رۆمانی سانتیاگۆ دی كۆمپۆستێلا-ی پیرباڵ چاپدەكرێتەوە

  2017-12-25 16:39      215 جار بینراوە        کۆمێنت

رۆمانی سانتیاگۆ دی كۆمپۆستێلا-ی نووسەر و رووناكبیر فەرهاد پیرباڵ جارێكی دیكەو بەدیزاینێكی نوێ چاپدەكرێتەوەو خاوەنی رۆمانەكەش رایدەگەیەنێت: رۆژی چوارشەمەی داهاتوو چاپی سێیەمی بڵاودەكرێتەوە.

فەرهاد پیرباڵ نووسەرو رووناكبیر رایگەیاند: رۆمانەكە بۆ یەكەمجار لە ساڵی 2002 لەلایەن دەزگای ئاراسەوە چاپكراوەو دواتر لەساڵی 2012 جارێكی دیكە لە سلێمانی چاپكرایەوەو رۆژی چوارشەممەی داهاتووش چاپی سێیەمی بڵاودەكرێتەوە كەماڵی وەفایی ئەركەكەی گرتووەتە ئەستۆ.

سانتیاگۆ دی كۆمپۆستێلا ناوی گوندێكە لەهەرێمی كەتەلۆنیای سەر بە ئیسپانیا، وەك فەرهاد پیرباڵ دەڵێت كچێكی دانیشتووی ئەو گوندە لەگەڵ كوڕێكی وێنەكێشی هەڵەبجەیی دەكەونە خۆشەویستی، بەڵام ناتوانن یەكدی بدۆزنەوە.

فەرهاد پیرباڵ، نووسەرو لێكۆڵەرو مامۆستای زانكۆ، ساڵی 1961 لەهەولێر لەدایكبووە. لەساڵی 1984 لەزانكۆی سلێمانی خوێندنی تەواوكردووە، هەمان ساڵ چووەتە ریزی یەكێتی نووسەرانی شاخەوە، هەر لەوێ یەكەمین كتێبی چاپ كردووە كە شانۆنامەیەكە بەناونیشانی "ماڵئاوایی وڵاتەكەم".

پیرباڵ لەبەر رەتكردنەوەی خزمەتی سەربازی بۆ رژێمی بەعس چووەتە ئێران، دوایی چووەتە ئەڵمانیاو دواتر دانیمارك، پاشان چووەتە فەرەنساو دوای تەواوكردنی دكتۆراكەی لەزانكۆی سۆربۆن، لەئۆكتۆبەری 1994 گەڕایەوە كوردستان.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو