ئەڵمانیا لەبەرهەمهێنانی دەرمانی دژی كۆرۆنا نزیك بۆتەوە

  2020-03-20 17:07      272 جار بینراوە        کۆمێنت

كۆمپانیای "كۆرفاك"ی ئەڵمانی ڕایگەیاند بەم نزیكانە چارەسەری كۆرۆنا بەرهەمدەهێنرێت.
بەڕێوەبەری كۆمپانیای"كۆرناك"ی ئەڵمانی بۆ وەبەرهێنانی دەرمان ڕایگەیاند كۆمپانیاكەیان نزیكبۆتەوە لەوادەی وەبەرهێنانی چارسەری كۆرۆناو بەڕێوەبەری ئەم كارگەیە ڕووی ڕاستەقینەی ئەو داواكاریەی ئاشكراكرد كە گوایە دۆنالد ترامپ داوای لێكردوون ئەو چارەسەرەیان پێ بفرۆشن.
 بەڕێوەبەری دامەزراوەی كۆرفاك بۆ توێژینەوەو وەبەرهێنانی دەرمان ئاشكرایكرد  كارگەكەیان  دوای وەرگرتنی ڕەزامەندی لەتوانایدایە سەدان ملیۆن دەرزی كوتان لەدژی ئەو ڤایرۆسە بەرهەم بێنێت وەك ئەو وتی ئەمەش لەسەر قەبارەی داواكاری لەسەر ئەو چارەسەرەو بەكارهێنانی بۆ تاكەكان وەستاوە.
دامەزراوەی زانستی توێژینەوەی نەخۆشییە ڤایرۆسیەكان "كۆرناك"ی ئەڵمانی بۆ وەبەرهەمهێنانی دەرمان ڕایگەیاند كۆمپانیاكەیان هەنگاوی گەورەیان ناوەو  بەباشی چۆتە پێشەوە لەگەشەپێدانی دەرزی كوتانی دژ بەڤایرۆسی كۆرۆنا.
"فریدریش یوهلن"ی بەڕێوەبەری ئەم دامەزراوەیە ڕونیكردەوەو وتی بەم زوانە دەست دەكەین بەتاقیكردنەوە لەسەر نەخۆشەكان و هەمانكات لەسەر ئاژەڵەكان و لەهاوینی داهاتووشدا دەست دەكەین بەتاقیكردنەوە لەسەر ئینسانەكان، بەڵام لەئێستادا دەبێ بەدیاریكراوی بزانین ئەو بڕەی كەپێویستە بۆ چارەسەری هەر كەسێك چەندە.
 بەڕێوەبەری ئەم دامەزراوەیە سەبارەت بە بەرهەمهێنانی ئەم دەرمانە وتی: كاتێ ڕەزامەندی لەسەر ئەو چارەسەرە ئەدرێت دەستبەجێ دەست ئەكەین بەبەرهەمهێنانی بەشێوەیەكی فراوان و دەتوانین ساڵانە ملیۆنەها بەرهەم بهێنین، وەك ئەو وتی ئەمەش متمانە دەكاتە سەر قەبارەی داواكاری لەسەر بەكارهێنانی بۆ هەر مرۆڤێك. بۆ نمونە ئەگەر هەر مرۆڤێك پێویستی بە مایكرۆگرامێك بێت ئەوسا دەتوانین  لەیەك كیلۆ گرامدا چارەسەر بۆ یەك ملیار كەس دابین بكەین، ئەگەر ئەم چارەسەرە لەیەك مایكرۆگرام دا وەك پێداویستی هەریەكێك بێت ئەوا دەتوانرێ داوای بەرهەمهێنانی لەو ڕێژەیە زیاتر بكرێت.
سەبارەت بەو دەنگۆیانەی كەباس لەوە دەكات سەرۆكی ئەمریكا داوای لە دامەزراوەكەیان كردبێ بۆ كڕینی ئەو چارەسەرە بەڕێوەبەری كۆمپانیاكە فریدریش یوهلن وتی كۆپانیاكەمان وەك كۆمپانیایەكی توێژینەوە لەڤایرۆس و وەبەرهێنان تاقە كۆمپانیایەك بوو  بۆچارەسەر كەلە كۆشكی سپی لەم مانگەدا لەگەڵ كۆمەڵێ كارگەی تری وەبەرهێنانی دەرماندا ئامادەبوو، دوای ئەو كۆبونەوەیە بڵاوبوەوە كە دۆناڵد ترامپ پێشنیاری كڕینی دامەزراوەی كۆرفاك یان كڕینی چارەسەرەكەی بەزۆر لەبەرژەوەندی ئەمریكا كردبێت ڕونیشیكردەوەو وتی ئەمەوێت پێتان بڵێم تائێستا داوایەكی لەوجۆرەمان لەلایەن حكومەتی ئەمریكیەوە لێنەكراوەو بەدوریشی نازانین بۆ داهاتوو یان هەر لایەكیتر داوایەكی لەو جۆرەمان لێ بكات.

شاری فرایبۆرگی ئەڵمانیا قەدەغەكردنی هاتوچۆی ڕاگەیاند

لەدوا ترین هەواڵەكانی ئەڵمانیا، شاری فرایبۆرگی ئەڵمانیا بڕیاریدا لەڕۆژی شەممە 21ی ئاداری 2020هاتوچۆ لەو شارەدا قەدەغەبكات و لەم بارەیەوە ڕێنمایی بۆ خەڵكی ئەو شارە بڵاوكرایەوەو هەربەیانیش حكومەتی ئەڵمانی پرسی قەدەغەكردنی سەرتاسەری لەئەڵمانیادا تاوو توێدەكات و ڕۆژی یەكشەممە ٢٢ی ئاداریش  ئەنگێلا مێركل ئەو پرسە لەگەڵ حكومەتی هەرێمەكان لەبەر ڕۆشنایی پەرەسەندنەكاندا یەكلایی دەكاتەوە.
شیهاب عوسمان- ئەڵمانیا:
لە دۆیچە ڤیللەوە

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو