Peyama Serokatiya YNKê ji bo bîranîna 32. salroja şehîdkirina Helebce

  2020-03-16 15:05      67 Car hatiye dîtin        Şîrove
YNKê û Gelê Kurdistanê. karesata Helebceyê di dilê xwe de zîndî û granbuha digre

Kesûkarên serbilind yên şehîdên kîmyabaranê, brîndarên çekên kîmyawî, xelkê bajarê şehîdperwer yê Helebce, komelên serfiraz yên xelkê Kurdistanê. 
Wa carekî din, em hemû li ber astengî û karesata kîmyabaran û bîranîna şehîdkirina Helebceyê, bi dilpirî û rondikên çavan rawestiyane û brîna me gran e. 16-03-1988, liber çavên dinyayê, rejîma hov a Beasa faşîst, 5000 zarok, pîr, jin  û zilam xeniqandin. Ji wê demê ve, hawarekî mezin ji bo cezakirina berpirs û tawanbarên vê jenosîdê di qirkame de asê ma ye û hêj, em xemgînin ji wê bêdengiyê ku deshilatdarên Dinyayê beramber karesata Helebceyê, hilbijartin e. 
Em, wek Yekîtiya Niştimaniya Kurdistanê (YNK), Helebceyê bi qibleya fedekariya Gelê Kurdistanê dizanin û baweriya me ewe ku paş şikest, nasandina meseleya Başûrê Kurdistanê bi civaka navdewletî, parastina serhildan û tecrubeya hikumraniya Kurd li Herêma Kurdistanê, deyndarê Helebce, şehîd û brîndarên wê ne. Çawa ku deyndarê enfalkiriyan û tev şehîd û têkoşerên Kurdistanê ne. 
Ligel bêdengiya siyasî ya demkurt ya Dinyayê beramber vê tawana hovane, wa 32 sale û hemû rojeka 16ê Adarê, li her derekê vê Cîhanê, kurdek, aştîxwazek û mirovdostek hebû be, bîranîna şehîdên kîmyabaran Helebceyê, granbuha zaniye; ev bîranîn, wek beşek ji nasnameya xebata Gelê Kurdistanê di edebiyata xwe a siyasî de bi hêjayî parastî ye. 
 Ev baweriya ma ya neguher bi pêgeha Helebce di warê bûn bi neteweyiya me de ev hevxemiya kûr ji bo qurbaniyên wê, rênîşana me ye di karkirina zêdetir, hûrgilîtir û dilsoztir ji bo Helebceya şehîdan ku her bi destpêşxerî û hewla Yekîtiya Niştimaniya Kurdistanê (YNK), niha bû ye bi parêzgeh û paytexta aştiyê û armanca me ye ku bi piştevaniya dilsozên gelê me, bibe paytexta vejandin û avadaniya niştiman, ji bo vê armancê jî plan û karên me yên hûrgilî dê hebe. Daxwaz ji kadro û organên peywendîdar yên YNKê, Hikûmeta Herêma Kurdistanê, Hikûmeta Federal a İraqê û rêkxistinên nêvdewletî yên li nav Herêma Kurdistan û iraqê dikin ku xizmeta zêdetir bigihînin kesûkarên şehîd û brîndarên çekên kîmyayî û karînên xwe yên darayî û mirovî zêdetir ji bo vejandina Parêzgeha Helebceyê, terxan bikin ku pêwîstiya wê, pê heye. 
Bi armanca parastina tenduristî û selametiya brîndaran çekê kîmyayî û kesûkarên wan û di jêr bandora gefa şewba cîhanî koronayê de; aliyên peywendîdar yên Helebceyê, biryar dan ku îsal ji bo rêzgirtin li bîranîna 32 saliya kîmyabarankirina Helebceyê, merasîm neyê sazkirin. Lê, em wek salên bihurî, evsal jî bîranîna kîmyabarankirina Helebce bi hêja dinirxînin û di dilê xwe de bîranîna şehîdan bi bîr tînin. Daxwaz ji dost, alîgir, endamên YNKê û tev xelkê Kurdistanê dikin, bîranîna karesata Helebceyê di dilê xwe de zîndî û granbuha rabigrin û evsal jî hevdem ligel bomberana rejîma faşîst a Beasê di demjimêr 11:35’ê de li her cîhekî bin, ji bo giyanê pak yên şehîdan, demekê bêdeng rawestin. 
Dirûd ji bo giyanê pak yên şehîdên kîmyabarankirina Helebce û hemû şehîdên rêya rizgariya Kurdistanê.
                                                                                              Serokatiya Yekîtiya Niştimaniya Kurdistanê 
                                                                                                                       16-03-2020
Puknow
Metîn Mihemed 

 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî