ئیستادیۆم، بەسەرهاتی كوڕێكی گەنج

  2018-09-01 15:38      251 جار بینراوە        کۆمێنت
گرتەیەک لەفیلمەکە

فیلمی چیرۆكیی "ئیستادیۆم" لە دەرهێنانی كەیوان فەهیمی دەرهێنەری كورد و وانەبێژی ئەنجومەنی سینەمای لاوانی مەهاباد لە سی و یەكەمین خولی فێستیڤاڵی نێونەتەوەیی فیلمەكانی منداڵان و مێرمنداڵانی ئێران وەرگیرا.
بەپێی راپۆڕتی لێژنەی پەیوەندییەكان و راگەیاندنی سی و یەكەمین خولی فێستیڤاڵی نێونەتەوەیی فیلمەكانی منداڵان و مێرمنداڵانی ئێران، كورتە فیلمی چیرۆكیی "ئیستادیۆم" لە دەرهێنانی كەیوان فەهیمی و لە بەرهەمهێنانی سەمیرا مەرزبان، كەیوان فەهیمی و "شارۆ فیلم" لەگەڵ 10 كورتە فیلمی دیكە لە سی و یەكەمین خولی فێستیڤاڵی نێونەتەوەیی فیلمەكانی منداڵان و مێردمنداڵانی ئێران ركابەری دەكات.
 ئەم كورتە فیلمە بە ماوەی 15 خولەك بەسەرهاتی كوڕێكی مێرد منداڵ دەگێڕێتەوە كە بۆ رۆیشتنی بۆ ستادیۆمی یاریگای تۆپی پێ لەماشێنەكەی باوكیدا خۆی دەشارێتەوە، بەڵام باوكی ناچێت بۆ یاریگا و تووشی بەسەرهاتێكی دیكە دەبێت.
سی و یەكەمین خولی فیستیڤاڵی نێونەتەوەیی فیلمەكانی منداڵان و مێردمنداڵانی ئێران لە رۆژی 30ی مانگی ئابەوە دەستیپێكردووەو تا 5ی ئەم مانگە بەردەوام دەبێت و لە دوو بەشی نەتەوەیی و نێونەتەوەییدا لە شاری مێژوویی ئیسفەهان لە وڵاتی ئێران بەڕێوەدەچێت.
مەنووچێهر جیهانی 

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو