سكرتێری ئەنجومەنی وەزیران: ناوی مامۆستایانی گرێبەست رەوانەی وەزارەتی دارایی كراوە

  2020-02-12 16:42      114 جار بینراوە        کۆمێنت
مامۆستایانی گرێبەست لەچاوەڕوانی دامەزراندندان

سكرتێری ئەنجومەنی وەزیران لەبارەی بابەتی بەهەمیشەیی كردنی دامەزراندنی مامۆستایانی گرێبەست وەك مامۆستای هەمیشەیی لەسەر میلاكی وەزارەتی پەروەردە رایگەیاند ناوەكانیان رەوانەی وەزارەتی دارایی كراوە بۆ مامەڵەی كۆتایی دامەزراندن.
د.ئامانج رەحیم سكرتێری ئەنجومەنی وەزیران لەوەڵامی نامەو پرسیاری مامۆستایانی گرێبەست بۆ دامەزراندنیان بەهەمیشەیی، رایگەیاند "ئەمڕۆ، ناوەكانتان بە نووسراوی سەرۆكایەتی ئەنجومەنی وەزیران ژمارە ۱٦٦۹ لە ۱۲-۲-۲٠۲٠ ئاڕاستەی (وەزارەتی دارایی وئابووری/ ب.گ بوودجە_ میلاك) كرا بۆ دەستپێكردنی مامەڵەی كۆتایی دامەزراندنتان و دەستبەكاربوونی فیعلیتان لەبەر ڕۆشنایی بڕیاری ئەنجومەنی وەزیران ژمارە ۳٤ لە ڕۆژی ۲٤-۱۲-۲٠۱۹."
ئەمە لەكاتێكدایە كە چەند مانگێكە ئەنجومەنی وەزیران بڕیاریدا ئەو مامۆستایانەی بەشێوەی گرێبەست زیاتر لەسێ ساڵە دەوام دەكەن كە ژمارەیان لە(6) هەزار زیاترە، بكرێن بەهەمیشەیی، بەڵام تا ئێستا بڕیار لەمامەڵەكردنی كۆتایی بۆ دامەزراندیان بەهەمیشەیی نەدراوە.


بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو