YNK rola mamosteyên Kurdistanê di pêşxistina civaka kurdewarî de granbuha dizane

  2020-05-15 16:59      44 Car hatiye dîtin        Şîrove
Serokatiya YNKê pîrozbahiyê li hemû mamosteyên Kurdistanê dike

Peyama Serokatiya Yekîtiya Niştimaniya Kurdistanê (YNK) bi helkefta 58’mîn salroja damezrandina Yekîtiya Mamosteyên Kurdistanê:
15’ê Gulanê rojeke pirşingdare di dîroka modern a Kurdistanê de, damezranidan Yekîtiya Mamosteyên Kurdistanê beriya 58 salan, nîşaneyeke erêniye ji bo tevgera zanistxwazî û pêşkevtina civaka kurdewarî. 
Em di vê rojê de rêza bêsînor li mamosteyan digrin û dengê xwe dixin cem dengên wan ji bo berevanîkirin li hemû maf û pêkanîna hemû pêdivîyên wan.
Mamosteyên Kurdistanê bi giştî û rêxistina wan ya têkoşer di hemû qonaxên dîrokî yên milletê me de rola sereke gerandine, herdem bi zanist û perwerdeyeke xebatkarane zarên Kurd pêşxistin e.
Em Yekîtiya Niştimaniya Kurdistanê (YNK), xwe bi piştevan û xemxwirê rasteqîne yê mamosteyan û perwerdekarên Kurdistanê dizanîn û dengê xwe dixin cem hemu daxwazên wan yên rewa; em di wê hizrê de ne ku pêwîste rola zêdetir bi mamosteyan bê dayîn û zêdetir xizmeta wan bê kirin, çunkî, bingeha hemû pêşkevtinekê li welêt, zaniste, zanist jî bi rêya mamosteyan ji bo neslan tê veguhestin.
Niha, ligel wan hemû krîzan û bandora wan li ser welatê me, perwerdekar rola sereke digerînin û di xema siberoja neviyên me de  kerta perwerdeyê bi hêz hiştine ku cîhê pesndayîn û pêzanînê ye.
Ligel ku di raboriyê jî de bi sedan mamosteyên têkoşer bi rêya zanist û xebatê ruhê xwe bi vê xakê bexşîne u rûbirû zindan û êşkence û sêdareyê bûne; paş Raperînê jî bi druşma “mamoste serbilindiya xwe ji bo miaş naçemîne” bi berdewamî li Kurdistanê bûne dînamoya sîstema perwerdeyê. Lê, niha ku rewş û serdem guheriye, divê hikûmet bi lez guh daxwazên rewa yên mamosteyan bigre û tev daxwazên wan yên şayisteyê cîbicî bike. 
Pîroz be bîranîna 58’mîn salroja damezrandina Yekîtiya Mamosteyên Kurdistanê.
                                                                                   Serokatiya Yekîitiya Niştimaniya Kurdistanê
                                                                                                            15 Gulan 2020
Puknow
Metîn Mihemed

 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî