هاوناز شەوكەت

كۆڕۆناو جوانییەكانی ژیان

  2020-03-31 11:41      213 جار بینراوە        کۆمێنت

باشترین سەرمایە لەم كاتەدا ورە بەرزیی و دڵخۆشیی و دوور كەوتنەوەیە لە دڵەڕاوكێ، چونكە ژیانمان وابەستەی خەسڵەتی ورە بەرزیە. لە رابروودا زۆرێك لە ناخۆشی و قەیرانمان بەڕێكردوون كە لەمەی ئێستا ناهەموارترو دژوارتر بوون. بینیوومانە چ خۆمان چ كەسوكارمان و تەنانەت سەرتاپای مرۆڤایەتی، بە قۆناغی ناخۆش و قەیراندا تێپەڕێوین. لێرەدا گرنگ ئەوەیە بیرمان بێت چۆن هەموو كارو رووداوێك سەرەتاو دەستپێكردنی هەیە ئەوا كۆتایی و تێپەڕبوونیشی هەیە، ئەمانە هەمووی وانەی ژیانن و دەبێ دڵنیابین وەك چۆن دەبێ دڵنیابین هی تریش دێن، نابێ وا لە ژیان بڕوانین كە نموونەیی و بێ كێشەو قەیرانە.
راستە دەورووبەر كاریگەریی راستەوخۆی لەسەرمانە، بەڵام دواجار شێوازی بیركردنەوەو لێكدانەوەمان بۆ دۆخەكە كە ئایا بەلای ترس، ناخۆشیی یان دڵخۆشیی بێت، بەدەست خۆمانەو كەس ناتوانێت ئەو شێوازی بیركردنەوەو لێكدانەوەیەی كە لەناخماندایە بیگۆڕێت.
با بڕیار بدەین دڵخۆش بین، ئازاو لێبڕاوو سەركەوتوو بین، جەوهەری مرۆڤبوونی خۆمان بپارێزین و پەرەی پێبدەین. كەسمان بڕیارمان نەداوە كە تا هەبین لە یەك دۆخدابین، كەسیشمان بەڵێنمان پێ نەدراوە كە ناخۆشی و نەخۆشی نابینین و بەجۆرێكی دیارییكراوییش كۆتایی بە خەونەكانمان بێنین، كە وایە با لە ئێستاوە خۆمان ئاشتكەینەوە لە گەڵ ئومێدو هیواو گەشەو پێكەنین، ئاوڕێك لە میلی كاتژمێرەكانمان بدەینەوەو ئەوە بەبیری خۆمان بهێنینەوە كە ژیانمان گوزارشتە لە كات، هەندێكی تێپەڕیوەو بۆتە مێژوو و هەندێكیشی ماوەو ئایندەمانە كە تەنها خوا دەزانێت چەندەو چیی لەهەگبەدایە.
كۆرۆناش تەواو دەبێ، بەمان و نەمانی ئێمەش ژیان بەردەوام دەبێت و میلەكانی بۆ ئەوانی دوای ئێمەش دەسوڕێت، گرنگە لەو ژیانەی ماومانە، ویژدانمان پاك بێت، بیر لەیەكتر بكەینەوەو دڵمان بەجوانییەكان خۆشبكەین.

وتاری زیاتر


شین و شایی بۆ رۆژئاوا‬ هاوناز شەوكەت
2019-10-24 10:06      144 جار بینراوە



نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو