دادگای ئەڵمانیا جەخت لەسەر قەدەغەكردنی پۆلیسی شەریعە دەكاتەوە

  2018-01-12 18:40      261 جار بینراوە        کۆمێنت
پۆلیسی شەریعە

 رۆژنامەی" ڤێڵت 24"ی ئەڵمانی ئاشكرایكرد رۆژی پێنج شەممەی 11 كانونی دووەمی 2018 دادگای باڵای ئەڵمانیا بڕیاری بەر لەساڵێكی دادگای شاری ڤوبەرتاڵی ڕۆژئاوای ئەڵمانیای سەبارەت بەبێ گوناهی حەوت "پۆلیسی شەریعە"هەڵوەشاندەوە.
ئەو پێداچوونەوەیەی دادگای باڵا لەدوای ساڵێك هات كە دادگای ئەو شارە بێگوناهی ئەو حەوت كەسەی دەركردو بەپێی ئەو بڕیارەی دادگای ڤوبەرتاڵ ئەو حەوت كەسە ئازاد كران ئەو هێلەكە لەبەر بكەن كە لێی دەنوسرا "پۆلیسی شەریعە" و هۆشداریشیان دەدایە موسڵمانان كە بەڕێنماییەكانی قورئانەوە پەیوەست بن، كە ئەمەش پێچەوانەی دەستوری ئەڵمانیە.
ئەم گروپە لەئەیلولی 2014 دا بەو كارە هەستابوون بەپێی تێگەیشتنی دادگای باڵای ئەڵمانیا دادگای شاری ڤوبەرتاڵ لەبڕیارەكەی ڕۆژی21 ی تشرینی دووەمی 2016 دا توشی هەڵەبووەو بڕیارەكەیان كەموكوڕی و جیاوازی تێدایەو دۆسیەكەی گەڕاندەوە بۆ دادگای شارەكە.
جێی ئاماژە پێكردنە پۆلیسی شەریعە گروپێكی 11 كەسی بوون و شەوانە هەڵدەستان بەسوڕانەوە بەناو شەقامەكانی ڤوبەرتاڵداو هۆشداریان ئەدایە موسولمَانان كە نەچنە شوێنەكانی قوماركردن و شوێنی لەشفرۆشی و خۆیان بەدوورخەنەوە لەخواردنەوەی مادە كحولیەكان.
ئەم گروپە باگراوەندێكی سەلەفیان هەیەو لایەنگری سەلەفی ناسراوی زیندانیكراو"سەفین لاو"ن كەئێستا دۆسیەكەی بەتۆمەتی پشتگیری لەتیرۆرستانی بیانی لەبەردەم دادگای دوسلدۆرفدا لەبەردەم پێداچوونەوەدایە لەدوای ئەوەی كە دادگای دوسلدۆرف لەحوزەیرانی ڕابردودا پێنج ساڵ زیندانیكردنی بەسەردا سەپاند.
شایانی باسە بڕگەی (1) لەیاسای كۆمەڵەو رێكخراوەكانی ئەڵمانیا بەشی سێیەم هەموو پۆشینێك ڕەتدەەكاتەوە كەدەربری سیاسەتێكی ئاشكرای هاوبەش بێت یان لەكۆبوونەوە دابێ.
شیهاب عوسمان- ئەڵمانیا
 

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو