Civata serkirdayetiya YNKê pirsên di rojevê de bi hûrgilî nirxand

  2020-05-10 23:04      75 Car hatiye dîtin        Şîrove
Civîna Parlementoya Kurdistanê, pêşhateyeke metirsîdare ji bo têkdana yekrîziya niştimanî û siyasî

Îro piştî nîvroj (10-05-2020), Encumena Serkirdayetiya Yekîitiya Niştimaniya Kurdistanê (YNK), bi amadebûna hevserokan, li bajarê Silêmaniyê, civiya. 
Di civînê de gotûbêj li ser rewşa siyasî a Kurdistan û İraqê, bi taybetî jiyan û debara dijwar ya hevmwelatiyên Kurdistanê û karûbarên organan hat kirin. 
Di derbarê pirsa Parlementoya Kurdistanê de nerîna Encumena Serkirdayetiyê ew bû ku civîna roja 08-05-2020ê  a Parlementoya Kurdistanê, bûyereke metirsîdare ji bo têkdana yekrîziya niştimanî û tebayiya siyasî ya navbera hêzên pêkhêner yên parlementoyê û proseya siyasî ya Kurdistanê jî xistiye jêr pirsyaran; beşdarîpêkirina kotaya pêkhateyan di pirsa pranî û kêmaniya demokrasiyê de ku ev valakirina naveroka mafê pêkhateyan e ji cewherê beşdariya demokrasî û nûneratiya rasteqîne di saziya kanûndanînê de ku baweriya xurt ya YNKê bi wan mafan heye û pêdagriyê li ser dike.
Di jêr ronahiya vê pêşkevtinê de Civata Serkirdayetiyê biryar da hevahengiyê û şêwiriyê ligel aliyên siyasî li ser helwestê hevbeş bike ji bo rêgirtin li cîhêkarî û takrewî û bikaranîna sazîyekî demokrasî û niştimanî wek parlementoyê ji bo berjewendiya bicûk ya hizbî.
Di beşekî din civînê de raporên; Tîma YNKê di hikûmeta Herêma Kurdistanê û wefda danûstanê ya hikûmeta Herêma Kurdistanê ligel Bexdadê de erênî hatin nirxandin. Herwiha, bi hûrgilî, gotûbêj li ser raporên herdu fraksiyonên YNKê li parlementoyên İraq û Kurdistanê û Mekteba Peywendiyan li ser peywendiyên kurdistanî û İraqî, hat kirin; Serkirdayetiya YNKê, şîret û rênîşanên pêwîst da bi wan ji bo erkên wan yên siberojê.
Di civînê de bi berfirehî, rewşa debar û jiyana zehmet a hemwelatiyên Kurdistanê bi taybetî di şertûmercên derengketine miaş de û encamên paş şewba koronayê û qonaxa karantînakirin ê hat nirxandin ku bargranî li ser jiyana miaşxwir û esnaf û bazirganên Kurdistanê durust kiriye.
Civata Serkirdayetiyê ligel destxweşîkirin li îdareyên xwecîhî yên bajaran û dezgehên peywendîdar û berxwedêriya hemwelatiyan û pabendbûna wan bi rêkarên xweparêziyê ku bûye sedema derbasbûnê heta astekî bilind ji metirsiyên êşa koronayê; tekez kir ku çîn û texên Kurdistanê hêjayê jiyanekî baştir in ku çend qatî berxwedêrî û pabendbûna wan be. 
Di beşekî din civînê de Civata Serkirdayetiyê bi grîngîyek mezin li ser pirsa “nenavendiya îdarî” helwestê ciddî nîşan da, wekî ku di rêkeftina siyasî a navbera YNKê û PDKê de ji bo pêkanîna kabîneya nehem û di karnameya Hikûmeta Herêma Kurdistanê jî de cîh digre û niha bûye xwastekî millî û giştî li seranserê Herêma Kurdistanê û pêwîste bilez biçe warê cîbicîkirin ê.
                                                                                                                         Civata Serkirdayetiya 
                                                                                                                 Yekîtiya Niştimaniya Kurdistanê 
                                                                                                                                  10 Gulan 2020

 

Puknow

Metîn Mihemed

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî