د.سەردار عەزیز

ئەفیونی کشتوکاڵ

  2020-04-24 17:55      42 جار بینراوە        کۆمێنت

هەرکاتێک نەوت توشی قەیران دەبێت، خێرا کشتوکاڵ بیر دەکەوێتەوە، ئەم پەنابردنە، دەرئەنجامی تێڕوانین و رامان و بیرکردنەوە نییە، بەڵکو وەک دروشم و بیرێکی ئامادەباشی لێهاتووە، ئێمە چۆن خۆراکی تەیکەوەیمان هەیە، بەهەمانشێوە وردە بیرو دروشمی تەیکەوەیمان زۆرە.
لەئاگایی گشتیدا لەکوردستان خەریکە هاوکێشەیەک دروستدەبێت کە نەوت و کشتوکاڵ دژ بە یەکن، لەکوردستان نەوت کشتوکاڵی کوشت، دەبێت بگەڕێینەوە بۆ کشتوکاڵ، بگەڕێینەوە بۆ لادێ هەموو ئەمانە دەوترێت. دیارە پێش ئەوەی هیچ قسەیەکی زانستی دەربارەی بکرێت، دەکرێت لەسایکۆلۆجی کورد تێبگەیت کە هەمیشە سایکۆلۆجی پەرچەکردارە. بەگشتی لەپەرچکرداردا بیرکردنەوە و پرسیارو گومان کزە، چونکە وەک جۆرێک لەتۆڵەکردنەوە دەبینرێت، بۆیە هەمیشە تێستیستیرۆنێکی نێرێتی زۆری لەگەڵدا دەرژێ.
دیارە نەوت کاریگەری هەبووە لەسەر کشتوکاڵ، بەتایبەتی لە پرۆسەی بەشاربووندا، بەشاربوونی کۆمەڵگای کوردی گەورەترین وەرچەرخانەو هێشتا بیر لەڕەهەندە ئاسایشییە زۆرو درێژخایەنەکانی نەکراوەتەوە، لەهەمانکاتدا لەئاگایی کوردیدا تێگەیشتنێکی ئەفسانەیی بۆ نەوت هەیە، بەتایبەتی وەک کاڵایەکی جیوپۆلەتیکی.
سەرباری هەموو ئەمانە نەوت دەبێتە هۆکاری نەخۆشی هۆڵەندی، کە بریتیە لەبەرزیی نرخی دراو، بەبێ بوونی بەرهەم کاڵای زۆر، دیارە بەهۆی نەوتەوە بەرزیی نرخی دراو وەها دەکات کە بەرهەمهێنانی گران بێت و هەروەها ببیتە مایەی ئامانجی وڵاتی بەرهەمهێنی تر، بەڵام نەوت ژیانئاسانی دابینکرد کە پێچەوانەی کشتوکاڵە، ژیانئاسانی بریتییە لەکردنی ئەو کارانەی کە کارنین، وەک دەیڤید گرابەر لەکتێبەکەیدا ئیشی بێنرخ تیوریزەی دەکات
Bullshit Jobs: David Graeber
بەڵام بۆچی لەکوردستان کشتوکاڵ ئەڵتەرناتیڤ نییە.
یەکەم بەبێ نەوت کشتوکاڵی ئێمە دادەڕووخێت، بەبێ نەوت کشتوکاڵ لەدونیادا دادەروخێت، نەوت نەک هەر گواستنەوەو کێڵان دابیندەکات، بەڵکو زۆربەی پەین کە بەرکاردێت لەنەوتەوەیە.
دووەم، ئێمە جگە لەگەنم و هەندێک بواری تردا نەبێت لەهیچ بوارێکی تردا، ناگەینە ئاستی خودبژێوی.
سێیەم، کشتوکاڵ ئێمە هەژارو لاوازو دواکەتوو دەکات، ئەگەر ببێتە بەشی سەرەکی ئابووریمان. ئەمە پەیوەستە بە دەستی کارو جۆری خێزان و پەیوەندی مەعریفی و زۆر بواری ترەوە.
چوارهەم، گوند لەدونیادا سەردەمی بەسەرچوو، کۆمەڵگای مرۆڤایەتی زۆربەی زۆری لەشاردا دەژی، ئێستا لەم گەرمەی قەیرانەدا بانگهێشتێک هەیە بۆ دەرچوون لەشارە گەورەکان، بەڵام ئەمە ناگاتە گوێی زۆر کەس.
شەش، ئەگەر ئێمە بگەڕێینەوە بۆ کشتوکاڵ دەبێت بە ئامێر و وزەو سەرمایەو زانیارییەوە بگەڕێینەوە، کە دەبێت ئابووری نەوت دابینی بکات.
حەوتەم، ژیانی کشتوکاڵی و ژیانی نەوتی پەیوەستە بەجۆری خەیاڵی ژیانکردنەوە، ئەوە نەوتە کە خەیاڵی کوردی داگیرکردووە. یەکێک لەهەرە خواستە بەربڵاوەکان لەکوردستان ئەوەیە کە نەوت دەربهێنن و داهاتەکەی بەسەر خەڵکدا بەشبکەن، ئەوەندە نەوت هەیە هەموومان خۆش بژین، ئەمە خەیاڵێکە کە دژ بەکەرکارێتی ژیانی کشتوکاڵە، ئەوەی رۆژێک لەژیانیدا بژارو دروێنەو کێشەو خەرمانکوپ وئەمانەی کردبێت بەئاسانی وەها ناڵێت.
بەڵام مەترسی هەرە گەورەی من رەهەندە مەعریفیەکەیەتی، مەبەستم لەم رەهەندە ئەوەیە کە کاتێک کە تووشی قەیران دەبین خێرا پەنا دەبەینە بەر خەیاڵێکی ناواقیعی وەک ئەڵتەرناتیڤ، ئەمە رێگرە لەوەی کە بیر لەواقیع بکەینەوەو چۆن بتوانین بیگۆڕین، بۆیە بیری کشتوکاڵ ئەفیونە.

وتاری زیاتر

٢٨ ساڵە/ ٢٨٠ ساڵ‬ د.سەردار عەزیز
2020-05-25 16:18      42 جار بینراوە



لەستایشی لامەرکەزیدا‬ د.سەردار عەزیز
2020-05-16 18:45      36 جار بینراوە

کۆرۆنا چۆن دەمانگۆڕێت؟‬ د.سەردار عەزیز
2020-05-04 15:51      40 جار بینراوە

بای بای حوکمداری ئاسان‬ د.سەردار عەزیز
2020-05-02 15:52      75 جار بینراوە

دێوی حوکمڕانی‬ د.سەردار عەزیز
2020-04-28 21:12      62 جار بینراوە

حەنین بۆ بەغدا‬ د.سەردار عەزیز
2020-04-27 19:13      69 جار بینراوە

بۆچی روسەکان لەسوریان؟‬ د.سەردار عەزیز
2020-04-25 23:31      50 جار بینراوە



شەڕی ناوخۆی کوردی!‬ د.سەردار عەزیز
2020-04-18 21:13      73 جار بینراوە

ئۆراسیا و شوناسی كوردی!‬ د.سەردار عەزیز
2020-04-15 13:29      64 جار بینراوە

ئایا چین شەڕ دەکات؟‬ د.سەردار عەزیز
2020-04-13 14:51      61 جار بینراوە


کورد لەسەدەی بیست و یەکدا‬ د.سەردار عەزیز
2020-04-11 15:26      62 جار بینراوە

رۆشنبیرو وەهم‬ د.سەردار عەزیز
2020-04-06 22:05      72 جار بینراوە





کۆرۆناو لەدایکبوونی جڤات‬ د.سەردار عەزیز
2020-03-30 19:42      64 جار بینراوە

دیواری مەزنی چین؟‬ د.سەردار عەزیز
2020-03-29 15:22      52 جار بینراوە

کورەکە ماڵییە!!‬ د.سەردار عەزیز
2020-03-27 12:08      77 جار بینراوە

پرسیارەکانی سەردەمی کۆرۆنا‬ د.سەردار عەزیز
2020-03-24 20:39      89 جار بینراوە

جەنگی کۆرۆنای چین و ئەمریکا‬ د.سەردار عەزیز
2020-03-22 20:49      88 جار بینراوە

نرخی نەوت و ئابووری ئێمە‬ د.سەردار عەزیز
2020-03-21 18:23      75 جار بینراوە

رۆژانەکانی کۆرۆنا‬ د.سەردار عەزیز
2020-03-12 15:26      75 جار بینراوە

شەڕی نرخی نەوت ‬ د.سەردار عەزیز
2020-03-10 10:30      84 جار بینراوە

کۆمەڵگای پڕ دوکتۆرا‬ د.سەردار عەزیز
2020-03-07 18:26      76 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو