لیڤەرپوڵ، مانچستەری تووشی یەكەم شكست كرد

  2018-01-15 11:32      303 جار بینراوە        کۆمێنت
یاری نێوان لیڤەرپوڵ و مانچستەر

یانەی لیڤەرپوڵ، لەئەنجامێكی چاوەڕواننەكراوداو  لەوەرزی ئەمساڵی پریمەرلیگدا، یانەی مانچستەر ستی پێشەنگی تووشی یەكەم دۆڕان كرد.
لەیارییەكی پڕ لەگۆڵداو لەهەفتەی 23ی پریمەرلیگدا لەئانفێلد، یانەی لیڤەرپوڵی چوارەمی ریزبەندی پێشوازی لەیانەی مانچستەر ستی پێشەنگ كرد و بەئەنجامی چوار بەسێ لەبەرژەوەندی خۆی كۆتایی بەیارییەكە هێنا.
سەرەتا لەخولەكی 9ی یارریەكەدا لیڤەرپوڵ توانی تۆڕی بەرامبەر بهەژێنێت، بەڵام چەند خولەكێك بەر لەكۆتایی گێمی یەكەم مانچستەر توانیان ئەنجامی یاریەكە یەكسان بكەنەوە.
لەگێمی دووەمی یاریەكەشداو بەدیاریكراوی لەخولەكەكانی 59 و 62 و 68 دا لیڤەرپوڵ سێ گۆڵی دیكەی كرد، ئەگەرچی مانچستەر-یش دوو گۆڵی دیكەی لەو گێمە تۆمار كرد، بەڵام ئەنجامەكە وەك خۆی مایەوە و لیڤەرپوڵ بە چوار گۆڵ بەرامبەر بە سێ گۆڵ لە مانچیستەر سیتی بردەوە و یەكەم دۆڕانی ئەم وەرزەی دوو چاركرد.
بەو ئەنجامە لیڤەرپوڵ بە 47 خاڵ بۆ پلەی سێیەم سەركەوت و مانچستەر سیتیش بە 62 خاڵ لەپێشەنگی ریزبەندییەكەدا مایەوە.


بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو