ئه‌مریكا نوسینگه‌ی په‌ره‌پێدانی نێوده‌وڵه‌تی له‌ هه‌رێم ده‌كاته‌وه‌

  2018-03-12 13:03      235 جار بینراوە        کۆمێنت
باڵوێزخانه‌ی ئه‌مریكا نوسینگه‌ی په‌ره‌پێدانی نێوده‌وڵه‌تی له‌ هه‌رێمی كوردستان ده‌كاته‌وه‌

باڵوێزخانه‌ی ئه‌مریكا نوسینگه‌ی په‌ره‌پێدانی نێوده‌وڵه‌تی له‌ هه‌رێمی كوردستان ده‌كاته‌وه‌.

جێگری سه‌رۆكی حكومه‌تی هه‌رێمی كوردستان و به‌ڕێوه‌به‌ری ئاژانسی ئه‌مریكا كۆنگرەیەكی رۆژنامەنووسییان رێكخست‌و تێیدا ئەوەخرایەڕوو: كردنه‌وه‌ی نوسینگه‌ی په‌ره‌پێدانی نێوده‌وڵه‌تی له‌ هه‌رێم كارێكی هاوبه‌شی نێوان هه‌رێمی كوردستان ئه‌مریكایه‌ و به‌مه‌ش پشتیوانی ئه‌مریكا بۆ هه‌رێم ده‌سه‌لمێنرێت و ئه‌مریكا پاڵپشتی هه‌رێم ده‌كات.

وتیشی: ئه‌و چاكسازیانه‌ی حكومه‌تی هه‌رێم به‌ نیازه‌ بیانكات چاكسازی ریشه‌ین و ته‌نها قسه‌ نین.

هاوكات ویلیام پیته‌رسن به‌ڕێوه‌به‌ری ئاژانسی ئه‌مریكا رایگه‌یاند: ئه‌م پرۆژه‌یه‌ له‌سه‌رتاسه‌ری عیراق جێبه‌جێ ده‌كرێت و پرۆژه‌كه‌ گۆڕانكاری له‌ ژیانی هاووڵاتیان و ئاستی خزمه‌تگوزاری ده‌كات و خولی به‌رزكردنه‌وه‌ی تواناكان بۆ باشكردنی ئیداریی و دارایی.

وتیشی: ئێمه‌ هه‌وڵ ده‌ده‌ین پرۆژه‌كه‌ گه‌وره‌ بكه‌ین و زیاتر گرنگی به‌و ناوچانه‌ ده‌ده‌ین كه‌ پێویستیان به‌ هاوكاریه‌ و نیشته‌جێبوون تێیاندا ناسه‌قامگیره‌.

دواتر دۆگلاس سیلیمان باڵوێزی ئه‌مریكا له‌ عیراق وتی: ئه‌م پرۆژه‌یه‌ له‌ زۆر بواردا هاوكاری حكومه‌تی هه‌رێم ده‌كات و تایبه‌ته‌ به‌ په‌ره‌پێدانی كه‌رتی ئابوری.

وتیشی: ئێمه‌ پشتیوانی حكومه‌ت و هاووڵاتیانی هه‌رێم ده‌كه‌ین.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو