زێدان كریستیانۆ رۆناڵدۆ دووردەخاتەوە

  2018-03-23 14:15      443 جار بینراوە        کۆمێنت

دوای پێشكەشكردنی ئاستە بەرزەكانی ئەم دواییەی ئەستێرە پرتوگالییەكەو بەرزكردنەوەی ژمارەی گۆڵەكانی لەلالیگاو گەڕانەوە بۆ كێبڕكێی گۆڵكارانی خولەكە، ڕۆژنامەی ماركا ھەواڵێكی سەیری لەبارەی كریستیانۆ رۆناڵدۆی ئەستێرە پورتوگالییەكە بڵاوكردەوەو ئاماژە بەوە دەكات، زێدانی راهێنەری یانە سپییەكە رۆناڵدۆ بۆ یارییەكەی لاس پاڵماس بانگهێشت ناكات.
ڕۆژنامەی ماركای مەدریدی رایگەیاند: كرستیانۆ ڕۆناڵدۆ بۆ یاری داھاتووی ڕیال مەدرید بەرامبەر لاس پاڵماس ئامادە نابێت و زێدان بانگھێشتی ناكات، دەشڵێت: ئەمەش بەڕێككەوتنی نێوان زێدان و ڕۆناڵدۆ بڕیاری لەسەر دراوەو زێدان بەڕۆناڵدۆی وتووە گۆڵكاری لالیگا بكەرە قوربانیی بۆ بەدەستھێنانی چامپیۆنس لیگ و پێویستە دەست لەو خەڵاتە تاكەكەسییە ھەڵگری.
بەپێی رۆژنامە مەدریدییەكە، زێدان ئامانجی ئەوەیە هەمانشێوەی ساڵی پار پشوو بەڕۆناڵدۆ بدات و بۆ یارییە چارەنوسسازەكان یاری پێبكات و مەبەست لەم كارەی زێدان ئامادەكردنی رۆناڵدۆیە بۆ یارییەكەی یۆڤی لەخولی یانە پاڵەوانەكانی ئەوروپا.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو