بافڵ تاڵەبانی‌و قوباد تاڵەبانی تەئکیدیان لە پەرەپێدانی پەیوەندییەکانی ھەرێم‌و بریتانیا کردەوە

  2019-12-18 19:56      158 جار بینراوە        کۆمێنت
لایه‌نێك له‌ دیداره‌كه‌

بافڵ تاڵەبانی و قوباد تاڵەبانی لە دەباشان چاویانکەوت بە ستیف ھیکی باڵیۆزی نوێی بریتانیا لە عێراق و جەیمس سۆرنتن کونسوڵی گشتی بریتانیا لەھەرێمی کوردستان. 
لە دیدارێکدا وێڕای پیرۆزبایی لە  ستیف ھیکی ، بەبۆنەی دەستبەکاربوونی  وەک باڵیۆزی نوێی بریتانیا لەھەرێم ، ھیوای سەرکەوتنیان بۆ خواست و پشتیوانی و ھاوکاری یەکێتییان   ، بۆ سەرخستنی کارەکانی دووپاتکردەوە.
بافڵ تاڵەبانی و قوباد تاڵەبانی تەئکیدیان  لە پێویستی پەرەپێدانی پەیوەندییەکانی نێوان ھەرێمی کوردستان و بریتانیا  کردەوە لە بوارە جیاجیاکاندا، بە جۆرێک کە خزمەت بە بەرژەوەندییە ھاوبەشەکانی ھەردوو لا بکات.
ھەر لەدیدارەکەدا دواپەرەسەندنە سیاسی و ئەمنی و ئابوورییەکانی ھەرێم و عێراق و ناوچەکە بەوردی گفتوگۆیان لەبارەوەکرا.
لەبەرامبەردا وەفدی میوان ھیوایان خواست یەکێتیی کۆنگرەیەکی  سەرکەوتوو ببەستێت و بە گرنگیشەوە ئاماژەیان بەڕۆڵی یەکێتیی کرد لە ناوچەکە دا.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو