عیراق و ئەوروپا لەسەر دادگاییكردنی 800 داعشی بیانی لەگفتوگۆدان

  2019-08-19 18:06      104 جار بینراوە        کۆمێنت
دەستگیركردنی چەكدارانی داعش لەلایەن هەسەدەوە

حكومەتی عیراق رەزامەندی دەربڕیوە لەسەر دادگاییكردن و رادەستكردنی 800 داعشی دەستگیراوی بیانی و گفتوگۆكانیش لەمبارەیەوە لەگەڵ وڵاتانی ئەوروپا بەردەوامن.
سەرچاوەیەكی بەرپرس لەحكومەتی عیراق رایگەیاند عیراق گفتوگۆكانی لەگەڵ ژماریەك لەوڵاتانی ئەوروپا دەستپێكردووە لەوانە ئەڵمانیاو بەرتیانیاو فەرەنسا بۆ یەكلاییكردنەوەی ئەو دەستگیراوەنەی داعش كە لەرەگەزی بیانین و ئێستا نزیك لەسنوورەكانی عیراق لەلایەن هێزەكانی سووریای دیموكرات (هەسەدە) دەستبەسەرن، ئەمەش نیگەرانی درووستكردەوە لەسەر مانەوەی ئەو داعشە دەستبەسەركراوانە لەسەر سنوورەكان و مانەوەیان بەبێ دادگاییكردن و پتەكردنی زیندانییەكان.
ئەو سەرچاوەیە باسی لەوەشكردووە كە ژمارەیەك لەوڵاتانی ئەوروپا گفتوگۆكانیان لەگەڵ عیراق بەردەوامە لەبارەی ئەو هاوڵاتیانەی كە داعش بوون و ئێستا لەلایەن هەسەدەوە دەستبەسەرن، بەئامانجی رەزامەندی دەربڕینی عیراق لەسەر رادەستكردن و دادگایكردنیان لەلایەن عیراقەوە لەچوارچێوەی یاساكانی بەرەنگاربوونەوەی تیرۆر.
ئەوەشی خستۆتەڕوو كە داعشەكان ژمارەیان 800 تیرۆریست دەبێت و رەگەزنامەی بەریتانیاو فەرەنساو ئەڵمانیاو كەنەداو سویدین، بەڵام زۆرینەیان لەبنەرەتدا عەرەبن.
ئەو دەستبەسەرانە بەسەر 7 سەربازگەی پێشووتری سوپای سووریادا دابەشبوون و لەزیندانێكی تۆكمەدا نین و تیرۆریستی مەترسیداریشیان تیایە.
 

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

نرخی دراوەکان

# دراو نرخ بە د.ع
1 $100 120,500
2 €100 133000
3 £100 145,000
4 100 لیرەی توركی 21,750
5 100,000 تمەن 10,000
6 به‌رمیلێك نه‌وتی‌ خاوی‌ برینت 61.22
7 به‌رمیلێك نه‌وتی‌ خاوی‌ خۆرئاوی‌ تیكساس 55.21

کەشو هەوا

زۆرترین سەردانکراو