Peyama pirozbahiyê a Kosret Resûl Elî bi helkefta Cejna Newrozê

  2020-03-20 17:46      35 Car hatiye dîtin        Şîrove
Serokê Encumena Bilind a Siyasû Berjewendiyê ya YNKê Kosret Resûl Elî

Bi helkefta hatina Cejna Newrozê û sersala nû ya kurdî, pîrozbahiyê li xelkê Kurdistanê û Pêşmergeyê Qehreman û kesûkarên serbilind yên şehîdan dikim. Hêvîdarim, sala nû ya kurdî, sala pêkhatina xewnên gelê me, yekrîzî û yekgirtiyiya navbera aliyên siyasî be.
Sersala nû ya kurdî û Cejna Newrozê, hevdem ligel rizgarkirina Kerkûkê di bihara 1991ê de, ew roja ku şerefa rizgarkirina Kerkûkê bi me bexşî û me karî Kerkûka Kurdistanê ji jêr zulma Beas rizgar bikin. Evroj jî paş derbasbûna 29 salan bi ser azadkirina wê, em tekezî li ser kurdistanîbûna bajêr dikin û divê hikûmeta nû a İraqê bi praktîkî ji bo cîbicîkirina Maddeya 140 ya Destûra İraqê, pêngav biavêje. 
Kurdistaniyên xweşdivî...
Hatina sersala nû ya kurdî û Cejna Newrozê a îsal, hevdeme ligel rewşeke dijwar û nexwastî; ji aliyekî belavbûna şewba vîrusa korona û ew rewşa zehmet a aboriyê hêdi hêdî ber bi rûyê Herêma Kurdistan û İraqê ve tê, ji aliyê din ve pirsa pêkanîna hikûmeta nû a İraqê. Ev hemû pêwîstî bi yekrîzî û yekgirtiyî û yekgotariya Kurd heye û pêwîste em hemû di astê berpirsyariya rewşê de bin û berjewendiyên gelê me, bixin pêş berjewendiyên partiyî û kes an. Hevdem, erke li ser milê hikûmeta Herêma Kurdistanê, xwediyê programekî xurt be ji bo rûbirûbûna wan hemû krîzan ku bandorê li ser gelê me û berjewendiyên bilind yên gelê me dikin. 
Vê bîranîna pîroz bi derfet dizanim ku spas û pêzanînên xwe taybet pêşkêş bi bijîşk û karmendên tenduristî û tîmên tenduristî û hêzên polîs û asayîş bikim ku bi fedekariyek mezin erkên xwe cîbicî dikin. Hevdem, daxwaz dikim ku hevwelatî bi berdewamî xwe biparêzin ji bo dûrbin ji virusê û rêgirtin li belavbûna wê. 
Carekî din sersala nû a kurdî û Cejna Newrozê li we hemûyan pîroz be û dubare dikim ku xewna şehîdan û xebata bihurî ya gelê me, daxwaza parastina yekrîziya nêvbera aliyên siyasî û li paş xwe hiştina hevrikiyê dike. 
                                                                                 Serokê Encumena Bilind a Siyasî û Berjewendiyê ya
                                                                                          Yekîtiya Niştimaniya Kurdistanê (YNK)

 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî