پێكان یەخەی یانە پاریسیەكەی گرتووە

  2018-02-26 16:08      255 جار بینراوە        کۆمێنت
ئەرشیف.. یاری نێوان ریاڵ و سانجێرمان

لەیارییەكەی دوێنی شەوی یانە پاریسیەكە بەرامبەر بەیانەی مارسیلیا، نەیمار داسیلڤاو ماركینیۆس تووشی پێكان هاتوون و بەرگریكارێكی یانەكەش دەڵێت: ریاڵ مەدرید دوور دەخەینەوە. 
تۆماس مونیر، بەرگریكاری یانەی پاریس سانجێرمان لە لێدوانێكدا كە لەپێگەی ئاسی ئیسپانیا بڵاو بۆتەوە، دەڵێت: بڕوای تەواومان بەخۆمان هەیە كە دەتوانین بەربەستی ریال مەدرید تێپەڕێنین و بگەینە قۆناخی داهاتووی چامپیۆنزلیگ.
مونیر وتیشی: ئێمە متمانەی تەواومان بە هێز و توانای خۆمان هەیەو لە ئێستاوە هەموو جیهان ئاگادار دەكەینەوە كە دەتوانین ریال مەدرید دوور بخەینەوە.
ئەمە لەكاتێكدایە كە پێگەی بێرنابیۆ بڵاویكردۆتەوە لەیارییەكەی دوێنێ شەوی یانەكە بەرامبەر بە مارسیلیا، ماركینیۆسی بەرازیلی و بەرگریكاری یانەی پاریس سان جێرمان تووشی پێكان هات و ئەگەر زۆرە نەتوانێت پەیوەندی بەیارییەكەی ریاڵ مەدریدەوە بكات.
هەر لەهەمان یاری شەوی رابردوودا نەیمار داسیلڤای ئەستێرەی یانەی پاریس سان جێرمان دووچاری پێكانێكی قورس هاتوو ئەگەر زۆرە ئەو یاریزانەش نەتوانێت بەرامبەر ریاڵ مەدرید یاریی بكات. 
لە یاری چووندا یانەی شاهانە بە (3 - 1) سەركەوتنی بەدەستهێناو بڕیارە رۆژی 6ـی مانگی داهاتوو لە یاریگەی باخچەی شازادەكان لەپاریس، لەیاری گەڕانەوەدا ریال مەدرید ببێتە میوانی پاریس سانجێرمان. 

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو