مۆندیالی روسیا، داواكاری زیاتر بۆ سێ ملیۆن بلیت هەیە

  2018-01-16 13:32      275 جار بینراوە        کۆمێنت
مۆندیالی روسیا

یەكێتی نێودەوڵەتی تۆپی پێ (فیفا)، رایگەیاند كە بۆ قۆناغی دووەمی فرۆشتنی بلیت، زیاتر لەسێ ملیۆن داواكاری هەیە بۆ كڕینی بلیتی یارییەكانی مۆندیالی روسیا.
لەڕاگەیاندراوێكدا فیفا ئاماژەی بەوەكرد لەم قۆناغەدا كە لە5ی مانگی رابردووەوە دەستیپێكردوەو تا 31 ئەم مانگە بەردەوام دەبێت، تا ئێستا 3 ملیۆن و 141 هەزارو 163 داواكاری كڕینی بلیت هەیە، زۆرینەی داواكاریەكانیش بۆ كڕینی یاری دەستپێك و كۆتایی مۆندیالە، هەروەك بڕیاریشە بلیتی بەشێك لەكورسییەكانی یاریگا بەشێوەی تیرو پشك بفرۆشرێت.
فیفا راشیگەیاندووە كە بەشێكی زۆری بلیتەكانی دیكە بۆ یارییەكانی هەریەك لەهەڵبژاردەكانی ئەڵمانیا و ئەرجەنتین و مەكسیك و بەرازیل و پیرۆو كۆڵۆمبیاو ئەمریكاو ئیسپانیا و پۆڵەنداو چین داواكراوە.
یارییەكانی مۆندیالی 2018 كە بڕیارە لەڕوسیا بەڕێوەبچن، لە12 یاریگای 11 شارەوە دەكرێن لەوانە مۆسكۆ، پترسبۆرگ، لینینگراد، فۆلگۆگراد، قازان، ساماراو سوچی و چەند شارێكی دیكە.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو