وەزیری رۆشنبیری: داخستنی ئەو كەناڵانە كارێكی یاسایی بوو

  2018-02-13 19:40      184 جار بینراوە        کۆمێنت
وەزیری رۆشنبیری

وەزیری رۆشنبیری و لاوانی حكومەتی هەرێمی كوردستان لەبارەی داخستنی كەناڵە ناوخۆییەكانەوە رایگەیاند: داخستنی ئەو كەناڵانە كارێكی یاسایی بوو، ئەو كەناڵانە چەندین ساڵە مۆڵەتەكانیان نوێ نەكردۆتەوەو هەر كەناڵێكیش مۆڵەتەكەی نوێبكاتەوە دەتوانێت دەستبكاتەوە بەپەخشی ئاسایی خۆی.
لەمیانی سەردانێكیدا بۆ چەمچەماڵ بەمەبەستی بەسەركردنەوەی دامو دەزگاكانی وەزارەت و گوێگرتن لەكێشەو كەموكوڕیەكانیان، لەكۆنگرەیەكی رۆژنامەنووسیدا، خالید دۆسكی وەزیری رۆشنبیری و لاوان ئاماژەی بەوەكرد كە ئامانجیانە كاروچالاكییەكانی سێكتەری وەزارەت لەسەنتەری پارێزگاكانەوە بگوازنەوە بۆ قەزاو ناحیەكان و ئاوڕی جدیان لێبدەنەوە.
لەبارەی داخستنی كەناڵە ناوخۆییەكانیش، وەزیری رۆشنبیری رایگەیاند: داخستنی ئەو كەناڵانە كارێكی یاسایی بوو، ئەو كەناڵانە چەندین ساڵە مۆڵەتەكانیان نوێ نەكردۆتەوەو هەر كەناڵێكیش مۆڵەتەكەی نوێبكاتەوە دەتوانێت دەستبكاتەوە بەپەخشی ئاسایی خۆی.
لەبارەی نمایشكردنی بەرنامەو دراما بیانییەكان و چاودێریكردنی كەناڵەكان لەلایەن وەزارەتەوە، خالید دۆسكی وتی: راگەیاندن لەهەرێمی كوردستان ئازادەو ئازادانە كارەكانیان دەكەن، وەكو وەزارەتیش سەرقاڵی چەند رێنماییەكین بۆ تیڤی و رادیۆكان و دراماكانیش بەشێك دەبن لەو رێنمایانە، تا بەشێوەیەكی جوانترو باشتر نمایش بكرێت.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو