هێرشكرایەسەر چەند مزگەوتێكی تورکەکانی ئەڵمانیا

  2018-03-12 20:12      608 جار بینراوە        کۆمێنت
هێرشكرایەسەر چەند مزگەوتێكی تورکەکانی ئەلمانیا

لەچەند رۆژی رابردودا ژمارەیەك لەمزگەوتە تورکەکانی ئەڵمانیا کراونەتە ئامانج ولەچەند شارێک ئەو مزگەوتانە وکۆمەڵەی دۆستایەتی ئەڵمانی تورکی و بازارێکی تورک کەوتونەتە بەر هێرش و سوتاندن.

وەزارەتی ناوخۆ ئەڵمانیاش جەخت لەگرتنەبەری ڕێوشوێنی پێویست دەکاتەوەو تورکیاش توڕە‌و نیگەرانەو داوا لەئەڵمانیا دەکات ئەوانەی لەپشت ئەو کارەوەن بیاندۆزێتەوەو دەستگیریان بکەن و سزایان بدەن داواشیان کردوە سەلامەتی ئەو مزگەوتانە بپارێزن.

تورکیا وێڕای نیگەرانی لەو هێرشانە پەنجەی تۆمەت بۆ نەیارانی ئیسلام وکۆمەڵە ڕەگەزپەرستە توندڕەوەکان دژ بە ئیسلام وپارتی کرێکارای کوردستان ڕادەکێشێت لەڕاگەیاندنی وەزارەتی دەرەوەی تورکیادا هاتووە پارتی کریکارانی کوردستان بەرپرسیارێتی خۆی لەسوتاندی بەئەنقەستی مزگەوتی"لاوفن" لەهەرێمی بادن فۆرتمبێرگ ڕاگەیاندوە، بەلام میدیاکانی ئەڵمانیا پێیانوایە ئەو هەواڵە نە لەپێگەی پارتی کرێکارانی کوردستاندا و نە لەئاژانسی هەواڵی "فورات"دا  کەنزیکە لەو حزبەوە بڵاو نەبۆتەوەو پشتڕاست نەکراوەتەوە، تەنیا ئەوە نەبێت کەپێگەی "نوچەی جەوانی کورد" نوسیویەتی ئەو پەلامارە پەیوەندی بەهێرشی دوژمنکارانەو سەرپێچیکردنی تورکیایە بەرامبەر بەیاسای نیودەوڵەتی کەئیستا زۆر دڕندانە لەدژی عفرین دەستیپێکردوە ئەوەیان نوسیوە هەموو ڕێوشوێنێک دەگرینەبەرو دەبێت ئەوروپاش بزانن ڕێگە نادەین عفرین بکەوێت.

لەچەند ڕۆژی ڕابردودا 3 مزگەوت و کۆمەڵەی دۆستایەتی ئەڵمانی تورکی و بازارێکی تورکی کەوتنە بەر پلامار و بەمۆلۆتۆف سوتیندراون، ئەو مزگەوت ویانەو ڕێکخراوو بازاڕانەش کەپەلاماردراون لەهەرێمی نۆردڕاین ڤێستڤاڵن و بەرلین و بادن فۆتمبێرگ و شلیسفیگ هولشتاین بووە،بەرپرسانی ئەڵمانیش لەهەردو حزبی یەکێتی کریستیان دیموکرات وسۆسیال دیموکراتەکان ڕایانگەیاند ئەوان رێگە نادەن ململانێکان بگوازرێتەوە بۆ ناو ئەڵمانیا.

لەلایەکی ترەوە پۆلیسی ئەڵمانیا رایگەیاند 3 کەس بەگومانی ئەنجامدانی ئەو کارە دەستگیرکراون و ئێستا دۆسیەی لێکۆڵینەوەیان بۆ کراوەتەوە.

بەپێی ڕاپۆرتێکی وەزارەتی ناوخۆی ئەڵمانیا لە  2017 دا موسوڵمانان و مزگەوت و دامەزراوەکانیان 950 هێرشیان کراوەتەسەرو ٣٣ کەسیش لەو هێرشانەدا بریندار بوون.

ئامادەكردنی: شیهاب عوسمان- ئەڵمانیا:
سەرچاوە: میدیاکانی ئەڵمانیا
 
 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو