دادگای سودان عومەر بەشیری سزادا

  2019-12-14 16:57      225 جار بینراوە        کۆمێنت

دادگای تونس سزای دوو ساڵ زیندانیی بەسەر عومەر بەشیر، سەرۆکی لەکارلابراوی سوودان سەپاندو ناوبراو ماوەی زیندانییەكەی لەبەندیخانەی چاکسازی بەسەردەبات.
 
ئەمڕۆ شەممە 14-12-2019، دادگاییكردنی سەرۆكی پێشووی سودان ئەنجامدراو دادگا عومەر بەشیری بەدوو ساڵ زیندانیكردن بەتۆمەتی گەندەڵیی دارایی سزداو بەپێی بڕیارەكەی دادگا دەستبەسەر ماڵ و موڵکەکانیدا دەگیرێت.
 
عومەر بەشیری تەمەن 75 ساڵ لەلایەن دادگای تاوانی نێودەوڵەتییەوە داواکراوە بەهۆی تاوانی جەنگ و جینۆساید لەکێشەی دارفور.
 
سزاکەی سەرۆکی لەکارلادراوی سوودان دوای ساڵێک لەسەرەتای دەستپێکردنی خۆپیشاندانەکانی سوودان دژی فەرمانڕەوایی 30 ساڵەکەی دێت کە لەوکاتەدا ئەمریکا سوودانی خستە نێو لیستی ئەوانەی سپۆنسەری تیرۆر دەکەن. بەهۆی سزاکانی ئەمریکاو خراپیی بەڕێوەبردنیش ئابووری وڵاتەکە بەتەواوی داڕووخا 
 
دوای چەندین مانگ خۆپیشاندانی بەردەوام لەسوودان لەدژی حکومەتی بەشیر، رۆژی پێنجشەممە (11-4-2019) فەریقی یەک عەوز بن عەوف، وەزیری بەرگری و جێگری سەرۆکی سوودان کۆتایی دەسەڵاتداریی 30 ساڵەی عومەر بەشیرو دەستبەسەرکردنی راگەیاند.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو