بولگاریا... دۆزینەوەی كەشتییەك مێژووەكەی بۆ 2400 ساڵ لەمەوبەر دەگەڕێتەوە

  2018-10-24 10:59      764 جار بینراوە        کۆمێنت

لەدەریای رەش و لەنزیك كەناراوەكانی بولگاریا پاشماوەی كەشتییەكی بازرگانی یۆنانی دۆزراوەتەوە كەمێژووەكەی بۆ 2400 ساڵ لەمەوبەر دەگەڕێتەوە.
كەشتییەكە درێژییەكەی 23 مەترەو تیمێكی بولگاری بەناوی ئەنجلۆ دۆزیویانەتەوەو تیمەكە پاشماوەی ئەو كەشتییە بەكۆنترین كەشتی وەسفدەكەن كەتائێستا دۆزرابێتەو لەكاتی دۆزینەوەیدا تیمەكە تووشی سەرسوڕمان بوون كەئەو كەشتییە بازرگانییە دیزاینی یونانییە كۆنەكانی لەسەر بووە.
یەكێك لەئەندامانی تیمەكە بەناوی د.هێلین فار ئاماژە بەوەدەكات، دیزاینی كەشتییەكە دنیایەكی جیاوازەو لەكاتێكدا لەناو قووڵایی ئاوەكەدا ئەو كەشتییەمان بینی هەستمكرد دەمانگێڕێتەوە بۆ زەمەنی پێشوو.
هیلین دەشڵێت: بوونی ئەم كەشتییە بازرگانییەو مانەوەی بۆ ماوەیەكی دوورو درێژ لەقوڵایی دەریا بۆ كەمیی ئۆكسجین لەناو ئاوەكەدا دەگەڕێتەوە، لەبەرئەوەی كەشتییەكە نزیكەی 2 هەزار مەتر نقوومی دەریا بووەو دوور بووە لەدەستی دەریاوانەكانی ئێستاو ئەمەش وایكردووە كەشتییە لەقووڵایی دەریا پارێزراوبێت و راوچییەكان نەیانبینیوە.
بەپێی وێنەكانی سەر كەشتییەكە پێدەچێت لەلایەن نیگاركێشەكانی یۆنانەوە كێشرابێت و تائێستاش دیارنییە كەكەشتییەكە هەڵگری چی بووەو تیمەكە دەڵێن: دەبێت لێكۆڵینەوەی زیاتری لەبارەوە بكرێت و بگەڕێینەوە بۆ مێژووەكەی.
د.هێلین ئاشكرایدەكات، وەك زاناكانی شوێنەوارەكان گرنگە لێكۆڵینەوە لەبارەی ئەو كەشتییەوە بكەین و دەمانەوێت بزانین شێوازی تەكنۆلۆژیاو بازرگانیكردن لەو سەردەمەدا چۆن بووە. 
لەماوەی 3 ساڵدا توێژەران 67 كەشتی بازرگانی رۆمانییان دۆزیوەتەوە كەمێژووەكەیان بۆ سەدەی 17 دەگەڕێتەوە.
سەرچاوە: بی بی سی
وەرگێڕان و داڕشتنەوەی... رەنجدەر بەهادین

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو