بەڵگەی نوێ سەبارەت بە كەشتيی نوح: لە چیای ئاراراتی كوردستان گیرساوەتەوە

  2017-12-27 11:52      791 جار بینراوە        کۆمێنت

كۆمەڵێك لەشارەزایان چەند بەڵگەیەكی نوێیان دەستكەوتووە سەبارەت بە شوێنی گیرسانەوەی كەشتی نوح و كەچیای ئارارات لە باكووری كوردستانە.

لە ساڵی 2010 دا كۆمەڵێك لێكۆلەری مەسیحی هەواڵی دۆزینەوەی شوێنی كەشتییەكەیان بڵاوكردەوە لەسەر چیاكە بەڵام لێكۆڵینەوەكەیان بەهێندا وەرنەگیرا لە لایەن شارەزایانەوە بەهۆی نەبونی بەڵگەی راستەقینە، بەڵام لە ئێستادا كۆمەڵەی "ark hunter" لە ویلایەتی كالیفۆرنیای ئەمریكا رایگەیاند كەبەڵگەی نوێی هەیە سەبارەت بە شوێنی كەشتییەكە لەسەر چیای ئارارات.

زیاتر لە 100 لێكۆڵەری جیهانی كۆرێكی نێودەوڵەتییان ئەنجامدا كە 3 رۆژ بەردەوام بوو بۆ تاوتوێكردنی ئەو بەڵگانەی پەیوەندییان بە كەشتییەكەوە هەیە تا شوێنی راستەقینەی ئاشكرا بكەن .
راول ئیسبیرانت پرۆفیسۆر لە پەیمانگای لێكۆڵینەوەی زانستەكانی زەوی رایگەیاند كە  دەیەوێت سەردانی شوێنەكە بكات بۆ ئەوەی بەڵگەی دەست بكەوێت سەبارەت بەشوێنی ئەو كەشتییە، وتیشی: دۆزینەوەی هەنگاوێكی راستەو پێویستیی بە كاری زانستی زیاترە بۆ گەیشتن بە ئامانجەكان.

 پێشتریش كۆمەڵێك لێكۆڵەری چینی سەردانی ئەو شوێنەیان كردووەو چەند پارچە دارێكیان دۆزیوەتەوە كە لە شێوەی تابوتبووە.
چیای ئارارات بەرزترین لوتكەی  كوردستانی باكوورەو بەرزییەكی زیاترە لە 5100مەتر.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو