یەكێتی ئەوروپا توركیا تووڕە دەكات

  2020-01-19 15:25      159 جار بینراوە        کۆمێنت

بەرپرسی سیاسەتی دەرەوەی یەکێتی ئەوروپا بەر لەدەستپێکردنی کۆنگرە لیبیاو لەچرکەساتێکی زۆر هەستیاردا کەمکردنەوەی هاوکارییەکانی یەکێتی ئەوروپای بۆ تورکیا راگەیاند.
بەر لەبەستنی کۆنگرەی راوێژکاری لیبیا کەتورکیا ڕۆڵێکی گرنگی تێدا دەبینێ یەکێتی ئەوروپا رەجەب تەیب ئەردۆگانی سەرۆکی تورکیای لەڕێگەی نامەیەکی جۆزێف بوریل-ی بەرپرسی سیاسەتی دەرەوەی ئەوروپاوە تووڕەکرد کەنوێنەرەکەی دەرەوەی بڵاویکردەوە.
لەنامەکەدا کە بۆ یەکێتی ئەوروپا نێردراوە  شتێکی تازەی تێدا نییە، چونکە ساڵی ڕابردوو کەمکردنەوەی زۆری ئەو هاوکاریانەی کەبڕیاربوو بدرێتە تورکیا ساڵی ڕابردوو بەبڕی لە75٪ کەمکرایەوەو بریاری لێوەدرا هۆکارەکەشی پیادەکردنی بەرنامەی شەڕەنگێزی تورکیا بوو بەرامبەر بەکوردەکانی باکوری ڕۆژئاواو بەهۆکاری تری دەرهێنانی گازی تورکی لەکەنارەکانی قوبرس وەک کەناڵی ARD لەبرۆکسلەوە وتی: ئەمانە هۆکارەکانی بوون.
کەناڵی ARD دەڵێ یەکێتی ئەوروپا لەبەر ئەو هۆکارانە کاردەکات بەئامانجی هێورکردنەوەی شەپۆلەکان بەئاراستەی ئارامی ئەمەش وا دەکات یارمەتییەکانی تورکیا بوەستێندرێت، روونیشیانکردووەتەوە بڕینی ئەو کۆمەکانە ئەوشتانە ناگرێتەوە کەبۆ گەشەپێدان و پتەوکردنی دیموکراسییەت و پتەوکردنی بنەماکانی یاسا تەرخانکراوە. 
ئەو بڕە دیاریکراوەی کە یەکێتی ئەوروپا بەپێی ڕێکەوتنی پەنابەران لەگەڵ تورکیادا واژۆی کردووە ناچێتە ژێر بڕیاری ڕاگرتنی هاوکارییە گشتییەکانەوە بۆ تورکیا. 
بوریل  هو دیتمار یەکێک لەئەندام پەرلەمانەکانی یەکێتی ئەوروپا سەرۆکی ئەنجومەنی ئیدارەی دۆرتمۆند دوای خوێندنەوەی وتارەکەی سەرۆکی بەشی سیاسەتی دەرەوە جەختیکردەوە، کەمکردنەوەی هاوکارییەکان لەکۆی پرۆسەی بەئەندام بوونی تورکیا لەیەکێتی ئەوروپادا هۆکاری خۆی هەیە، چونکە ئەردۆگان لەیەکێتی ئەوروپا  زۆر زۆر دوورکەوتۆتەوەو زیانی بەسەروەری یاسا گەیاندووەو فراوانکردنی دەسەلاتەکانی سەرۆکیش لەدژی یاسایەو بەئاشکرا باکوری سوریای داگیرکردو جەنگێکی کاولکاری بەرامبەر بەکورد هەڵگیرساندووە.
شیهاب عوسمان- ئەڵمانیا.
سەرچاوە: کەناڵی  ARD برۆکسل

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو