ئەنجامدەرانی تەقینەوەکانی کەرکوک دەستگیرکران

  2019-06-15 12:59      288 جار بینراوە        کۆمێنت

راگەیاندنی ئەمنیی عێراق، دەستگیرکردنی ئەنجامدەرانی شەش تەقینەوەکەی کەرکوکی ئاشكراكرد.
شانەی راگەیاندنی ئەمنی لەڕاگەیەنراوێکدا ئاشکرایکردووە، لەسەر بنەمای زانیارییە ھەواڵگرییەکان و لەڕۆژی 3ی حوزەیران، ھێزە ئەمنییەکان دوو تۆمەتباری سەر بەگروپی تیرۆریستیی داعشیان دەستگیرکرد، کە بەرپرس بوون لەدانانی ئەو بۆمبانەی شەوی 30ی ئایاری رابردوو لەشەقامەکانی کەرکوک تەقینەوە.
روونیشیکردووەتەوە، تۆمەتباری یەکەم دانیشتووی ناحیەی ریازەو لەبەردەم دادوەری لێکۆڵینەوەدا دانی بەوەداناوە لەشەقامی قودس لەسەر رێگەی بەغدا بۆمبی داناوەو تۆمەتبارێکی تریشی لەگەڵدابووە، بەپێی دانپێدانانەکانیشی تۆمەتباری دووەم دەستگیرکراوە.
راشیگەیاندووە: تۆمەتبارەکان دانیان بەوەداناوە سەر بەگروپی تیرۆریستیی داعش بوون و لەساڵی 2014ەوە کاریان لەگەڵ کردووە.
شەوی 30 ئایاری رابردوو، شەش بۆمبی چێنراو لەکەرکوک تەقینەوەو بەھۆیانەوە 4 کەس گیانیان لەدەستداو 23ی دیكەش برینداربوون.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو