نەخۆشیەكانی رۆماتیزم: نیشانە،چارەسەر،خۆپاراستن

  2018-09-03 15:19      455 جار بینراوە        کۆمێنت
قەڵەوی و فشارێكی زۆر لەسەر جومگەكان هۆكارێكی تری توشببوونە بەنەخۆشی رۆماتیزم


نەخۆشیەكانی رۆماتیزم بریتین لەنەخۆشیەكانی ئەو سیستمەی كە لەش ئەجوڵێنن، واتا بریتیە لەنەخۆشی جومگەكان و هەندێ لەنەخۆشیەكانی ئێسكو ماسولكەكان، ئەم نەخۆشیە هەموو بەیەكەوە پێی ئەڵێن "نەخۆشی رۆماتیزم" هەروەختێ نەخۆشیەك توشی جومگە یان ماسولكە یان ئێسك بوو یان ئەو سیستمەی كە لەش ئەجوڵێنێت پێی ئەڵێن "نەخۆشی رۆماتیزمە".
 بەشێوەیەكی گشتی ئەم نەخۆشیە توشی جومگەكان دەبێت توشی بڕبڕەی پشت و بڕگەكانی مل و توشی بڕگەكانی ناوەڕاستی پشت دەبێت هەروەها هەموو جومگەكانی تر مەرج نیە تەنیا نەخۆشیەكە جومگەكان بیگرێت، ڕەنگە چاو دڵ جگەر گورچیلەش بیگرێت بەشی زۆری ئۆرگانەكانی لەش دەیگرێت، نەخۆشیەكانی رۆماتیزمە نەخۆشیەك نیە بەتەنیا تا هۆكارەكانی دیاربێت جۆرێكە لەنەخۆشیەك كە لەش هەندێ مادە دژی خۆی دروست دەكات وە ئەو دژ دروستكردنە مادەیەكە لەلەشدا بڵاودەبێتەوە دەبێتە هۆی گۆڕانكاری لەدەمارەكانی خوێن و ماسولكەكانداو نەخۆشیەكە پەیدادەبێت.

نیشانەكانی:
نەخۆشیەكانی رۆماتیزم هەندێكیان هەوكردنن و ئیلتیهابە هەندێكیان هۆیەكەی پێی دەوترێت داڕوخان ئەمە یەكێكە لەوجۆرەی كەپێی دەوترێت صوفان (سوان) هەندێكیش پەیوەندیان بەدەرونەوە هەیە واتا تەنها واهیمەیە ئەو جۆرەی كەلە هەموویان زیاتر باوە یان بڵاوە (صوفان)ە، سەوەفان زیاتر لەو كەسانەدا بەدیار دەكەوێت كە تەمەنیان لەسەرو (35 بۆ 40) ساڵدایە، بۆیە پێی ئەڵێن داڕوخان چونكە ئەو كارتیلیجەی كە سەری جومگەكەی داپۆشیوە وردە وردە نامێنێت دەخورێت یان دەڕوات كە ئەو مادەیە نەما ئێسقانەكە دەردەكەوێت جومگە بریتیە لەپێكهاتەی دوو ئێسك یان زیاتر ئەو مادەیە لەبەینیاندایە كارتیلیج لەبەر ئەوەی عەسەبی تیانیە بۆیە چەند بیجوڵێنیت هەست بەئازار ناكەیت كە ئەو مادەیە نەما ئێسكەكە لە ژێرەوە بەدیار دەكەوێت، كەواتە كە ئێسكەكە لەهەردوو لاوە دەركەوت لێك دەخشێت و ئازار پەیدادەكات، چونكە ئێسك عەسەبی زۆری تێدایە زۆر هەستیارە وە رەنگە وردە وردە بگاتە ئاستێك كە ئەو مادەیە نەمێنێت و بگاتە سەر ئێسك ئەو كاتە جومگەكە رەق دەبێت و دەئاوسێت، ئەم جۆرە داڕوخانە هەر توشی جومگەی ئەژنۆ نابێت بەتەنیا بەڵكو لەملداو لەخواری پشتو پەنجە گەورەدا ڕودەدات.

چارەسەر:
چارەسەری ئەم نەخۆشیە بەتەنیا چارەسەرێك نیە، چونكە تا ئێستا هیچ دەرمانێك نیە كە ئەو مادەیە (100%) دروست بكاتەوە، هەندێك هەوڵ یان هەندێك دەرمان هەیە كەگوایە نەك ناهێڵێت ئەو مادەیە داڕوخێت، بەڵكو دروستیشی دەكاتەوە هەندێك دەرزی ئامادەكراو هەیە ئارامی بەنەخۆشەكە دەبەخشێت، بەڵام هەمیشەیی نیە لەوانەیە نەخۆشەكە (5 بۆ 6) مانگ كەڵكی لێوەربگرێت بەڕێژەیەكی زۆر ئەمە ئەژنۆ دەگرێتەوە، چونكە ئەركێكی زۆری لەسەرەو هەموو لەشی مرۆڤەكە هەڵدەگرێت.

شێوازی خۆپاراستن:
ئێستا بۆمان دەركەوتووە كە جگەرەو كحول زۆر كاریگەرە بۆ توشبوون بەم نەخۆشیە، هەروەها قەڵەوی یان بەكارهێنانی زۆر و ئەركی زۆر لەسەر جومگەكە، بەڵام وەرزش زۆرپێویستە بۆ خۆپاراستن لەم نەخۆشیە، چونكە جومگەكە بەهێز دەبێت وە هەروەها كە هەستمان بەئازار كرد پێویستە سەردانی پزیشك بكرێت بۆ دڵنیابوون، چونكە رەنگە بەهۆیەوە توشی نەخۆشی تریش بین، بەڵام بیرمان نەچێت خۆپاراستن لەچارەسەر كردن باشترە.
 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو