بەتۆمەتی دزیكردن كەسێك دەستگیر كرا

  2019-06-16 11:10      106 جار بینراوە        کۆمێنت
پاش تۆماركردنی چەند سكاڵایەكی هاووڵاتیان كە دزییان لێ كراوە كەسێك دەستگیر دەكرێت

بەڕێوەبەرایەتی پۆلیسی سلێمانی رایگەیاند: مەفرەزەكانی بنكەی پۆلیسی حەساری سەر بەبەشی پۆلیسی سەیدسادق تۆمەتبارێكیان دەستگیركرد كەچەندین تاوانی دزی ئەنجامداوە.
بەڕێوەبەرایەتی پۆلیسی پارێزگای سلێمانی لەڕاگەیەندراوێكدا كەوێنەیەكی دەست PUKnow كەوتووە ئاشكرایكرد، پاش تۆماركردنی چەند سكاڵایەك لەلایەن هاووڵاتیانەوە كە دزییان لێ كرابوو، بنكەی پۆلیسی حەسار لێكۆڵینەوەكانیان دەست پێكرد، بەسوود وەرگرتن لەكامێراكانی چاودێری و كۆكردنەوەی زانیاری ورد توانیان بكەری تاوانەكە دەستگیر بكەن.
لەڕاگەیەندراوەكەدا ئاماژە بەوەشكرا، تۆمەتبارەكە دانی ناوە بەتاوانەكەیدا كە نزیكەی 15 تاوانی دزینی پارەو ماتۆڕسكیلی هاووڵاتیانی ئەنجامداوە، لەئێستادا تۆمەتبارەكە بەپێی ماددەی 444 لەیاسای سزادانی عیراقی بەندەو لێكۆڵینەوە لەگەڵیدا بەردەوامە.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو