تیروپشكی جامی جیهانی یانەكان ئەنجامدرا

  2018-09-04 13:58      187 جار بینراوە        کۆمێنت

تیروپشكی جامی جیهانی یانەكان بۆ ساڵی 2018 ئەنجامدراو بڕیارە یارییەكانیش لەمانگی 12ی ئەمساڵ لەئیمارات بەڕێوەبچێت.
ئەمڕۆ سێشەممە (4-9-2018)، یەكێتیی تۆپی پێی جیهانی (فیفا) بۆ ساڵی 2018  تیروپشكی جامی جیهانی یانەكانی ئەنجامدا، كە بڕیارە لە 12-12 ئەمساڵ لە ئیمارات بەڕێوەبچێت و یەكەم یاری جامەكەش لەنێوان هەردوو یانەی عەینی ئیماراتی و ویلنگتۆنی نیوزلەندیدا ئەنجام دەدرێت.
براوەی ئەو یارییەش لە یاری ژمارە دوو بەرامبەر پاڵەوانی ئەفریقا یاری دەكات كە دیاری نەكراوە، لەیاری سێیەم گوادالاگارای مەكسیكی بەرامبەر پاڵەوانی ئاسیا یاری دەكات، لەیاری ژمارە چواردا براوەی یارییەكانی پاڵەوانی ئەفریقا براوەی یانەی عەین و ویلنگتۆن لە قۆناغی پێش كۆتایی بەرامبەر پاڵەوانی لیپارتادۆرس (ئەمریكای باشوور) لە 18ی مانگ یاری دەكەن.
هەر بەپێی تیروپشكەكە یەكەم یاری یانەی ریاڵ مەدریدی ئیسپانی هەڵگری نازناوەكە و پاڵەوانی خولی یانە پاڵەوانەكانی ئەوروپا، لە 19ی هەمان مانگدا بەرامبەر براوەی یانەی گوادالاگارای مەكسیكی و پاڵەوانی ئاسیادا دەبێت.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو