ستران عەبدوڵڵا

عیلاجی ئەم فۆبیا عیراقییە بكەین

  2020-03-02 16:03      69 جار بینراوە        کۆمێنت

لەناو راڕەوەكانی سیاسەتی عیراقیدا، لەناو شەقامی عیراقیدا، مەیلێكی بنمیچ بەرزی شۆڤێتی دژی كوردستان ‌و سیاسەت ‌و داخوازییەكانی هەن كە دەبێت بزووتنەوەی سیاسیی، كوردستان ‌و بەتایبەتیش یەكێتیی نیشتمانیی كوردستان كار لەسەر چارەسەركردنی بكەن.
مەسەلەكە خەریكە شێوەی فۆبیایەك وەردەگرێت ‌و ئەگەر زۆر بخایەنێت، بیركردنەوەی ساغ و سەلامەت لە سیاسەتی عیراقیدا ناهێڵێت ‌و ئێ سەرەنجام وەك پەرچەكردارێكیش بێت سیاسەتی كوردستانی ئالودە دەكات.
هیچ شتێك لە سیاسەتدا ئەستەم نییە ‌و هونەری ئەستەمی سیاسەت لە بەرزیی ئامانجەكان ‌و هونەری مومكینی سیاسەتیش لە هەڵسوكەوتدا تاقیدەكرێتەوە.
گەرەكە سیاسەتی كوردستانی ئەستەمەكان تەخت بكات ‌و رێگە بۆ سەرخستنی پڕۆژەكانی خۆی بكاتەوە.
هۆكاری ئەو فۆبیا عیراقییە رەسمی ‌و میللییە، هی رارەوەكانی ئەیوانی سیاسیی بەغدا و هی شەقام ‌و كۆڵانەكانی باشووری وڵات، زۆر و زەوەندن .
جا چەند دانە بن، یاخود لیستێكی دوور و درێژ، وەك عەرەب ئێژن (تعددت الاسباب والموت واحد)، مردن یەك مردنە، با ڕەنگ ‌و بۆنی جیاوازی هەبێت.
ئێستا لێی ئاسانتر نییە گێڕانەوەیەكی مێژوویی یان گێڕانەوەیەكی هەنووكەیی بۆ دەرگیربوونی كوردستان ‌و بەغدا تۆماربكەین و وەک ماکی ئەم مەیلە شۆڤێنییە بیناسێنین.
هەندێكیان بخەینە سەر خۆمان و زۆرەكەی بخەینە سەر بەغدا، ئەسڵی كێشەكە لەوێ نییە، ئەسڵی كێشەكە لە دەرەنجامەكەدایە كە هەردوولا زیان دەكەین. مادام بەغدا ئینكاریی دەكات ‌و ئێمەش خاوەنی پرسێكین كە پرسی میللەتەكەمانە، كە وابێ لەسەر ئێمەیە خەمی زیاتری لێ بخۆین، چونكە هەمیشە لە پشكی زەرەردا هی ئێمە زۆرترە ‌و تاقیكردنەوەی هەردوولامان بەبەرییەوە نەماوە ئەزموونی هەڵەو ڕاستكردنەوە دووبارە بكەینەوە.
تەماشایەکی سەنگین و ھەڵسەنگاندنی شێنەیی پێمان دەڵێت: شکستی پرۆسەی سیاسیی عیراق وەکو زەرەرە بۆ ئێمە تانە لێدانیش لەو زەرەرە دیسانەوە قینی رەوتی شۆڤێنی بەرامبەر کوردستان ئەستورتر دەکات ، ئەوکات پێمان دەڵێن پێیان خۆشە لێمان قەوماوە.
بۆ چارەسەری ئەمە پێش ھەر شتێک ھەڵمەتێکی ئاسایکردنەوەمان پێویستە کە سیاسەتی کوردستانی بکاتەوە بە دەستپێشخەر و سەنگی لەناو ھەردوو کایەی راڕەو و شەقامدا بەرز بکاتەوە.
ئێستا گرنگتر لە ئەرێ و نەخێری پێکھاتنی وەزارەتی عەللاوی و پشک و قسەی کورد تیایدا کوردستان پێویستی بە ستراتیژێکی نوێخواز و گۆڕاوی پەیوەندییە سیاسییەکانە کە لەسەر بنچینەی ھاوپەیمانێتی و دۆستایەتی کوردستانیی و ئینجا عیراقی بەرپاکرابێت.
ھەڵبەت کوردستان لەم شاندانەبەر ئەرکی تازەیەدا نە تەنیایە و نە دواکەوتووە و نە بێ سەرمایە و خەزینە، ئەزموونەکەی بەشی زۆری پێوەیە، بەڵام سەرلەنوێ رێکخستنەوەی کارتەکان و ئاوەدانکردنەوەی مێزی گەمە سیاسییەکە، ئەولەویەتە بۆ ھەر دەستپێشخەرییەک و ئینجا لە کۆڕی کاریشدا سیاسەتێکی ھەمەلایەنەی دیپلۆماسی و راگەیاندن و تەنانەت میانەی کۆمەڵایەتیش پێدراوی تر سەردەخەن.
ئەم بورغوە سەختەی فۆبیای دژە کوردستان لە عیراق کە ھەندێ جاریش ژینگەی ئیقلیمیی دنەی دەدەن، پێویستی بە شلکردنەوە و پارچە پارچەکردنی وەستایانە ھەیە نەک ھەڕەشە و گوڕەشە.

وتاری زیاتر


نۆتی ناكام‬ ستران عەبدوڵڵا
2020-02-17 15:31      109 جار بینراوە


بەبرژانگی چاو بینووسینەوە‬ ستران عەبدوڵڵا
2019-12-16 14:12      113 جار بینراوە


ده‌ستوور یان نه‌ریت؟‬ ستران عەبدوڵڵا
2019-11-16 16:32      119 جار بینراوە

نۆتی ناكام‬ ستران عەبدوڵڵا
2019-11-11 17:20      192 جار بینراوە

بۆ یه‌كتری ده‌ستێننه‌وه‌‬ ستران عەبدوڵڵا
2019-11-09 14:25      96 جار بینراوە


نەبینە بابەتی دەمەقاڵێ!‬ ستران عەبدوڵڵا
2019-09-30 16:12      100 جار بینراوە


فەزای داعش لەعیراق‬ ستران عەبدوڵڵا
2019-08-25 20:54      136 جار بینراوە


فەرموو دەست پێبكە‬ ستران عەبدوڵڵا
2019-06-21 20:56      162 جار بینراوە

رێوییەکانی کرملین‬ ستران عەبدوڵڵا
2019-05-30 12:13      129 جار بینراوە

‌مەیلی راماڵین‬ ستران عەبدوڵڵا
2019-05-24 11:44      127 جار بینراوە

كوشتن لەسەر ناسنامە‬ ستران عەبدوڵڵا
2019-05-18 11:55      130 جار بینراوە

هەرێمی .... كوردستان‬ ستران عەبدوڵڵا
2019-05-13 13:20      154 جار بینراوە


لەو سەحرای سەماوەیەدا‬ ستران عەبدوڵڵا
2019-04-15 11:32      128 جار بینراوە


لەبارەی (شار)ەوە‬ ستران عەبدوڵڵا
2019-03-14 10:15      131 جار بینراوە


فیقهی ئەولەویاتەكان‬ ستران عەبدوڵڵا
2019-01-31 13:40      132 جار بینراوە

مت شتێك بنوێنە‬ ستران عەبدوڵڵا
2018-11-26 15:49      141 جار بینراوە

پارە پارە‬ ستران عەبدوڵڵا
2018-11-04 20:19      116 جار بینراوە


ناو لەقۆناغه‌كه‌ بنێین‬ ستران عەبدوڵڵا
2018-06-30 18:04      201 جار بینراوە

كوردستانێتی و عیراقێتی‬ ستران عەبدوڵڵا
2018-05-11 12:23      246 جار بینراوە

كەركوك قۆناغی شۆك بەسەربچێت‬ ستران عەبدوڵڵا
2018-01-31 18:54      341 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو