د.ئەرسەلان بایز

ئۆخەی مەفتەن

  2020-05-22 13:18      81 جار بینراوە        کۆمێنت

 (90)
*لەگەڵ هەر ژەمێكی نانخواردنی بەیانیدا ئەوان لێیان دەپرسین:
–ئەرێ‌ كەی دەڕۆنەوە…؟! پاش چەند رۆژێكی تر هوتێلەكە دادەخەین. ئێمەش بەجۆرێك لەدڵگرانی سەیری یەكترمان دەكرد… لەگەڵ پرسیارە رۆژانەكەیاندا، هەوری خەمەكانی دووری وڵات زیاترو زیاتر چڕدەبوونەوەو دەچوونە پاڵ یەكترەوە، خەنجەر ئاسا بەناخی دڵماندا دەچووە خوارەوە. ئەوان وا پرسیارەكەیان دەكرد وەكو بڵێی ئێمە بێ كەس و بێ جێگاو رێگاو بێ نیشتمان بین، هەروا لەخۆڕاو بۆ كەیف و سەفا لەوێ‌ مابینەوەو بووبین بەمیوانی رەزا قورس و چەل بە ملیانەوە…! بەتایبەتیش كاتێ‌ سەیری ئەملاو ئەولای خۆمان دەكرد.
لەهەرسێكمان و چەند بەردەستێك بەولاوە هیچ میوانێكی تر لەو هۆڵە گەورە رازاوە جوانەدا نەبوو، كە جاران بۆ قاوەڵتی جمەی دەهات.
راستە ئێمەش هەر وەكو سەدانی تر، بەپێی رێكەوتنێكی بیست رۆژەی پێشتر، میوانی ئەو تەلارە بووین، قەدەر ئێمەی هێنابووە ژێر ئەو ساپیتەیەو ئێستا هەر ئێمە ماوین. لەهەموو كەسیش زیاتر لەچاوەڕوانی پەیدابوونی درزێكی رووناكین لەو شەوە زەنگەدا، تاكو بەرەو مەفتەن+ لەشەقەی باڵ بدەین.
*نازانم خانەخوێیەكەمان بۆچی هێندە خۆی غەشیم دەكرد، چونكە لەئێمە باشتر دەیزانی تخوب و سنوورە زەوی و ئاسمانی و دەریاییەكان داخراون و دەرفەت بەمێروولەش نادەن لەشوێنی خۆی بجوڵێ، تەنانەت شەقام و كۆڵانەكانی شاریش لەجووڵە كەوتبوون و بۆنی خوێنیان لێدەهات. ئەگەر بۆشیان بكرایە لەترسی گواستنەوەی پەتاكە، باڵە فڕەی كۆترو باڵندەكانیشیان قەدەغە دەكرد.
ئایا ئەو خۆنەبان كردنەی خانەخوێكەمان، لەبەر ئەوە بوو كە بەڕۆیشتنی ئێمە باڵەخانەكە دادەخات و سنوورێك بۆ زیانە خەرجییەكانی رۆژانی بێ میوانی دادەنێت…؟! بەردەستەكانیش پێیان وایە ئیتر ئەوانیش دەچنەوە ماڵی خۆیان و لەمەترسی تووشبوونی ڤایرۆسی كۆرۆنا، خۆیان لەكونی ژوورەوە حەشار دەدەن…؟! ئەوان لەدوورەوە ئاگاداری پەرۆشیی ئەوە نەبوون كە من لەوێ‌ تەنیاو غەریب و بێ ماڵم، چەند خولیای چۆڵكردنی پلازاكەو گەڕانەوەم، ئاخر ئەوان دركیان بەوە نەدەكرد كە چەند نیشتمانی خۆمم خۆش دەوێ‌. ئەو پلازایەی ئەوان، ئەمڕۆ لای من (كەپر)ێكی لای خۆمان ناهێنێ، چونكە (ژیان و مردن) هەر لەوڵاتی خۆت خۆشە. ئەوان بێئاگابوون لەوەی ناخم بۆتە گڕكانێكی هەڵچوو و دامركانەوەی بۆ نییە.
رۆژ نەبوو لەگەڵ شنەی شەماڵ نەدوێم، گفتوگۆ لەگەڵ باڵندەكان نەكەم، كە چۆن بەیەكەوە لەگەڵ ئەوان سكی ئاسمانی شین شەق بكەم و بگەڕێمەوە مەفتەن.
ئەسینا؛ شارە جوانە دڵگیرەكە، مەڵبەندی شارستانییەتی دێرین و دادگاییكردن و ژەهردەرخواردی سوقرات. شاری شوێنەوارو رێستۆرانتی نێو كۆڵانە تەسك و خانووە كۆنە بە پێبلكانەكانی، كافیتریای سەر كەناری دەریاكانی. جاران لەكۆتایی هەر گەشتێك مرۆڤ خولیاو نەخشەڕێژی بۆ گەشتێكی تر دەكرد، بەڵام ئەمجارەیان پەلەپڕوزێی ماڵئاوایی و گەڕانەوە بووم بۆ نیشتمان. بێ ئەوەی هیچ بیرۆكەیەكی گەشتێكی تر بەلامدا گوزەر بكات.
+مەفتەن: وطن-نیشتمان.

وتاری زیاتر

مێژوو و ئایندە‬ د.ئەرسەلان بایز
2020-05-17 21:10      60 جار بینراوە

بەوتەی سۆفییەكان‬ د.ئەرسەلان بایز
2020-05-16 20:34      101 جار بینراوە

میزی بەچاودا دەكردم‬ د.ئەرسەلان بایز
2020-05-09 16:46      226 جار بینراوە

ماچ قەدەغەیە‬ د.ئەرسەلان بایز
2020-05-05 00:22      122 جار بینراوە

مام جەلال و زمانی عەرەبی‬ د.ئەرسەلان بایز
2020-03-14 14:33      77 جار بینراوە

چیك-سلۆڤاكیا‬ د.ئەرسەلان بایز
2020-03-08 14:31      112 جار بینراوە


د.مەجدی ناچێتە بەهەشت‬ د.ئەرسەلان بایز
2020-03-01 14:55      122 جار بینراوە

شەهیدەكان دەگەڕێنەوە!!‬ د.ئەرسەلان بایز
2020-02-28 11:09      124 جار بینراوە

سوڵتان قابوس‬ د.ئەرسەلان بایز
2020-02-23 14:54      96 جار بینراوە


هەنگاوی كردەیی‬ د.ئەرسەلان بایز
2020-02-16 14:27      118 جار بینراوە

چاكسازی‬ د.ئەرسەلان بایز
2020-02-15 14:12      121 جار بینراوە

خەڵات، یان سزا؟!‬ د.ئەرسەلان بایز
2020-02-09 15:26      51 جار بینراوە

كەریم پیلاتۆس‬ د.ئەرسەلان بایز
2020-02-08 15:50      107 جار بینراوە

باڵندەكان ناخوێنن‬ د.ئەرسەلان بایز
2020-02-02 15:02      104 جار بینراوە

عیراق‬ د.ئەرسەلان بایز
2020-01-31 10:15      91 جار بینراوە

سەروەری یاسا…زانست +‬ د.ئەرسەلان بایز
2020-01-26 13:59      182 جار بینراوە

كاتێ‌ گەنج بووین‬ د.ئەرسەلان بایز
2020-01-25 13:40      121 جار بینراوە

خۆشەویستی (مام)‬ د.ئەرسەلان بایز
2020-01-19 13:35      213 جار بینراوە



كەچە ئاسنۆكە‬ د.ئەرسەلان بایز
2019-12-14 13:15      134 جار بینراوە

چەند دیاردەیەك‬ د.ئەرسەلان بایز
2019-12-08 13:58      181 جار بینراوە

هەیهو… هەیهو‬ د.ئەرسەلان بایز
2019-12-06 10:59      161 جار بینراوە

كۆنگرەیەكی سەركەوتوو‬ د.ئەرسەلان بایز
2019-12-01 15:20      133 جار بینراوە

مینەكان دەتەقنەوە‬ د.ئەرسەلان بایز
2019-11-27 18:16      179 جار بینراوە

ئەگنیتا‬ د.ئەرسەلان بایز
2019-11-24 14:36      201 جار بینراوە

رامـوسـان‬ د.ئەرسەلان بایز
2019-11-23 13:18      143 جار بینراوە

مەیدەنە بەردەم رەشەبا‬ د.ئەرسەلان بایز
2019-11-17 13:49      231 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو