پۆلیسی سلێمانی: 40 كەس بەتۆمەتی دزیكردن دەستگیركراون

  2018-01-11 13:50      196 جار بینراوە        کۆمێنت
مەفرەزەكانی پۆلیس لەكاتی جێبەجێكردنی ئەركدا

لەماوەی 9 رۆژی سەرەتای ئەمساڵ و لە1/1/2018 تا 9/1 مەفرەزەكانی پۆلیسی سلێمانی تونیویانە بەهانای 103 هاووڵاتییەوە بچن و 40 تۆمەتباری دزیكردنیان دەستگیركردووە.
بەڕێوەبەرایەتی پۆلیسی سلێمانی رایگەیاند: لەچوارچێوەی ئەنجامدانی كارو چالاكییە بەردەوامەكانی بەڕێوەبەرایەتی پۆلیسی پارێزگای سلێمانی بەمەبەستی پاراستنی سەروماڵی هاوڵاتیان مەفرەزەكانی بەڕێوەبەرایەتی پۆلیسی پارێزگای سلێمانی توانیویانە بەهانای (۱۰۳) هاووڵاتییەوە بچن و دەست بەسەر (۳) چەكی بێ مۆڵەت بگرن و (٤۰) تۆمەتباری دزی دەست گیربكەن، دەشڵێت: ئامارەكە لەڕۆژی 1/1/2018 تا ڕۆژی 9/1/2018 تۆماركراوەو ئەو (۱۰۳) بەهاناوەچوونەو (۳) جۆری چەكەی دەستی بەسەردا گیراوە لەلایەن بەشی پۆلیسی فریاكەوتنی سلێمانی تۆمار كراوە كە بەشێوەیەكی بەردەوام مەفرەزەكانمان لەزۆر بەشی شەقام و شوێنە گشتییەكان بوونیان هەیەو ئەو (٤۰) تۆمەتبارە دزییە بەهۆی دزییە جۆراو جۆرەكانی دزی ماڵان و دزی مۆبایل و دزی لەناو دوكان و ماركێتەكان و دزی لەهەیكەلی تەواونەكراوی ماڵانداو بەفەرمانی دادوەرو لەلایەن هێزەكانی بەشی پۆلیسی نەهێشتنی تاوانی سلێمانی دەستگیركراون.
پۆلیسی سلێمانی ئاشكراشیكرد، بەمەبەستی زیاتر پاراستنی سەرومالیان داوا لەهاووڵاتیان دەكات لەكاتی بوونی هەر ڕووداوێكدا پەیوەندی بەژمارە نۆماڵی (۳۱۹۳۱٤۸) بەڕێوەبەرایەتی پۆلیسی سلێمانی بكەن یان پەیوەندی بەژمارەی (۱۰٤) بەشی پۆلیسی فریاكەوتنی سلێمانی بكەن یان بۆ هەر حاڵەتێكی دزیكردن پەیوەندی بەهێڵی گەرمی (۱۰٥) بەشی پۆلیسی نەهێشتنی تاوانی سلێمانی بكەن .

بابەتی زیاتر

كەش و هەوا 2018-04-24 11:08

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو