د.كاروان عەلی

لێگەڕێن خەڵک فریای خۆی بکەوێت

  2020-03-13 21:18      74 جار بینراوە        کۆمێنت

هیچ پێویست ناکا پلارو کۆمێنت لەو خەڵکە بدرێت کەدەیانەوێ زەخیرەو خۆراک و کەلوپەلی پێویست بۆ ئەو چەند رۆژی قەدەغەی هاتوچۆیە بۆ ماڵەوە بکڕن.
پێموایە کارێکی ژیرانەیە کەتۆ بزانیت رێگاو بانەکان دەگیرێن بچیت خۆراک بکڕیت، ژیرانەتریشە کە کاتێک پەتایەکی لەوجۆرە بڵاوبۆتەوە بچیت بەیەکجار بڕێکی زۆر کەلوپەل بکڕیت تا پێویست نەکا جارێکی تر بچیتە دەرەوەو کەمترین بەرکەوتنت لەگەڵ کەسانی تر هەبێت.
ئنجا ئیتر تۆ لەماڵەوەش دەمێنیتەوەو دادەنیشیت، خۆ قابیلە هەموو خەڵک خۆی بەخوێندنەوەو بیرکردنەوەی زانستیانەوە سەرقاڵ ناکا! یان خەریکی دەمەقاڵە نابن! بۆیە پێویستت بەوە دەبێ ماڵەکەت گەرم بێت بە خۆراک و میوەو پێویستیەکانی تر.
لەچەند رۆژی رابردوودا، لە هەندێ شوێنی ئەوروپای پێشکەوتووی سەقامگیر، هێشتا باری نائاسایی و قەدەغەی هاتوچۆ رانەگەیەنرابوو، خەڵک رایکرد بۆ کڕینی پێداویستیەکانیان و مارکێتەکانیان لەکاڵا بەتاڵکرد، ئێمەی نەگبەتیش لەهەرێمێکی بێسەروبەرو بێ خاوەن، بێ سەروەریی و ناسەقامگیرو چارەنووس نادیارو ئابوریی شێواو بەدەست کۆمەڵێک مافیاوە، کاتێک پێشهاتێکی لەناکاوی وەک پەتای کۆڕۆنا یان هەر گۆڕانکارییەکی تر دێتە پێش، ناهەقمان نییە فریای خۆمان بکەوین و خۆراک و پێداویستیی تر دابین بکەین، چونکە ئەزموونی تاڵی رابردوومان لەبەرچاوە کە لەکاتی تەنگانەدا نەک دەسەڵات بەکەڵکت نایە، بەڵکو کۆمەڵگەش لات لێناکاتەوە.

وتاری زیاتر


ئه‌ودیو كۆرۆنا‬ د.كاروان عەلی
2020-03-14 19:16      63 جار بینراوە



نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو