چین لەماوەی 10 رۆژدا نەخۆشخانەیەكی 1000 قەرەوێلەیی دروست دەكات

  2020-01-24 18:26      408 جار بینراوە        کۆمێنت
بڕیارە بیناكە لەماوەی 10 رۆژدا تەواو بێت

چین لەماوەی 10 رۆژدا نەخۆشخانەیەكی هەزار قەرەوێڵەیی بۆ چارەسەركردنی تووشبوان بەڤایرۆسی كۆرۆنا دروستدەكات.
چین بڕیاریدا لە ماوەی 10 رۆژدا نەخۆشخانەیەكی تایبەت بە چارەسەركردنی تووشبووان بە ڤایرۆسە ترسناكەكەی "كۆرۆنا" درووست بكات، كە تا ئێستا بەهۆی ئەو ڤایرۆسەوە 26 كەس گیانیان لەدەستداوە و سەدان حاڵەتی دیكەی تووشبوونیش تۆماركراون.
بڕیارە بینای نەخۆشخانەكە لەسەر رووبەری 25 هەزار مەتری چوارگۆشە دروست بكرێت و تا رۆژی 3ی مانگی داهاتوو بكەوێتە بواری خزمەت بۆ چارەسەركردنی تووشبووان.
ئاژانسی هەواڵی رۆیتەرز بڵاویكردەوە بەهۆی بڵاوبوونەوەی ڤایرۆسی كۆرۆنا شەقامەكان و ناوەندە بازرگانی و شوێنە گشتییەكانی شاری وۆهان، بە شێوەیەكی ترسناك بێدەنگ و كپ بوونەو هەروها وێستگەكانی شەمەندەفەر، میترۆ و تونێلەكان داخراون و هەر ئۆتۆمبیلێكیش لە رێگاوە بڕوات پۆلیس پشكنینی بۆ دەكەن، لەژمارەیەك شاریش بەشێویەكی كاتی گەشتی زەمینی و دەریایی راگیراون.
هەروەها لە شاری پەكین سەرجەم چالاكییە گشتییە گەورەكان تا كاتێكی نادیار دواخراون، لەوانەش پیشانگەی پەرستگە كلاسیكییەكان، كە دیارترین بۆنەی سەری ساڵی قەمەری-یان لێ بەڕێوەدەچن.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو