سبەی ئەنجامی تاقیكردنەوەی خولەكانی توانستی زمانی ئینگلیزی ڕادەگەیەنرێت

  2019-11-18 19:35      104 جار بینراوە        کۆمێنت

وەزارەتی خوێندنی باڵا و توێژینەوەی زانستی ئەنجامی تاقیكردنەوەی خولەكانی توانستی زمانی ئینگلیزی لە زانكۆكانی هەرێمی كوردستان بۆ كاندیدان و خوازیارانی بەدەستهێنانی نازناوی زانستی ڕادەگەیەنێت.
د. محمد حوسێن سەرۆكی لێژنەی تایبەت بە پێداچوونەوە بە مەرج و ڕێنماییەكانی زمانی ئینگلیزی و ڕێكخستنەوەی كارو چالاكیەكانی سەنتەرەكانی زمان لە وەزارەتی خوێندنی باڵا و توێژینەوەی زانستی لە لێدوانێكدا ڕاگەیاند: سبەی سێشەممە ڕێكەوتی 19-11-2019 ئەنجامی تاقیكردنەوەكانی خولەكانی توانستی زمانی ئینگلیزی لە سەنتەرەكانی زمانی  زانكۆكانی هەرێمی كوردستان بۆ كاندیدان و خوازیارانی بەدەستهێنانی نازناوی زانستی لەلایەن سەنتەرەكانەوە ڕادەگەیەنرێت، كە لە ڕێكەوتی (9تا14)ی نۆڤێمبەری 2019 تاقیكردنەوەی بەشداربوان بۆ سەرجەم ئاستەكان بەڕێوەچوبوو.
سەرۆكی لێژنەی تایبەت بە پێداچوونەوە بە مەرج و ڕێنماییەكانی زمانی ئینگلیزی و ڕێكخستنەوەی كارو چالاكیەكانی سەنتەرەكانی زمان جەخت لەسەر ئەوە دەكاتەوە، كە كاندیدان و خوازیاران دەتوانن سەردانی سەنتەرەكان یان وێب سایتی سەنتەرەكانی زمان و وێب سایتی زانكۆكان بكەن بۆ وەرگرتنەوەی ئەنجامەكانیان. هەروەك وتیشی لە دوای دەرچونی ئەنجامەكان بۆ ماوەی 48 سەعات كاندیدان و خوازیاران دەرفەتیان لە پێشە بۆ پەلپ گرتن لە ئەنجامەكانیان تاكو كۆتایی دەوامی فەرمی ڕۆژی پێنجشەممە ڕێكەوتی 21-11-2019.
د. محمد حوسێن ڕاشیگەیاند لە داهاتویەكی نزیكدا خولی نوێی ئاستەكانی توانستی زمانی ئینگلیزی بەسیستمێكی تازە لەسەرجەم سەنتەرەكانی زمانی زانكۆكان دەستپێدەكاتەوە.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو