حاكم قادر: كۆنگرەی نوێبوونەوە دەبەستین

  2019-08-19 18:57      278 جار بینراوە        کۆمێنت
کۆبوونەوەی حاكم قادر حەمەجان لەگەڵ سكرتاریەتی كۆمەڵەی پێشمەرگە كەمئەندامەكانی سەنگەر

سەركەوتنی كۆنگرەی یەكێتی، بۆ نوێبوونەوەی یەكێتی ئەركێكی هەڤاڵانەی یەكێتییە بەئەمەكەكانە، گەشەكردنی یەكێتی بەدیهێنەری ئامانجە ڕەواكان و سەركەوتنی یەكێتی، سەركەوتنی پرسی سیاسی گەلەكەمانە.
ئەو وتانەی حاكم قادرحەمەجان ئەندامی دەستەی كارگێڕی مەكتەبی سیاسی یەكێتی نیشتمانی كوردستان، لەسەرپەرشتیكردنی ئەو كۆبونەوەیەوە هات كە پێشنیوەڕِۆی ئەمڕۆ ١٩-٨-٢٠١٩ لەگەڵ سكرتاریەتی كۆمەڵەی پێشمەرگە كەمئەندامەكانی سەنگەر بەڕێوەیبرد.
 لەپاش خستنەڕووی دواپێشهاتە سیاسییەكانی عێراق و ناوخۆی هەرێم بەگشتی، دواهەنگاوەكانی ڕێكخستنەوەی نێو ماڵی گەورەی یەكێتی و لەسەر پرسی بەستنی كۆنگرە وتی: یەكێتی لەقۆناغی سەختی شاخدا بەخوێنی ئاڵوگەشی شەهیدە نەمرەكانی و ئازایەتی و قارەمانێتی پێشمەرگەو كۆڵنەدانی كەمئەندامانی سەنگەر كە بەخۆبەختكردن و لەدەستدانی بەشێكی جەستەیان گەلەكەمانیان ڕووەو لوتكەی ئازادی و ڕزگاری هەڵكشاند، لەئێستاشدا لەگەڵ هەموو سەروەرییەكانیدا، یەكێتی هەروەك سەرجەم هێزو لایەنەكانی دیكەی سەرگۆڕەپانی سیاسی هەرێمی كوردستان شایستەی ڕەخنەگرتن و چاكسازییەو پێویستە بەیەكێتی ناو یەكێتی و یەكدەنگی یەكێتییەكان و بەپاراستنی بەرژەوەندییە باڵاكانی یەكێتی و بەوەلانانی گرفتە لاوەكییەكان و دووركەوتنەوە لەدیاردەی وەلانان و دوورخستنەوەی هەڤاڵە تێكۆشەرو دڵسۆزەكانی و پابەندبوون بەپرەنسیپ و گەڕانەوە بۆ سەرەتاكانی، یەكێتییەكەمان بەرەو كۆنگرەیەكی سەركەوتوو ئاڕاستە بكەین.
لەبەشێكی تری كۆبوونەوەكەدا سەبارەت بەبڕیارەكانی لیژنەی پشكنینی پزیشكی بۆ دیاریكردنی ڕێژەی كەمئەندامی كەمئەندامان بەتایبەت تێكۆشەرانی كەمئەندامانی سەنگەر گفتوگۆكراو داوا لەپەرلەمانی كوردستان و كابینەی نوێی حكومەتی هەرێمی كوردستان كرا چاو بە ڕێژەی كەمئەندامی كەمئەنداماندا بخشێنرێتەوە بەجۆرێك كە لەگەڵ بژێوییاندا گونجاوبێت.
شوان كەریم

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو