Danezana Encumena Bilind a Siyasî û Berjewendiyê ya YNKê

  2019-12-27 15:44      262 Car hatiye dîtin        Şîrove
Encumena Bala a Siyasî û Berjewendiyê ya YNKê dê biryarên kongreyê cîbicî bike

Gelê azadîxwaz yê Kurdistanê!
Kesûkarên Şehîdan!
Hevalên YNKê!
Dengderê bi emek yên YNKya Mam Celal!
Di şertûmercekî de ku krîza aborî ya cîhanî bi taybetî siyaseta sûdgeriyê a lîberalîzma nu tê sepandin, pirsgrêkên gelan zêdetir tên pişguhxistin, cûdahiya civakî didome û pirsa bêkarî.. zêdetir dibe.. û di encam de yekemîn care di dirokê de hevdem li Amerîkaya Latîn, Rojhilata Naverast, welatên Asyayê... ji bo dijayetiya gendeliyê û pêkanîna dadperweriyê, dest bi serhildanê dikin û zulimkar yan tên herifandin, yan li ber daxwazên serhildêran, paş ve gavê diavêjin. 
Di vê rewşê de encamê şikesta hikûmetên İraqê, pirsên cûrbicûr yên destûrî, aborî û siyasî li İraqê kûrtir bûne û pêwîstiya Herêma Kurdistanê bi projeyekî nû ya danûstan û çareseriya destûrî, aborî û siyasî heye; hêzên kurdistanî jî li beramber bûyerên Rojhilata Navîn, erkê me ye nakokiyên partiyî kêm bikin û erkên hevbeş yên giştî, bikin stratejiya qonaxê. 
Di vê rewşê de ku hêj metirsiyên DAIŞê bi taktîkê reşkujî ya partîzaniyê di rojevê de ye û Pêşmerge jî bi canfedayî Kurdistan û hikûmeta xwe diparêze, paş koça dawî ya raberê me yê dîrokî Serok Mam Celal, bi amadebûna 1126 nûnerên organan, ligorî wê qrograma Komisyona Bala ya Kongreyê û Komîteya Peyrewa Navxwe amade kirine, YNKê kongreya xwe ya çaremîn lidar xist.
Em dilniyan e, dost û neyar, li pêş hemûyan jî kadro û endamên xemxwir yên YNKê û pêşmergeyên canfeda, çavdêriya çawanî sazkirina kongreyê kirin. Çima? Çunkî rewşa siyasî, guherînên civakî, pirsên aborî û siyasî, givaşê li ser jiyana partiyetî û çawanî çareserkirina pirsgrêkan durust kiribû. Di encam de bi programekî guncaw û derbarê pirsgrêk û pêkhateya YNKê di nêv sîstemekî taybetî ya bi rêveberina kongreyê de demjimêr 11:00’ê roja 21-12-2019’ê bi xwendina rapora Komisyona Bala ya Amadekar ji aliyê Hakim Qadir ve û paşê bi xwendina rapora siyasî ya Cîgirê Sekreterê Giştî Kosret Resûl Elî destpê kir. Encam, dengdan li ser çawanî nirxandina rapora siyasî û peyrewa navxwe, hat kirin û çawanî hilbijartina Encumena Bilind ya Siyasî bi serokatiya Kosret Resûl Elî ji bo parastina berjewendî û peyrewa navxwe û hilbijartina Civata Giştî ya YNKê, hemû hatin pesendkirin. Paşê, deriyê xwe berbijêrkirin, hat vekirin. 
Civata Bilind di demekê de spasî endamên kongreyê û komisyona amadekarî û lijneya peyrewa navxwe, herwiha parêzerên ewlehiyê yên holê dike... hevdem di yekemîn civîna evrojê de bingeha siyaseta xwe ji bo cîbicîkirina erkên xwe ku kongreyê pesend kiriye diyar kir û di demek nêz de bi rêya lijneya hevbeş ya Encumena Bilind û Encumena Giştî jî ve deshilatên xwe di peyrewa navxwe de wekî di kongreyê de biryar li ser hatiye dayîn, dê bên çespandin; di civînê de hatiye tekez kirin ku desteberê siyaset û berjewendiyê YNKê dibe di hemû astekî û rûyekî de (arasteyekî de). Dawîn karîna xwe jî dixe kar, organ grêdayî biryarên kongre û rêbaza YNKê û Serok Mam Celal bin ku dadperweriya rencderên bîrûbazû ye; rêbaza kurdayetiyê mafê çarenivîsa xwe ji bo tevaya Kurdistanê; rêbaza mafê mirov û jîngeparêzî û yeksaniya jin û zilam...
Girseya Kurdistanê!
Encumena Bala, dê rijd be li ser cîbicîkirina biryar û bernameya kongreyê. Bi rêya cîbicîkirina biryarên kongreyê jî YNK di hikûmetên İraq û Kurdistanê de dikarin berevaniya rastîn li çareseriya pirsên xelkê bike. Di destpêkê de pirsên aborî. Heta pirsên aborî yên xelkê jî, di despêkê de miaş û budce, herwiha, dayîna mişaşên paşdeketî yên miaşxwiran, neyên çareserkirin û proje neyên bikarxistin... bank baweriyê wernegrin û deynên sermayedaran neyên dayîn... YNK nikare, civakê aş bike, aştiya civakî û lêxweşbûn jî nayê çespandin. 
Di serdemekî nû ya cîhangîrî û deshilata sosyal – medya de paş kongreya çaremin,YNK pêngav diavêje ji bo qonaxekî nû ya partiyetî û hevrikiya siyasî û civakî. Di demekê de erkê me, xurtkirina yekrîziya hêzên siyasî û dostayetiya piştevanên me ye. Nabe, cûdahiya rêbaza felsefeya siyasî û civakî ya me bi siyasetekî aqlane, wek partiyekî sosyal – demokrat, geşe pê nedin. Yekgirtî kirina hêzên siyasî û rêxistina hevrikiyên civakî, taybet di warê xebata pîşeyî û girseyî û medenî de bingeha  erkê demokrasiyan e di vê qonaxa ku demokrasî rojevê de ye, ber bi sîstemekî demokrasiya rastîn û dadperweriya civakî  û jiyanekî hêja.
Edî ber bi pêş ve ji bo pêkanîna erkên kongreya çaremîn
Nemirî ji bo şehîdan
Serkevtin ji bo xebata çarenivîsa netewa me
Pêk bê demokrasî, jiyanekî hêja û dadperwerî 

                                                                                                     Encumena Bala a Siyasî û Berjewendiyê ya 
                                                                                                                Yekîtiya Niştimaniya Kurdistanê
                                                                                                                                    26-12-2019
Puknow
Metîn Mihemed

 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî