
2019-11-23 13:18      111 جار بینراوە

مەیدەنە بەردەم رەشەبا‬ د.ئەرسەلان بایز
2019-11-17 13:49      194 جار بینراوە

شوو بە تەك تەك دەكەم‬ د.ئەرسەلان بایز
2019-11-16 13:36      203 جار بینراوە

هەزارو دوو سەدو پەنجا دینار‬ د.ئەرسەلان بایز
2019-11-11 14:02      181 جار بینراوە

ئای برا ڕۆ…‬ د.ئەرسەلان بایز
2019-11-06 14:09      1007 جار بینراوە


مام جەلال و (جواهیری)‬ د.ئەرسەلان بایز
2019-10-30 11:39      133 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو