نایمار بۆ بەرشە

  2019-07-01 15:32      778 جار بینراوە        کۆمێنت
ئەرشیف

ئەستێرەی هەڵبژاردەی بەڕازیل و یانەی پاریس سان جێرمانی فەرەنسا بەئیدارەی یانەكەی راگەیاندووە، ناگەڕێمەوە فەرەنساو لەبەرازیلەوە یەكسەر دەچمەوەو بۆ ئیسپانیا بۆ یاریكردن لەگەڵ بەرشەلۆنە.
ئەمڕۆ 1-7-2019، رۆژنامەكانی ئیسپانیا ئاشكرایانكردووە، نایمار بەئیدارەی پاریسی وتووە پەیوەندی بەئامادەکارییەکانی وەرزی نوێیوە ناکات و دەچمە بەرازیل و تا یەکلاییکردنەوەی داهاتووم ناگەڕێمەوە.
ئاشكراشیانكردووە، نایمار بەهاوڕێکانیشی راگەیاندووە، لەبەرازیلەوە راستەوخۆ دەچێتەوە بەرشەلۆنەو چاوەڕێی ئەنجامدانی گرێبەستەكەی دەكات و دەیەوێت بەشێوەیەکی ئاشتیانە پاریس جێبهێڵێت و نایەوێت بابەتەکە لەخۆی قورس بکات.
رۆژنامەكانی ئیسپانیا نووسیویانە: بەرشەلۆنە پێیوایە پێویستە ئەمجارە بەشێوەیەکی باشتر نایمار کۆنترۆڵ بكات، دەیەوێت بەشێک لەمووچەکەی نایمار پابەندبکات بەڕەفتاو ئاستییەوە، واتە بەشێک لەگۆڕانکارییەکانی مووچەی ساڵانەکەی بەندە بەڕەفتار باش و ئاست بەرزییەوە، ئەگەر ئەو دووانەی خراپ بوون ئەوا مووچەی ئەو ساڵەی کەمتر دەبێت.
ئاماژەیان بەوەش داوە، لەئێستا پاریس داوای 222 ملیۆن یۆرۆ دەکات، یاخود 120 ملیۆن یۆرۆ لەگەڵ دوو یاریزان كە مەرجە یەکێك لەو دوو یاریزانە ئۆمتیتی یان دیمبلی یان راکیتیچ بێت.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو