ئەندۆمی خواردنێكی زیان بەخشە

  2019-11-25 09:50      118 جار بینراوە        کۆمێنت

توێژینەوەیەكی پزیشكانی نەخۆشخانەی ماساچیوستس كە لەسەر كاریگەرییەكانی خواردنی ئەندۆمی كراوە، دەریخستووە، لە نێو ئەندۆمیدا هیچ رەگەزێكی خۆراكی گرنگ نییەو بە پێچەوانەوە دەوڵەمەندە بە سۆدیۆم و ماددە پارێزەرە زیانبەخشەكان.
د. برادێن كو، پسپۆڕی هەناو و سەرپەرشتیاری توێژینەوەكەی نەخۆشخانەی ماساچیوستس دەڵێت: پرۆسەی هەرسكردنی ئەندۆمی هێواشە، نزیكەی دوو بۆ چوار كاژێر دەخایەنێت، هەر ئەمەش دەبێتەهۆی زیانگەیاندن بە كۆئەندامی هەرس.
پزیشكە پسپۆڕەكەی هەناو روونیدەكاتەوە بەهۆی ئەوەی ئەندۆمی كاتێكی زۆرتر لە نێو كۆئەندامی هەرسدا دەمێنێتەوە، ماددە كیمیاییەكانی نێوی دەچنە نێو خوێن بەتایبەت هەردوو ماددەی (BHA)  و (TBHQ)، ئەم ماددانەش هۆكارن بۆ دروستبوونی شێرپەنجە.
لە توێژینەوەكاندا زیانەكانی خواردنی ئەندۆمی خراونەتەڕوو گرنگترینیان بریتین لە:
•مەترسیی تووشبوون بە نەخۆشییەكانی دڵ. 
•بەرزەپەستانی خوێن و سستبوونی گورچیلە.
•قەڵەوبوون و تووشبوون بە شەكرە.
•لەبارچوونی كۆرپە.
•سەرئێشە.
•تێكدانی هاوسەنگی هۆڕمۆنەكان.
پزیشكانی پسپۆڕی خۆراك رێنمایی دەدەن خەڵكی بەگشتی و منداڵان بە تایبەتی لە خواردنی ئەندۆمی دووربن، چونكە وەك لە توێژینەوەكاندا هاتووە جگە لە زیان هیچ سوودێكی ئەوتۆی لەسەر جەستە نییە.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو